என்னது... பூமி சூரியனைச் சுற்றி வருகிறதா?

அமெரிக்காவில் நான்கில் ஒரு பங்கு மக்கள் பூமி சூரியனை சுற்றி வருகிறது என்ற அடிப்படை விவரம் கூட தெரியாமல் இருப்பதாக கருத்துக்கணிப்பு ஒன்றில் தெரியவந்துள்ளது.


அமெரிக்காவின் டெக்ஸாஸ் மாநிலத்தில் உள்ள அர்லிங்டன் பகுதியில் இருக்கும் தேசிய அறிவியல் நிறுவனம் அமெரிக்கர்களிடையே கருத்துகணிப்பு ஒன்றை நடத்தியுள்ளது.


இதில் மொத்தம் 2,200 பேர் கலந்துக்கொண்டனர். இவர்களிடம் இயற்பியல், உயிரியல் குறித்து 10 கேள்விகள் கேட்கப்பட்டன. அதில் சராசரியாக 6.5 மதிப்பெண்களை பெற்றனர்.


இந்தக் கருத்துகணிப்பின் மூலம் 74 சதவீதமான பேருக்கு பூமி சூரியனை சுற்றி வருகிறது என்பது தெரியவில்லை என்ற அதிர்ச்சி தகவல் வெளியாகியுள்ளது.


மேலும் 48 சதவீதத்திற்கும் குறைவானவர்களுக்கே மனிதன் விலங்கில் இருந்து வந்தது தெரிந்துள்ளது. 90 சதவீத நபர்கள் மருத்துவ கண்டுபிடிப்புகள் குறித்து தெரிந்து கொள்ள ஆர்வமாக உள்ளனர்.


அமெரிக்கர்களில் வெறும் 33 சதவீத மக்கள் மட்டுமே அறிவியல் துறைக்கு அதிக நிதியுதவி அளிக்கப்பட வேண்டும் என்று விரும்புகின்றனர்.

மணிரத்னம் படத்தில் நடிக்க மறுத்த நடிகை..?

மணிரத்னம் அடுத்து தெலுங்கு, இந்தியில் ஒரு படம் இயக்க இருக்கிறார். இதில் மூன்று பிரபல ஹீரோயின்கள் நடிக்க இருக்கிறார்கள். குழந்தை பெற்ற பிறகு ஒதுங்கி இருந்த ஐஸ்வர்யா பச்சனை சந்தித்து கதை சொல்லி நடிக்க சம்மதம் வாங்கி விட்டார் மணிரத்னம்.


அறிமுகப்படுத்திய இயக்குனர் என்பதால் தயக்கமே இல்லாமல் ஓகே சொல்லிவிட்டார். இன்னொரு ஹீரோயினாக ஸ்ருதிஹாசன் நடிக்கிறார். அவரும் ஒகே சொல்லிவிட்டார். அடுத்து மூன்றாவது ஹீரோயினாக சோனாக்ஷி சின்ஹாவை நடிக்க வைக்க விரும்பினார் மணிரத்னம்.


இதற்காக சோனாக்ஷியின் தந்தையும் மணிரத்தினத்தின் நண்பருமான சத்ருஹன் சின்காவை சந்தித்து கதை சொல்லி கால்ஷீட் கேட்டிருக்கிறார். கதையை கேட்டு ஒப்புக் கொண்ட சத்ருஹன் சின்ஹா இப்போது சோனாக்ஷியிடம் கால்ஷீட் இல்லை என்று கைவிரித்து விட்டார்.


இதுகுறித்து சத்ருகன் சின்ஹா கூறியிருப்பதாவது: "சோனாக்ஷிக்கு கதையும், கதாபாத்திரமும் பிடித்திருக்கிறது. ஆனால் மணி கேட்ட தேதிகள் ஏற்கெனவே வேறொரு படத்திற்கு கொடுக்கப்பட்டிருக்கிறது. அதனால் அவரால் இந்த வாய்ப்பை ஏற்றுக்கொள்ள முடியவில்லை. பிற்காலத்தில் அவர் மணியின் இயக்கத்தில் நிச்சயம் நடிப்பார்" என்று கூறியிருக்கிறார்.


சமீபகாலமாக மணிரத்தினத்தின் படங்கள் தோல்வி அடைந்து வருவதாலும், அவர் படத்துக்கு நீண்ட நாள் கால்ஷீட் கொடுக்க வேண்டும் என்பதாலும் சோனாக்ஷி ஒதுங்கிக் கொண்டதாக கூறப்படுகிறது.

ஷாரூக்கான் வாய்ப்பைத் தட்டிப்பறித்த தனுஷ்!

இந்தியில் ராஞ்சனா படத்தில் நடித்து பெயர் வாங்கிய தனுஷ், அதன்பிறகு அங்குள்ள முக்கிய இயக்குனர்களின் கவனத்தை ஈர்த்திருக்கிறார்.


என்றபோதும், உடனடியாக இந்தியில் அதிகமான படங்களில் நடிக்க விரும்பாத தனுஷ், தமிழில் தனக்கென இருக்கிற இடத்தை இழந்து விடக்கூடாது என்பதற்காக, அதற்கடுத்து தமிழில் மூன்று படங்களில் கமிட்டாகி விட்டார்.


இந்தநிலையில்தான், இந்தியில் அமிதாப்பச்சன் நடித்த சீனிகம், பா படங்களை இயக்கிய பால்கி, அமிதாப்புடன் நடிப்பதற்கு தனுசுக்கு அழைப்பு விடுத்தார். அமிதாப்புடன் நடிக்கும் வாய்ப்பு என்பது மட்டுமின்றி, வாய் பேசாத மாற்றுத்திறனாளி வேடத்தில் நடிக்கிறார் தனுஷ். அதனால் நடிப்பில் தனது இன்னொரு முகத்தை காண்பிக்க சரியான சான்ஸ் என்று இந்த படத்திற்கு கேட்ட தேதியில் கால்சீட் கொடுத்து நடித்து வருகிறார் தனுஷ்.


இதற்கிடையே, இப்படத்தில் முதலில் அமிதாப்புடன், ஷாரூக்கான்தான் நடிப்பதாக செய்திகள் வந்து கொண்டிருந்தன. ஆனால், ராஞ்சனாவில் தனுஷின் நடிப்பையும் அவருக்கு பாலிவுட்டில் இருக்கிற வரவேற்பையும் பார்த்த பிறகுதான் ஷாரூக்கானை விட தனுஷையே நடிக்க வைக்கலாம் என்று முடிவு செய்தாராம் பால்கி.


ஆக, ஷாரூக்கான் வேடத்தில் தனுஷ் நடித்து வருவதால், தனுஷ் பற்றிய பேச்சும், எதிர்பார்ப்புகளும் பாலிவுட்டில் பன்மடங்கு அதிகரித்துள்ளதாம்.

30 ஆண்டுகளுக்குப் பிறகு... ஒரு உண்மைக் கதை!

30 ஆண்டுகளுக்குப் பிறகு... ஒரு உண்மைக் கதை!

கிருஸ்தவ கொள்கை மற்றும் சிறப்புகளை மையப்படுத்தி ‘வில்லியனூர் மாதா’, குழந்தை ஏசு’, அன்னை வேளாங்கண்ணி’ என பல படங்கள் வெளிவந்திருந்தாலும், கடந்த 30 ஆண்டு காலமாக எந்த படங்களும் வெளிவரவில்லை என்ற குறையை தீர்க்க வேளா எண்டர்பிரைசஸ் சார்பில் உருவாகியுள்ள படம் தான் ‘கடல் தந்த காவியம்’.


திருநெல்வேலிக்கு அருகிலுள்ள வடக்கண்குளத்தில் புகழ்பெற்ற பரலோக மாதா தேவாலம் இருக்கிறது. சரித்திரப்புகழ்பெற்ற இந்த மாதா கோவிலுக்கு, 200 ஆண்டுகளுக்கு முன்பு வடக்கண்குளம் கடும் பஞ்சத்தில் தவித்தபோது, பெண் வடிவில் வந்த மாதா தன் கையால் ஒரு நீர் ஊற்றை உருவாக்கி மக்கள் தாகத்தை போக்கியதாக வரலாற்றுத் தகவல் உள்ளது. அந்த நீர் ஊற்று இன்றளவும் பயன்பாட்டில் உள்ளதாகவும், ஆண்டுதோறும் செப்டம்பர் 8-ஆம் தேதி சூரிய ஒளி மாதாவின் கால் முதல் தலை வரை பதிகிறதாம்.


மாதாவின் இப்படிப்பட்ட சிறப்புகளை மையப்படுத்தி எடுக்கப்பட்டுள்ளது கடல் தந்த காவியம் திரைப்படம். இத்திரைப்படத்தின் படப்பிடிப்பு பெரும்பாலும் பரலோக மாதா தேவாலயத்தில் நடந்து, தற்போது பின்னணி இசை சேர்க்கும் பணி நடைபெற்று வருகிறது. புனித வெள்ளியான ஏப்ரல் 18-ஆம் தேதி வெளியாகும் இத்திரைப்படத்தில் அப்ரஜித், அசுரதா ஆகியோர் ஹீரோ ஹீரோயினாக நடித்திருக்கிறார்கள்.

ஈறுகளில் ரத்தக் கசிவா? உங்களுக்கான வீட்டு வைத்தியங்கள்!

ஈறுகளில் ரத்தக் கசிவா? உங்களுக்கான வீட்டு வைத்தியங்கள்

ஈறுகளில் வீங்கச் செய்து பல் துலக்கும் போதோ அல்லது கடினமான உணவுப் பொருட்களை உட்கொள்ளும் போதோ ஈறுகளில் உண்டாகும் இரத்தக்கசிவு தான் இரத்தக்கசிவு நோய்.

இது பெரும்பாலும் வாய் ஆரோக்கியத்தை ஒழுங்காக பராமரிக்காமல் இருப்பதனாலேயே வருவதாகக் கூறப்படுகிறது.

ஆனால் சில சமயங்களில் உடல் ஆரோக்கியத்தை குன்றச் செய்யும் இதர நிலைகளான கர்ப்ப காலம், வைட்டமின் பற்றாக்குறை, ஸ்கர்வி என்றழைக்கப்படும் பல் வீக்க நோய், லுக்கேமியா என்றழைக்கப்படும் வெள்ளையணு புற்றுநோய், அல்லது இதர நோய்த்தொற்றின் அறிகுறியாகவும் இது இருக்கலாம்.

இது பெரும்பாலும் கொடிய நோய்களான இரத்தத்தட்டு நோய் அல்லது லுக்கேமியா போன்றவற்றின் அறிகுறியாகக் கருதப்படுகிறது.

இதனை ஒழுங்கான முறையில் கவனிக்காவிட்டால், ஜிஞ்சிவிட்டீஸ் என்றழைக்கப்படும் ஈறு வீக்க நோய் வர வழிவகுக்கும். இவ்வாறு ஈறுகளில் ஏற்படும் இரத்தக்கசிவை எளிதான கை மருத்துவ முறைகள் மூலம் தவிர்க்கலாம்.

இதனால் அது பின்பற்றுவதற்கு எளிதானவையாக இருப்பதோடு, பல் ஆரோக்கியத்தை சில வாரங்களிலேயே மேம்படுத்தும்.


சிட்ரஸ் பழங்கள்

வைட்டமின் சி குறைபாடு, ஈறுகளில் இரத்தக்கசிவு ஏற்படுவதற்கான பிரதான காரணங்களுள் ஒன்றாகும்.

ஆரஞ்சு, எலுமிச்சை போன்ற சிட்ரஸ் பழங்கள் மற்றும் ப்ராக்கோலி, முட்டைக்கோஸ் போன்ற காய்கறிகள் அதிக அளவிலான வைட்டமின் சி சத்தை வழங்கி, ஈறுகளின் இரத்தக்கசிவை தடுப்பதற்கு உதவக் கூடியவையாகும்.


பால்

பால் கால்சியம் சத்தின் தலைசிறந்த மூலாதாரமாகும். ஆகவே ஈறுகளை வலுப்படுத்த வேண்டுமெனில், உடலில் கால்சியம் சத்தை மீண்டும் மீண்டும் நிரப்ப வேண்டியது முக்கியம்.

எனவே ஈறுகளில் இரத்தக்கசிவை தவிர்க்க தினமும் தவறாமல் பால் அருந்த வேண்டியது மிகவும் அவசியமாகும்.


பச்சைக் காய்கறிகள்


பச்சைக் காய்கறிகளை நன்கு மென்று திண்பதன் மூலம் பற்கள் தூய்மையடைவதுடன், ஈறுகளில் இரத்த ஓட்டமும் தூண்டப்படும்.

ஆகையால், தினமும் ஒரு பச்சைக் காய்கறியை மென்று தின்னும் பழக்கத்தை மேற்கொள்வது நலம்.


க்ரான்பெர்ரி மற்றும் அருகம்புல் ஜூஸ்


க்ரான்பெர்ரி அல்லது அருகம்புல் சாற்றினை அருந்துவதன் மூலம் ஈறுகளின் இரத்தக்கசிவிலிருந்து நிவாரணம் பெறலாம்.

க்ரான்பெர்ரி சாறு அதன் ஆன்டிபாக்டீரியல் தன்மைகளை முடுக்கி விட்டு, ஈறுகளின் மேல் படிந்திருக்கக்கூடிய பாக்டீரியாக்களை துடைத்து, இரத்தக்கசிவு ஏற்படாமல் தடுக்கிறது.


பேக்கிங் சோடா

பேக்கிங் சோடா வாயில் இருக்கக் கூடிய மைக்ரோஎன்விரான்மெண்டை அமிலத்தன்மை கொண்டதாக மாற்றி பாக்டீரியாக்களைக் கொல்கிறது. அதற்கு பேக்கிங் சோடாவை விரல்களில் தொட்டு, ஈறுகளில் தேய்த்துக் கொள்ளலாம்.


கிராம்பு

கிராம்பை வாயில் போட்டு மெதுவாக மெல்லலாம் அல்லது கிராம்பு எண்ணையை ஈறுகளின் மேல் தேய்த்துக் கொள்ளலாம்.

இது பற்கள் தொடர்பான அனைத்து பிரச்சனைகளையும் நிவர்த்தி செய்யக்கூடிய பழமையான மற்றும் எளிமையானதொரு கை வைத்தியமாகும்.


புதினா

எண்ணெய் பல் துலக்கும் போது வாயை புத்துணர்ச்சியோடும், தூய்மையாகவும் வைத்திருக்கக்கூடிய புதினா எண்ணெயை உபயோகிக்கலாம்.


உப்புக் கரைசல்

பல் துலக்கிய பின் வெதுவெதுப்பான நீரில் ஒரு சிட்டிகை உப்பு சேர்த்து கொப்பளித்து வரலாம்.

இது ஈறுகளில் ஏற்படக்கூடிய இரத்தக்கசிவுக்கான மிகச் சிறந்த கை வைத்தியமாகும்.

மசாஜ்

பல் துலக்கிய பின் விரல்களைக் கொண்டு ஈறுகளை மென்மையாக மசாஜ் செய்வது இரத்த ஓட்டத்தை சீராக்கும்.

இது ஈறுகளை வலுவாக்கி இரத்திக்கசிவிலிருந்து அவற்றை பாதுகாக்கும்.
புகைப்பிடிப்பதை தவிர்த்தல்

புகைப்பழக்கமானது வாயின் உட்புறங்களில் குறிப்பிட்ட சில பாக்டீரியாக்களின் வளர்ச்சிக்கு உதவக்கூடிய வகையில் உயிர்வளியற்றதாக மாற்றும்.

எனவே வாயை பாக்டீரியாக்கள் இன்றி தூய்மையாக வைத்திருக்க வேண்டுமெனில், புகைப்பிடிப்பதைத் தவிருங்கள்.

அதிசய மூலிகை ஆகாச கருடன் கிழங்கு..!

அதிசய மூலிகை ஆகாச கருடன் கிழங்கு..!

கோவைக் கொடி இனத்தைச் சேர்ந்த இந்த மூலிகைக்கு பொதுவாக பேய் சீந்தில், கருடன் கிழங்கு, கொல்லன் கோவை,என்ற வேறு பெயர்களும் உண்டு. இருந்தாலும் "ஆகாச கருடன் கிழங்கு" என்ற பெயர் தான் முன்பு அனைவருக்கும் தெரிந்த பெயராக இருந்து வந்துள்ளது.

இம் மூலிகை காடுகள்,வனங்களில், மலை சார்ந்த பகுதிகளில் தன்னிச் சையாக வளரும் கொடி இனமாகும்.சுமார் 40 - 50 வருடங்க ளுக்கு முன்பு குருவிக்காரர்கள் காடு, மலைகளுக்குச் சென்று இக் கிழங்கை சேகரித்து கொண்டு வந்து நாடு , நகரங்களில் கூவி கூவி விற்பார்கள்.

நிலத்தில் பூமியின் அடியில் விளையும் கிழங்கு வகையான இம் மூலிகை கிழங்கிற்கு ஏன் ஆகாயத்தில் பறக்கும் கருடனின் பெயரை நம் முன்னோர்கள் சூட்டினார்கள்.?

பொதுவாக பூமியில் ஊர்ந்து செல்லும் பாம்பு வகைகள் ஆகாயத்தில் கருடன் பறந்து செல்வதைப் பார்த்தால் ஓடி ஒளிந்து கொள்ளும். அதே போல் இக் கிழங்கின் வாசனை அறிந்தாலும் அந்த இடத்தை விட்டு உடனே அகன்று விடும், ஓடி விடும்.

இம் மூலிகைக் கிழங்கை கயிற்றில் கட்டி வீட்டில் தொங்க விட்டால் ஆகாயத்தில் பறக்கும் கருடனைப் போலவே தோற்றம் அளிக்கும்.

உண்மையில் ஆகாச கருடன் என்ற இம்மூலிகைக்கு மாபெரும் சக்தி இருக்கின்றது. "சாகா மூலி" என்ற பெயரும் இதற்கு உண்டு. ஆம் இம் மூலிகைக் கிழங்கு சாகாது . இக் கிழங்கை ஒரு கயிற்றில் கட்டி தொங்க விட்டால் காற்றில் உள்ள ஈரத்தை மட்டும் ஈர்த்து வாங்கி உயிர் வாழும் சக்தி கொண்டது.முளை விட்டு கொடியாகப் படர்ந்து விடும்.

இம் மூலிகைக் கிழங்கிற்கு சில அமானுஷ்ய சக்திகள் உண்டு. அதாவது வீட்டிற்கு ஏற்படும் திருஷ்டி, தோஷங்களை போக்கும் தன்மை கொண்டது. மேலும் எதிரிகளால் ஏவப்படும் பில்லி, சூன்யம், போன்ற மாந்திரீக எதிர் வினைகளை ஈர்த்து தன்னைத் தானே அழித்துக் கொள்ளும் தன்மை கொண்டது.இதனால் வீட்டில் உள்ளவர்கள் மாந்திரீக தீய விளைவுகளில் இருந்து காக்கப் படுவர்.

ஆகாச கருடன் கிழங்கின் மருத்துவ பயன்கள் :-

இதன் முக்கிய குணம் விஷத்தை முறிக்கும் ஆற்றல் கொண்டது. அத்துடன் இளைத்த உடலைத் தேற்றவும்,உடலை உரமாக்கி சூட்டை தணிக்கும் குணம் கொண்டது. ஆனால் சித்த மருத்துவரின் மேற் பார்வையில் உண்ணுதல் வேண்டும். இது அதிக கசப்பு சுவை கொண்டது.

சிறப்பாக பாம்பு விஷங்கள், தேள், பூரான் விஷங்கள் எளிதில் முறியும்.பாம்பு கடித்தவருக்கு இந்த ஆகாச கருடன் கிழங்கை ஒரு எலுமிச்சை காயளவு தின்ன கொடுக்க இரண்டு தடவை வாந்தியும், மலம் கழியும் உடனே விஷமும் முறிந்து விடும்.

எலிகளால் ஏற்படும் தொல்லைகளில் இருந்து விடுதலை பெற வேண்டுமா?

நிறைய பேருக்கு செல்லப் பிராணிகள் மிகவும் பிடிக்கும். ஏனெனில் அந்த செல்லப் பிராணிகள் பல்வேறு சூழ்நிலைகளில் மிகவும் உதவியாக இருக்கும். அத்தகைய செல்லப் பிராணிகளில் நாய், பூனை, கிளி போன்றவற்றை தான் பெரும்பாலானோர் வளர்ப்பார்கள். சிலர் எலிகளில் வெள்ளை நிற எலியை வளர்ப்பார்கள். ஆனால் அந்த வகைகளில் ஒன்றான கருப்பு நிற எலியைக் கண்டால் பலரும் எரிச்சல் அடைவார்கள். ஏனெனில் கருப்பு நிற எலியின் அட்டகாசத்தை தாங்கவே முடியாது. குறிப்பாக பெருச்சாளி என்றால் அனைவரும் அது மட்டும் கையில் கிடைத்தால், அதனை அடித்தே சாவடிப்பேன் என்ற அளவில் கோபப்படுவார்கள்.

ஏனென்றால், அவை வீட்டில் உள்ள மரத்தாலான நாற்காலி, உடைகள் போன்றவற்றை கிழித்து வைத்துவிடும். பொதுவாக இந்த மாதிரியான எலிகளின் இருப்பிடம் வீட்டின் தோட்டம் என்று சொல்லலாம். ஏனெனில் அங்கு நாம் குப்பைத் தொட்டிகள் மற்றும் இதர குப்பைகளை போடுவதால், அதன் வாசனைக்கு அது பொந்து போட்டு, தங்கி, வீட்டின் உள்ளே வந்து வீட்டையே அசிங்கமாக்கிவிடுகிறது. எனவே வீட்டையும், தோட்டத்தையும் எலிப் பிரச்சனையின்றி வைப்பதற்கு என்னவெல்லாம் செய்ய வேண்டும் என்று பார்ப்போமா!!!

* முதலில் குப்பைத் தொட்டியை வீட்டின் வெளியே தோட்டத்தில் வைத்தால், அவற்றை நன்கு மூடி வைக்க வேண்டும். குறிப்பாக ஈரமாக இருக்கும் குப்பைகளை போடும் போது, மறக்காமல் அதனை மூடி வைக்க வேண்டும். ஏனெனில் குப்பையின் வாசனைக்கு எலிகள் எளிதில் வந்துவிடும். எனவே குப்பைத் தொட்டியை நன்கு மூடி வைக்க வேண்டும். மேலும் குப்பையை வெளியே எறிந்த பின்னர், அதனை சுத்தமாக கழுவி வைக்க வேண்டும்.

* மரத்தூள் குவியல் மற்றும் தோட்டத்தின் கழிவுகளை அடிக்கடி சுத்தம் செய்ய வேண்டும். ஏனெனில் அதன் வாசனையால் எளிதில் எலியானது வந்துவிடும்.

* வீட்டில் ஏதேனும் ஓட்டை இருந்தால், அதனை களிமண் அல்லது கம் வைத்து நன்கு அடைத்துவிட வேண்டும். இதனால் எலிகள் வீட்டில் வந்து விளையாடுவதை தடுக்கலாம்.

* வீட்டில் ஆங்காங்கு எலிப் பெட்டியை வைக்க வேண்டும். அதிலும் அந்த பெட்டியில் நல்ல வாசனை உணவுப் பொருட்களை வைத்து, எலி அடிக்கடி வரும் இடம் மற்றும் தங்கியிருக்கும் இடங்களில் வைக்க வேண்டும். இதனால் உணவுப் பொருட்களின் வாசனைக்கு எலியானது பெட்டிக்குள் சென்று மாட்டிக் கொள்ளும். பின் அதனை வீட்டிற்கு மிகவும் தொலைவில் விட்டுவிட வேண்டும்.

* எலிகளுக்கு புதினாவின் வாசனை என்றால் அறவே பிடிக்காது. எனவே வீட்டைச் சுற்றி புதினாவால் செய்யப்பட்ட எண்ணெய் அல்லது வாசனை திரவியத்தை எலி தங்கியிருக்கும் இடத்தில் தெளித்தால், அதனை வீட்டிற்குள் வராமல் விரட்டலாம்.

* அதுமட்டுமின்றி எலிகளுக்கு அந்துருண்டையின் வாசனை பிடிக்காது. ஆகவே வீட்டில் ஆங்காங்கு அந்துருண்டையை வைத்து விட்டால், எலிகளின் பிரச்சனைகளில் இருந்து விடுபடலாம். இவையே எலிகளின் பிரச்சனைகளில் இருந்து விடுபடுவதற்கான வழி

வாய் துர் நாற்றம் – சரி செய்வது எப்படி?

 சிலர் பேச வாயைத் திறந்தாலே குப்பென்று துர் நாற்றம் நம் முகத்தில் அடிக்கும், மூக்கைத் துளைக்கும். அவரவர் வாயில் குடியிருக்கும் (Anaerobic gram negative bacteria) நுண் கிருமிகள் பிராணவாயு இல்லாத சூழ் நிலையிலும் பெருகும். நுண்கிருமிகள் வெளியேற்றும் கழிவுகளால் துர் நாற்றம் உண்டாகிறது.


சாதாரணமாக வாயிலுள்ள நுண்கிருமிகளால் வெளியேறும் கழிவுகளில் ஆவியாகக் கூடிய கந்தக (Sulfur) கூட்டுப் பொருட்கள் உள்ளன. அழுகிய முட்டையிலிருந்து வெளியேறும் Hydrogen sulfide, குப்பைக் கிடன்கிலிருந்து வரும் Methyl mercaptan, கடல் புறங்களிலிருந்து வெளியாகும் Dimethyl sulfide ஆகிய கழிவுகள் வாயிலுள்ள நுண் கிருமிகளிலிருந்து வெளியேறுகின்றன.


இவைகள் Volatile Sulfur Compound (VSC) என்றழைக்கபடுகின்றன.
வாயிலிருக்கும் நுண்கிருமிகளால் வெளியேறும் இன்னும் வேறு பல கழிவுகளும் துர் நாற்றத்தை ஏற்படுத்துகின்றன.


Cadaverine – இறந்த உடலிலிருந்து வெளியேறும் நாற்றம்,

Putrescine – அழுகும் இறைச்சியிலிருந்து ஏற்படும் நாற்றம்.

Skatole – மனிதக் கழிவிலிருந்து ஏற்படும் நாற்றம்.

Isovaleric acid – வியர்க்கும் பாதத்திலிருந்து ஏற்படும் நாற்றம்.


கிருமிகள் பெருகுவதற்கு தேவையான உணவு நாம் உண்ணும் மீன், இறைச்சி, முட்டை, பால் போன்ற புரத உணவிலிருந்தும், உமிழ் நீர், வாயின் உட்புறத்தில் கழியும் திசுக்களிலிருந்தும் கிடைக்கிறது. வாயை, சாப்பிட்ட ஒவ்வொரு முறையும் நன்றாக கொப்பளிக்காததால் உணவுப் பொருட்கள் வெண்மையான காரையாக பற்களின் இடுக்குகளில், பற்களின் மேல், ஈறுகளுக்கு உட்புறம் மற்றும் நாக்கின் பிற்பகுதியில் மாவு போன்ற வெண் படலமாக படிந்து விடுகிறது. வெண்படிமம் 0.1 – 0.2 மி.மீ அளவில் இருந்தாலும் கிருமிகளுக்கு ஆக்ஸிஜன் கிடைக்காமல் பெருகி கழிவுகளை வெளியேற்றுகின்றன.


பற்கள் கட்டியிருந்தால், அதற்கும், வாய்க்கு இடையிலும் உணவுப் பொருட்கள் தங்கி கிருமிகள் வளர ஏதுவாகிறது. வாயிலும், நாக்கிலும், பற்களின் இடுக்குகளிலும் உள்ள இடத்தில் குடியேறி கழிவுகளை வெளியேற்றும் கிருமிகளுக்கும், பிற கிருமிகளுக்கும் நிரந்தர போட்டி நடந்து கொண்டேயிருக்கிறது. இக்கிருமிகளும், அதன் கழிவுகளும் எல்லோரின் வாயிலும் இருக்கின்றன. வாயையும், பற்களையும் சுத்தமாக வைத்திருப்பவர்கள் பலருக்கு நாற்றம் இல்லாமல் இருக்கிறது. வாயையும், பற்களையும் சரியாக பராமரிக்காதவர்களுக்கு நாற்றம் மிகுந்து இருக்கிறது.


அடுத்து,  வாயின் உட்பகுதியில் ஈறு நோய் (Gum disease – Chronic Periodontitis) பாதிப்புள்ளவர்களுக்கும் வாயில் துர் நாற்றம் ஏற்படலாம். குறிப்பாக நாக்கின் பின் புறத்திற்கு அருகிலுள்ள பற்கள் மற்றும் ஈற்றின் இடைவெளிகளில் உணவுப் பொருட்களின் படிமம் தேங்குகிறது. இந்த இடங்களிலும் நுண் கிருமிகள் தங்கி பற்களைச் சுற்றியுள்ள எலும்புப் பகுதியை அரித்து, பற்களில் குழியை (Periodontal pockets) ஏற்படுத்துகிறது. இந்த குழிகளிலும் மேலும் உணவுப் பொருட்களும், கிருமிகளும் தங்கி, கழிவுப் பொருட்களை உற்பத்தி செய்து வாய் துர் நாற்றத்தை அதிகரிக்கிறது.


வாய் துர் நாற்றத்திற்கு எவ்வாறு சிகிச்சை அளிப்பது?


1. நாக்கை சுத்தம் செய்வது மிகவும் முதன்மையானதும் அவசியமானதுமாகும். நாக்கின் முன் பாதி சாப்பிடும் போதும், பேசும் போதும் அடிக்கடி வாயின் மேல்புறத்தில் (Hard palate) உராய்வதால் இயற்கையாகவே சுத்தமாகிறது. ஆனால் நாக்கின் பின் பகுதி மிருதுவான Soft palate ல் உராய்வதால் போதுமான அளவில் சுத்தமாவதில்லை.  வாயில் உற்பத்தியாகும் கிருமிகளையும், கந்தக காம்பௌன்ட் கழிவுகளையும் நீக்கக் கூடிய குளோரின் டை ஆக்ஸைடு அல்லது Cetylpyridinium குளோரைடு கலந்த பற்பசையைப் பயன்படுத்த வேண்டும். Tooth brush மற்றும் பிளாஸ்டிக் ஸ்பூன் அல்லது Tooth scaraper உபயோகித்து நாக்கின் பின்பகுதியையும், பற்களையும் சுத்தம் செய்ய வேண்டும்.


2. முறையான இடைவெளியில் பல் மருத்துவரிடம் ஈறு பரிசோதனையும், பற்களை சுத்தம் செய்வதும் மிக அவசியம். பற்களின் நிலைமையும், ஈறு நன்றாக வீக்கமின்றி இருக்கிறதா என்பதையும் பல் மருத்துவரிடம் முறையாக பரிசோதித்துக் கொள்ள வேண்டும். பற்களில் காரை படிந்தும், எலும்பு தேய்ந்து பற்குழிகள் ஏற்பட்டிருந்தாலும் தகுந்த சிகிட்சை அளித்து பற்களைக் காப்பாற்றி, துர் நாற்றத்தையும் தவிர்க்க உதவுவார்.


3. புரதச்சத்துள்ள ஆகாரத்தை குறைத்தும், அதே நேரத்தில் ஆரோக்கியத்திற்கு தேவையான சத்துள்ள உணவைச் சாப்பிட்டு வந்தால், வாயில் நுண் கிருமிகள் வளர வாய்ப்பிருக்காது. இத்துடன் புரதச் சத்துள்ள உணவைச் சாப்பிட்ட போது முறையாக நாக்கின் பின் பகுதியை சுரண்டி வழித்தும், பற்களுக்கு இடையில் சிக்கியுள்ள புரத உணவுத் துகள்களை Floss உபயோகித்து நீக்கியும், வாய் கொப்பளிக்கும் கிருமி நாசினி மருந்து (Chlorhexidine, Povidone 2% Gargle) திரவத்தால் வாய் கொப்பளித்தும் வாய் துர் நாற்றத்தைப் போக்கலாம்


4. வாயில் எப்பொழுதும் ஈரப்பதம் இருக்குமாறும் பார்த்துக் கொள்ள வேண்டும். குறிப்பாக இரவில் தூங்கும் போது உமிழ் நீர் சுரப்பது குறைந்து, தூங்கி எழும் போது காலையிலும், நீண்ட நேரம் பேசினாலும், பேசிய பின்னும் ஈரப்பதமின்றி வாய் உலர்ந்து விடும். வாயில் ஈரப்பதம் இல்லையென்றால் துர் நாற்றம் வீசும். இதை தவிர்க்க தினமும் நிறைய நீர் குடிக்க வேண்டும். இது உமிழ் நீர் சுரக்க உதவி, வாய் ஈரப்பதத்துடன் இருக்கும். அடிக்கடி நல்ல நீர் கொண்டு வாய் கொப்பளிப்பதால் ஈரப்பதத்துடன், வாயிலுள்ள கிருமிகளையும் அதன் கழிவுகளையும் அகற்றலாம். சர்க்கரையில்லாத மிட்டாய்கள் சுவைப்பதாலும் வாயிலுள்ள ஈரப்பதத்தை அதிகமாக்கி துர் நாற்றத்தை போக்கலாம்.


5. கிருமி நாசினியாக வாய் கொப்பளிக்கும் மருந்தையும் (Mouth wash) பயன்படுத்த வேண்டும். வாய் கொப்பளிக்கும் மருந்து 1. நுண் கிருமிகளை அழிக்கும் தன்மையது, 2. வாய் நாற்றம் தரும் கந்தக கூட்டுப் பொருட்களை சமன் செய்வது என இரண்டு வகைப்படும்.  Listerine, Cetylpyridinium Chloride mouth wash ஆகிய இரண்டும் நுண் கிருமிகளை அழிக்கும் தன்மையுடையது. Zinc ions உள்ள Mouth wash வாயில் நுண் கிருமிகளால் உற்பத்தியாகும் கந்தகம் கலந்த கழிவுப் பொருட்களை சமன் படுத்தும் தன்மையுடையது. இரண்டு தன்மையும் உடைய Chlorine dioxide அல்லது Sodium chlorite கலந்த Mouth wash ம் உபயோகிக்கலாம்.


சில பற்கள் அல்லது முழுவதும் (Full denture) பல் கட்டியிருந்தால், சாப்பிட்ட பின் ஒவ்வொரு முறையும் அவைகளையும் கழற்றி நன்றாக கழுவிய பின் வாயைக் கொப்பளிக்க வேண்டும். இரவில் தூங்கும் போது பல் செட்டை கழற்றி, பற்பசை கொண்டு பிரஷ்சால் செட்டின் உட்புறமும் வெளியிலும் தேய்த்து தனியாக ஒரு கப்பில் வைத்து விட வேண்டும். பல் செட்டில் இயற்கையாகவே நுண் துளைகள் இருக்கும். எனவே துளைகளுக்குள் சென்று சுத்தம் செய்யக் கூடிய கிருமி நாசினி யை உபயோகித்து இரண்டு வேளையும் பல் செட்டை சுத்தம் செய்ய வேண்டும்.


மேற் கூறிய எல்லா முறைகளையும் பின் பற்றினால்தான் வாய் துர் நாற்றத்தை முழுமையாக நீக்கலாம்.

தரமான காட்டன் புடவைகளை எப்படித் தேர்ந்தெடுப்பது?

கடை கடையாய் ஏறி, அலைந்து திரிந்து வாங்கி வந்த காட்டன் சேலைகள் கொஞ்ச நாட்களிலேயே சுருங்கி போய் பழைய துணிகள் போல் காட்சி அளிக்கின்றன•


கடைகளில், கடைக்காரர்கள் காட்டும் காட்ட‍ன் சேலைகள் அனைத்தும் பார்ப்பதற்கு ஒரே மாதிரி இருப்பதால், நாம் அவர்கள் சுட்டிக் காட்டும் சேலையையே வாங்கிடு வோம். ஆனால் வாங்கிய சில நாட்களிலேயே பழைய புடவை போல மாறும்போதுதான் அது மட்டமான காட்டன் சேலை கள் என்பது நமக்கு அப்போதுதான் தெரியும். கைத்தறி காட்டன் புடவைகள் தான் எப்போதும் சரியான சாய்ஸ்.


காஞ்சிபுரம், பெங்கால், மங்கள கிரி, ராஜஸ்தான், போன்ற காட்ட ன்கள் எப்போதும் ‘பளிச்’லுக்தரும். அகலம் குறைவாக இருந்தாலும், சுருங்காது. அயர்ன் தேவையில்லை. டார்க் கலர் களைவிட லைட் கலர் பெஸ்ட். நிறம் வெளுக்கும் தன்மை டார்க் கலர்களில் அதிகம். காட்டன் புடவைகளை சரியாகப் பராமரிக்கா விட்டாலும் சீக்கிரமே சுருங்கிப் போய் விடும்.


அடிக்கடி துவைக்காமல் இரு முறை பயன்படுத்திய பிறகு துவைக்கலாம். பிரஷ் வாஷ் செய்யக் கூடாது. புடவையின் ஷைனிங் போய்விடும் என்பதால் வாஷிங் மெஷினை தவிர்ப்பது நல்லது. நல்ல தரமான கஞ்சியை மைல்டாக பயன்படுத்தினால் பல வருடங்கள் தாண்டியும் பளிச்சென இருக்கும்.

முக அமைப்புக்கு ஏற்ற ஹேர்ஸ்டைல்கள் !

அழகு என்பது வெறும் முக அமைப்பு மற்றும் சரும நிறம் சார்ந்ததல்ல. பிறரை வசீகரிக்கும் அளவிற்கு அழகு இல்லையென்றாலும் சிறு அழகு குறிப்புகளை பயன்படுத்தி நாம் எப்படி நமது அம்சங்களை மாற்றிகொள்கிறோம் என்பதில் தான் சூட்சமம் இருக்கிறது.

அந்த வகையில் பெரும்பான்மையான பெண்கள் தவறு செய்வது அவர்களின் சிகை அலங்காரத்தில் தான். நமது ஒவ்வொருவரின் முகமும் வெவ்வேறு அமைப்புகளை உடையது. அதில் பெரும்பாலான பிரிவுகளாக கருதப்படுபவை, வட்ட வடிவ முகம், நீள்வட்ட வடிவ முகம், சதுர வடிவ முகம் ஆகியவை.

பெண்கள் தங்களின் முக வடிவங்களுக்கு ஏற்றவகையில் சிகை அலங்காரத்தை தேர்வு செய்வது அவசியம்.அந்தவகையில் பெண்களுக்கு உதவும் எளிமையான டிப்ஸ்களை தொடர்ந்து படியுங்கள்.

நீள்வட்ட முகம் உடையவர்கள்...

நீள்வட்ட முகமுடைய பெண்களுக்கு பெரும்பாலான சிகை அலங்காரங்கள் நன்றாகவே இருக்கும். ஃப்ரீ ஹேர், போனி டைல் போன்ற ஹேர்ஸ்டைல்கள் மிக எடுப்பாக இருக்கும். ஆனால் நீள்வட்ட முகமுடையவர்கள் தங்களின் தலையில் நடு வாகு எடுப்பதை தவிர்த்துவிடவேண்டும். இப்படி செய்தால் அவர்களின் முகம் இன்னும் நீளமாக இருப்பது போல தோன்றுவது மட்டுமில்லாமல் அவர்களது மூக்கையும் சற்று பெரியதாக காட்டிவிடும்.

சதுர முக வடிவம் உடையவர்கள்...

நீங்கள் சதுர முக வடிவமுடையர்கள் என்றால் உங்களக்கு நீளமான கூந்தல் மிக கச்சிதமாக பொருந்தும். கூந்தலை பின்பக்கமாக உயர்த்தி கட்டாமல், முகத்தில் கூந்தலின் இழைகள் விழும்படி பார்த்துகொள்ளுங்கள். போனி டைல் போன்ற சிகை அலங்காரங்களை தவிர்த்துவிடுங்கள். நீங்கள் குட்டை முடி பிரியராக இருந்தால் லேயர் லேயராக பாப் கட் செய்துகொள்ளலாம். ஆனால், கூந்தலை குட்டையாக வெட்டும் போது முடியை மொத்தமாக ஓரே அளவில் வெட்டினால் அது உங்களுக்கு ஒரு அடாவடி லுக்கை கொடுத்துவிடும்.

வட்ட முக வடிவம் உடையவர்கள்...

வட்ட முகமுடையவர்கள் அனைவரும் குண்டாக இருப்பார்கள் என அர்த்தமில்லை. உங்களின் கன்னங்களில் நிறைய சதை இருந்தால் நீங்கள் உங்களின் தோள்கள் அளவிற்கு முடியை லேயர் கட் செய்துகொள்ளலாம். உங்களுக்கு சுருட்டை முடி இருந்தால் அதை ஸ்ரேட்னிங் செய்யலாம். இப்படி செய்யும்போது உங்களின் முகம் சற்று நீளமாக தோன்றும். எந்த வகையான சிகை அலங்காரம் செய்தாலும் கூந்தலை மேலே தூக்கி சீவுங்கள்.

இந்த எளிமையான குறிப்புகளை பின்பற்றி உங்களின் தோற்றத்தை படிப்படியாக மெருகேற்றுங்கள்.

போங்க பாஸ் ! எவ்வளவோ பார்த்துட்டோம்!

காலங்காலமா தமிழ் சினிமாவில் காதலை வெரைட்டியாக் காட்டின பசங்கதானே நாம? இதோ அந்த கிளிஷேக்கள் உங்களுக்கே உங்களுக்காக...

ரோடு நேராகத்தான் இருக்கும். குண்டும் குழியுமா இருக்காது. ஆனா, அப்போ பார்த்து எங்கேயோ இருந்து வர்ற ஹீரோவும் ஹீரோயினும் இடிச்சுக்குவாங்க. பார்வையால ஒருத்தருக்கொருத்தர் சின்ன ஜெர்க் தருவாங்க. ஹீரோயினோட பேப்பர்ஸ் (அதுல என்ன எழவோ எழுதி இருக்கட்டும்) காத்துல பறந்து போகும். அப்பாடக்கர் தம்பி மாதிரி கருத்தா பேப்பரைப் பொறுக்கிட்டுப் போய் ஹீரோயின்கிட்ட நீட்டுவாரு நம்ம ஹீரோ. அப்புறம் என்ன... லவ் ஸ்டார்ட்ஸ்.

லைப்ரரியில் அத்தனை பேரும் உட்கார்ந்து படிச்சுக்கிட்டு இருந்தாலும் ரெண்டு பேரும் ஒரே ரேக்ல இருக்கிற ஒரே புக்கை எதிர் எதிரா நின்னு எடுக்க மல்லுக்கட்டிட்டு வெட்கப்பட்டு சிரிச்சுட்டுப் போவாங்க... காதலும் பின்னாடியே போகும்.

கோவிலில் எரியும் தீபம் காத்துல அணையப் பார்க்கும். அம்மாம் பெரிய கோவிலில் இந்த ரெண்டு வேலையற்ற ஜீவனுங்க மட்டும் அதைக் கண்டுபிடிச்சு,  நாலு கையாலேயும் மறைச்சு தீபத்தை அணையாமக் காப்பாங்க. அப்புறம் என்ன காதல் தீ பத்திக்கும்.

ஹீரோவும் ஹீரோயினும் லிஃப்ட்ல போனா, நிச்சயம் பவர் கட் ஆகும். இல்லைனா லிஃப்ட் அவுட் ஆஃப் ஆர்டர் ஆகும். அப்புறம் காதல் ஃபார்ம் ஆகும்.

ஹாஸ்பிட்டலில் அடிபட்டுக் கெடப்பாங்க ஹீரோயின். ரத்தம் கொடுப்பாரு ஹீரோ... அப்புறம் மொத்தமும் கொடுப்பாங்க ஹீரோயின்.

பாம்பு கடிச்சா, பல்லை வெச்சுக் கடிச்சு விஷத்தை அழகா உறிஞ்சி எடுத்துத் துப்புவாரு ஹீரோ. அதாச்சும் பரவாயில்லை பாஸ். கொல்லக்காட்டுல நடந்து போய் ஹீரோயினுக்கு முள்ளு குத்தினாலும் பல்லால கடிச்சு முள்ளை எடுப்பாரு ஹீரோ. செம சீன்ல.

வயசுக்கு வந்து குச்சுக்கட்டி குத்தவெச்சிருக்கும் அம்மணி. பொங்கலுக்கு அரிசி வாங்க வருவாரு விடலை ஹீரோ. அவ்ளோ குட்டியூண்டு ஓட்டை வழியா ஹீரோவை மட்டும் கரெக்ட்டாப் பார்த்துடும் பொண்ணு. அப்புறம்... காஞ்சிபுரம், விழுப்புரம்... லவ்ஸ்தான் பாஸ்.

'நீங்க வேற நாங்க வேற’ம்பார் ஹீரோயினோட அப்பா. ஹீரோவுக்கு ரோஷம் பொத்துக்கும். கத்தியை எடுத்துத் தன்னோட கையும் ஹீரோயினோட கையும் கீறி ரத்தம் வரவெச்சு ஒன்ணாக்கிடுவார். 'பார்த்தீங்களா ரெண்டு பேரோட ரத்தமும் ஒண்ணாகிடுச்சு’னு பன்ச் அடிப்பார். அப்டியே ஷாக்காயிடுவார் ஹீரோயின் அப்பா.

ஏழை ஹீரோவைப் புரட்டியெடுத்து சரக்கு ரயிலில் அனுப்பிவிடுவார் ஹீரோயினின் 'வில்ல’ அண்ணன். ஹீரோயினுக்கு ஒண்ணு பைத்தியம் பிடிக்கும். இல்லைனா, ரூமை அடைச்சுக்கிட்டு கொலவெறியா பாட்டுப் பாடும். இதுக்கு அந்தப் பயலோடயே அனுப்பி இருக்கலாமோனு வில்லனையேக் கதற வெச்சுடும் பொண்ணு.

நான்கைந்து அண்ணன்களோட இளவரசி மாதிரி ஓப்பனிங்ல ஹீரோயினைக் காட்டினா, நிச்சயம் அந்தப் பொண்ணு ஒரு லூஸையோ அல்லது ஊர்சுத்திப் பயலையோ லவ் பண்ணி க்ளைமாக்ஸ் வரைக்கும் சீரழியும்.

திமிர் பிடிச்ச பொண்ணு ஹீரோயினா இருந்தா, ஏழை ஹீரோ வலுக்கட்டாயமா தாலியைக் கட்டி டீல்ல விட்ருவாரு. அவ்வளவு நேரம் திமிரா இருந்த பொண்ணு தாலி கழுத்துல ஏறினதும் சீக்கு விழுந்த கோழி மாதிரி ஹீரோவுக்குத் தன் அன்பை உணர்த்த மெனக்கெடும். கொட்டும் மழையில் நிக்கும். மண்சோறு சாப்பிடும். தீ மிதிக்கும். அவ்வளவு ஏன் கொலை பண்ணிட்டு ஜெயிலுக்குக்கூட போகும்.

காதலுக்காக நரைகூடிக் கிழப்பருவமெய்தி எல்லாம் காத்திருப்பாய்ங்கே ரெண்டு பேரும். யாரையாவது போட்டுத் தள்ளிட்டு டபுள் ஆயுள் தண்டனை முடிச்சுட்டு வர்ற வரைக்கும் தடியை ஊன்றி நிப்பாய்ங்கே. இல்லைனா, சவுக்கெடுத்து கோவில்ல தன்னைத்தானே அடிச்சுக்கிட்டு பார்க்கிறவய்ங்க உசுரையும் சேர்த்து வாங்குவாய்ங்கே.

பண்ணையார் பொண்ணை வேலைக்கார ஹீரோ காதலிக்கிறார்னா, ஒண்ணு அவரோட பாட்டு காரணமா இருக்கும். இல்லைனா, அவரோட வீரம் காரணமா இருக்கும். ரெண்டும் இல்லையா... க்ளைமாக்ஸ்ல அந்த ஜமீனுக்கே சொந்தக்காரர் ஹீரோவோட அப்பாவா இருக்கும்னு ட்விஸ்ட் கொடுப்பாய்ங்க... எப்பூடி.

ஹீரோவைப் பழிவாங்க ஹீரோயினைக் கடத்தி சித்ரவதை பண்ணுவாரு வில்லன். இங்கே அடிச்சா அங்கே வலிக்குமாம். ஹீரோ நிராயுதபாணியா நின்னு, 'என்னை என்ன வேணும்னாலும் பண்ணிக்க. என் செல்லத்தை விட்ருடா’னு கதறுவாரு.

படம் முழுவதும் ஒன்சைடாகவே ஹீரோவை லவ் பொண்ணும் செகண்ட் ஹீரோயின் முறைப்பொண்ணு. எதுக்காம்? க்ளைமாக்ஸ்ல கரெக்ட்டா ஊடால பாய்ஞ்சு, ஹீரோவைக் காப்பாத்தி கடப்பாரை, கத்தி, அருவா வெட்டு, புல்லட் குண்டை உடம்புல வாங்கிச் செத்துப்போகும். ஆனா சீக்கிரத்துல சாகாது. 'ஆஸ்பத்திரிக்குப் போலாம்’ என ஹீரோ கதறினாலும், 'வேணாம் மாமா. என் உசிரு உன் மடியிலேயே போகட்டும்’னு டயலாக் பேசி பொறுப்பா ஏற்கெனவே லவ் பண்ணிட்டு இருக்கிற ஹீரோ, ஹீரோயினை ரத்தக்கையோட சேர்த்துவெச்சுட்டு கண்ணைத் திறந்த வாக்கிலே செத்துப்போயிடும். ஹீரோதான் ஒரு ஃபீலிங்ஸோட கண்ணை மூடிவைப்பாரு.

ஹீரோவோ, ஹீரோயினோ அநியாயத்துக்கு சமூக சேவை செய்வாய்ங்க. பாட்டிக்கோ ஸ்கூல் பிள்ளைகளுக்கோ ரோடு க்ராஸ் பண்ணி விடுறதைப் பார்த்ததும் லவ் ஃபார்ம் ஆகும். அம்புட்டு ஏன் பஸ்ல கர்ப்பிணிக்கு சீட் கொடுத்தாக்கூட லவ் வருமே பாஸ்.

அடிபட்ட ஹீரோவுக்கு தாவணி கிழிச்சிக் கட்டுப்போடும் ஹீரோயின். புதை குழியில் விழுந்த ஹீரோவையும் தாவணியைக் கொடுத்துக் காப்பாத்தி சாதா தாவணியை மல்ட்டி யூஸபிள் தாவணியாய் மாற்றி காதல் லாவணி பாடுவார்கள்.

என்ன கொலவெறியோ, ஏற்கெனவே அடிபட்டு, மிதிபட்டு குத்துயிரும் கொல உயிருமா கெடப்பாரு ஹீரோ. ஹீரோயின் 'நீ ஒரு ஆம்பளைனா என் ஆளுகிட்ட ஒத்தைக்கு ஒத்தையா நில்லுடா’னு வில்லனை வெறியேத்தி அடுத்த ரவுண்டுக்கு ஹீரோவைக் கோர்த்துவிடும். இந்த மங்குனி ஹீரோவும் வில்லன் போட்டுவிட்ட வெத்தலைப்பாக்கு வாயோட ஃபைட்டிங் பண்ணி ஃபினிஷிங் கொடுப்பார்.

இவ்வளவு ஏன் பாஸ். சமீபத்துல பார்த்த தல படத்துலகூட தூரத்து இடிமுழக்கத்துக்குத் தாவி ஓடிவந்து ஹீரோயின் கட்டிப்பிடிச்சுக்கும். மின்னலைக் கூட காதலுக்குத் தூதா மாத்துனது யாரு... நம்ம பயகதேன்!

கர்ப்பகாலத்தில் கருப்புத் திராட்சை சாப்பிடக்கூடாதா?

நமது உடலுக்குத் தேவையான ஊட்டச்சத்துகளை அள்ளி வழங்குபவை, பழங்கள்.


ஆனால் ஒவ்வொரு பழம் பற்றியும் ஒவ்வொரு கருத்து நம்மிடம் உள்ளது.


அந்தவகையில், கர்ப்ப காலத்தில் ஒரு பெண் கருப்புத் திராட்சை சாப்பிடக்கூடாது, மீறி சாப்பிட்டால் குழந்தை கருப்பாகப் பிறக்கும் என்கிற கருத்து பலராலும் கூறப்பட்டு வருகிறது.


இது தவறான கருத்து. உண்மையில், கர்ப்ப காலத்தில் கர்ப்பிணிப் பெண் கருப்பு திராட்சை சாப்பிடுவது குழந்தைக்கும் நல்லது, அந்தத் தாய்க்கும் நல்லது.


கருப்புத் திராட்சையில் வைட்டமின் `ஏ' மற்றும் இரும்புச்சத்து அதிகம் உள்ளது. இப்பழத்தில் போலிக் அமிலமும் இருப்பதால் கர்ப்பிணிப் பெண்கள் சாப்பிடுவது மிகவும் நல்லது.


எனவே கர்ப்பிணிப் பெண்களுக்கு கருப்புத் திராட்சை குறித்த சஞ்சலம் வேண்டாம்.

எம்.ஜி.ஆர். படத்தில் பாடல்: வாலி சந்தித்த சோதனைகள்!

அண்ணா வசனம் எழுதி, எம்.ஜி.ஆர். நடித்த "நல்லவன் வாழ்வான்'' படத்தில் வாலியின் பாடல் இடம் பெற்றபோதிலும், பல சோதனைகளை வாலி சந்திக்க வேண்டியிருந்தது.

ப.நீலகண்டன் கூறியது போலவே மறுநாள் அவரைப் போய்ப் பார்த்தார், வாலி. சுமார் ஐம்பது பல்லவிகளைக் கொடுத்தார். அவற்றில், "சிரிக்கின்றாள், இன்று சிரிக்கின்றாள்'' என்ற பல்லவியை தேர்வு செய்தார், நீலகண்டன்.

அதற்கு இசை அமைப்பாளர் டி.ஆர்.பாப்பா பலவிதமான மெட்டுகளைப் போட்டுக்காட்டினார். அதில் ஒரு மெட்டை தேர்வு செய்தார், நீலகண்டன்.

அதன் பிறகு, முழுப் பாட்டுக்கும் இசை அமைப்பதில் பாப்பா மும்முரமாக ஈடுபட்டார்.

இசை அமைக்கும்போது வந்திருந்த ஒருவரை வாலிக்கு அறிமுகம் செய்து வைத்தார், பாப்பா. அவர்தான் எழுத்தாளரும், வசன கர்த்தாவுமான மா.லட்சுமணன். "இவர்தான் உங்களைப்பற்றி ப.நீலகண்டன் சாருக்கு தெரிவித்து, அதன் மூலம் உங்களுக்கு பாட்டெழுதும் வாய்ப்பு கிடைத்துள்ளது'' என்று பாப்பா கூறினார்.

அதைக்கேட்டு வாலி பிரமித்து நின்றார். கண்கள் பனிக்க மா.லட்சுமணனுக்கு நன்றி தெரிவித்தார்.

"நல்லவன் வாழ்வான்'' படத்துக்கு கதை -வசனம் எழுதுபவர் பேரறிஞர் அண்ணா என்பதை அறிந்து இரட்டிப்பு மகிழ்ச்சி அடைந்தார், வாலி.

வாலியின் பாடல், அண்ணாவின் ஒப்புதலுக்கு அனுப்பப்பட்டது. பாடல் நன்றாக இருப்பதாகக் கூறியதோடு, சில வரிகளை அடிக்கோடிட்டு, பாராட்டினார்.

எம்.ஜி.ஆருக்கும் பாடல் பிடித்து விட்டது.

என்றாலும், அந்தப் பாடல் பதிவு செய்யப்படுவதிலும், படத்தில் இடம் பெறுவதிலும் பெரும் சோதனைகள் ஏற்பட்டன.

அதுபற்றி வாலி எழுதியிருப்பதாவது:-

"சாரதா ஸ்டூடியோவில் `ரிக்கார்டிங்'கிற்கான தேதி முடிவாயிற்று. நான் இஷ்ட தெய்வங்களையெல்லாம் வேண்டிக்கொண்டு சாரதா ஸ்டூடியோவிற்குச் சென்றேன்.

பகல் 12 மணியளவிற்கு எம்.ஜி.ஆர். வந்தார். பாட்டின் பின்னணி இசை திருப்தியாக இல்லை என்றார். சில மாற்றங்கள் செய்யப் போதுமான நேரம் இல்லாததால் ரிக்கார்டிங் ரத்து செய்யப்பட்டது.

10 நாட்களுக்குப் பிறகு மீண்டும் சாரதா ஸ்டூடியோவில் ஒலிப்பதிவிற்கான தேதி குறிக்கப்பட்டது. அன்று பகல் 12 மணியளவில் பி.சுசீலாவிற்கு உடல் நிலை சரியில்லையென்று ஒலிப்பதிவு ரத்து செய்யப்பட்டது.

பிறகு, ஒரு மாதம் கழித்து இன்னொரு நாள் ஒலிப்பதிவிற்கான தேதி குறிக்கப்பட்டது. அன்று சீர்காழி கோவிந்தராசனின் சாரீரம் உதவும்படியாக இல்லையென்று ஒலிப்பதிவு ரத்து செய்யப்பட்டது. அந்தக் காலத்தில் டிராக் எடுத்துவிட்டு பிற்பாடு குரலைப் பதிவு செய்யும் வழக்கமெல்லாம் அமலுக்கு வரவில்லை.

`இந்தப்பாட்டு, ராசியில்லாத பாட்டு... எனவே, மருதகாசியை வைத்து வேறு பாட்டு எழுதி ஒலிப்பதிவு செய்யலாம்' என்று நீலகண்டன் முடிவெடுத்தார்.

மருதகாசியும் பாட்டு எழுதவந்தார். ஏற்கனவே நான் எழுதியிருந்த பாட்டை, ஒரு முறை கையில் வாங்கிப் பார்த்தார்.

"இந்தப் பையன் நல்லா எழுதியிருக்கான். இவனுடைய வாழ்க்கை என்னால் கெட்டுப் போவதை நான் விரும்பவில்லை... இந்தப் பாட்டையே வைத்துக்கொள்ளுங்கள்... பாப்புலராகும்...'' என்று சொல்லிவிட்டு, மருதகாசி அண்ணன் தன் பிளைமவுத் காரில் ஏறிப் போய்விட்டார். அண்ணன் மருதகாசிக்கு மனதுக்குள் ஆலயம் எழுப்பி வழிபட்டேன். பிறகு என் பாடலையே பதிவு செய்து படப்பிடிப்புக்குப் போனார்கள்.

நிïடோன் ஸ்டூடியோவில் ஒரு பெரிய செட் போட்டு இந்தப் பாடலைப் படம் பிடிக்க ஏற்பாடாயிற்று.

ஒரு மலை; அதனின்றும் வழியும் அருவி. அருவி வந்து விழும் தடாகம் எனப் பெரிதாக அழகுற அமைக்கப்பட்ட அந்த செட்டில் எம்.ஜி.ஆரும், ராஜசுலோசனாவும் ஆடிப்பாடுவதாக நடன இயக்குனர் அமைத்த வண்ணம் ஒத்திகை பார்க்கப்பட்டது.

முதல் ஷாட் எம்.ஜி.ஆர், `சிரிக்கின்றாள், இன்று சிரிக்கின்றாள்' என்னும் பாடல் வரிக்கு வாயசைத்தவாறே, கரையிலிருந்த தடாகத்தில் இறங்குகையில் கரை உடைந்து ஸ்டூடியோ "செட்'' முழுவதும் வெள்ளக்காடாயிற்று.

படப்பிடிப்பு ஒத்தி வைக்கப்பட்டது. நான் அதிர்ந்து போனேன். இந்த ஒரு பாடலுக்கே இத்துணை தடங்கல்களென்றால் என் எதிர்காலம் என்னாவது என்று அஞ்சலானேன்.

நல்லவேளை, செட் சீர் செய்யப்பட்டு பாட்டு நல்ல விதமாகப் படமாக்கப்பட்டு, படத்திலும் இடம் பெற்றது.

இறுதியில் பாடல் வரிகளில் ஆட்சேபணைக்குரியதாகக் கருதப்பட்டு, சரணத்தில் சில வாக்கியங்கள் சென்சாரால் வெட்டப்பட்டன.

இவ்வளவு அமர்க்களங்களுக்கு இடையே, எம்.ஜி.ஆருக்காக நான் எழுதிய முதல் பாடலுடன் "நல்லவன் வாழ்வான்'' 1961 ஆகஸ்டு 31-ந்தேதி திரைக்கு வந்தது.''

இவ்வாறு வாலி குறிப்பிட்டுள்ளார். 

மனச்சோர்வை சமாளிப்பது எப்படி?

எப்படிப்பட்ட வலிமையான மனிதரையும், மனச்சோர்வு எளிதில் வீழ்த்திவிடும். ஆனந்தமும் வேதனையும் கலந்தது தான் வாழ்க்கை. ஆனாலும் மனச்சோர்வுடன் இருக்கும் போது நம் வாழ்க்கையில் நிகழ்ந்த சோகமான காரியங்கள் மட்டுமே நினைவுக்கு வரும். நண்பர்கள், உறவினர்கள், உடன் பணியாளர்கள், அண்டைவீட்டார், கடவுள் நம்பிக்கை இருக்கிறவர்களுக்கு கடவுள் என நம்முடைய சோகங்களையும், மகிழ்ச்சிகளையும் பகிர்ந்து கொள்ளும் பலர், நம் உலகத்தில் இருக்கிறார்கள்.


மனச்சோர்விலேயே உழன்று கிடப்பதால் சாதிக்கப் போவது ஒன்றும் இல்லை. அதிலிருந்து வெளியே வந்தால், நம்மை போல மனச்சோர்வில் அகப்பட்டவர்களுக்கும் உதவலாம். இதனால் நம்மை போன்ற பிற மனிதர்களுடைய வாழ்க்கையும் இனிமையாக இருக்க வகை செய்யலாம். இத்தகைய மனச்சோர்வில் இருந்து வெளிவருவது எப்படி என்பது குறித்த சில முக்கியமான குறிப்புகளை இங்கே கொடுத்து இருக்கிறோம். நீங்களோ அல்லது உங்களுக்கு அறிமுகமானவர்களோ மனச்சோர்வில் இருந்தால், இவற்றை படிக்குமாறு கூறி, வாழ்வை இனிமையாக்குங்கள்.


உடற்பயிற்சி செய்வது


மன அழுத்தத்தை நீக்க சிறந்த வழி உடற்பயிற்சி. இது நல்ல உடல் அமைப்பை கொடுப்பது மட்டுமின்றி, நேரிடையான சிந்தனைகளையும் அதிகரிக்கின்றது. உணர்வுகளை சீர்படுத்துகின்ற செரோடொனின் மற்றும் டெஸ்டோஸ்டெரோன் ஆகியவற்றை சுரக்க உடற்பயிற்சி உதவுகின்றது. அதோடு மனச்சோர்வு அளிக்கும் சிந்தனைகளையும் ஒதுக்கிவிடுகின்றது.

உதவி கேட்பது 

வாழ்க்கையின் கடினமான சூழ்நிலைகளை கையாள உதவி கேட்பதில் எந்த அவமானமும் இல்லை. வாழ்க்கையின் சுமைகளை தனியாக சுமக்க வேண்டும் என்று யாரும் எதிர்பாப்பது இல்லை. ஆகவே தாய், தந்தை, துணைவர், உடன் பணியாளர் அல்லது நண்பர் இடம் இருந்து உதவி கேட்பது உணர்வுச் சுமையை ஓரளவு குறைக்கும்.

சமச்சீர் உணவு 

பழங்கள், காய்கரிகள், மாமிசம், தானியங்கள் மற்றும் கார்போ ஹைட்ரேடுகள் ஆகிய ஆரோக்கியமான உணவுகளை உட்கொள்ளுதல், சிந்தனை சிதறாமல் இருக்க உதவுகின்றன. சமச்சீர் உணவு உடல்நலனையும், மனநலனையும் சீர்படுத்துகின்றது.

சுய விழிப்புணர்வு 

வாழ்க்கையின் நிகழ்வுகளை சரியாக புரிந்து கொள்ள முடியாமல், தங்களை அளவுக்கு மீறி அழுத்துவதால் மக்கள் பொதுவாக மனச்சோர்வு அடைகிறோம். எனவே சரியாக தம்மை புரிந்து கொண்டு, அதை சந்தோஷமாக விரும்பி செய்தால், மனச்சோர்வானது நீங்கும்.

எடை குறைத்தல்

மனச்சோர்வுக்கு அதிகமான எடை பிரச்சனையாக இருந்தால், எடையை குறைக்க முயல்வது ஒரு நல்ல தீர்வைத் தரும். மேலும், உடல் வலிமை ஆரோக்கியத்தையும், சுய கருத்துக்கும் நேர்மறையான சிந்தனையை கூட்டுகின்றது.

நண்பர்கள் 

நல்ல நண்பர்கள் தேவையான ஆறுதலையும், வாழ்க்கையின் சோர்வூட்டும் சூழ்நிலையில் இருந்து வெளியே வருவதற்கான ஆலோசனைகளையும் வழங்குவார்கள். மேலும், தேவையுள்ள நேரத்தில், சொல்வதை காதுகொடுத்து கேட்கும் நண்பர் இருந்தால், மனதில் இருக்கும் சந்தேகங்களும், எதிர்மறையான சிந்தனைகளும் முற்றிலும் களைந்துவிடும்,.

டைரி எழுதுவது 

தினசரி உணர்வுகளை எழுத்து மூலமாக பதிவு செய்வது சுய பரிசோதனை செய்வதற்கும், ஆராய்வதற்கு ஒரு சிறந்த வழி ஆகும். இவ்வாறு வாழ்க்கையை குறித்து என்ன நினைக்கிறீர்கள் என்பதை அனுதினமும் பதிவு செய்தால், மனச்சோர்வில் இருந்து விடுபட ஒரு நல்ல தீர்வு கிடைக்கும்.

எதிர்மறையான மக்களிடம் இருந்து விலகி இருப்பது 

தொடர்ச்சியாக பிறரை குறைத்து பேசுகிறவர்களோடு இருக்க யாருமே விரும்ப மாட்டார்கள். அப்படிப்பட்ட மக்களிடம் இருந்து விலகி இருப்பது மன அமைதியையும், சமாதானத்தையும் கொடுக்கும்.

வேலையை விட்டு விடுதல் 

பிரச்சனைகளின் வேர் வேலையில் இருந்தால், அதை விட்டுவிடுவது மன அமைதியை கொடுக்கும். தனிப்பட்ட மகிழ்ச்சியையும் திருப்தியையும் விட்டுக் கொடுக்காமல், குறிக்கோளை நிர்ணயம் செய்ய வேண்டும். அதற்கு வேலை ஒரு தடையாக இருந்தால், அதை விட்டு விடுங்கள்.

தனிமையாக இருப்பதை தவிர்ப்பது 

மனச்சோர்வோடு இருக்கும் போது, தனிமையில் இருந்தால், மனம் மேலும் சோர்வுடன் தான் இருக்குமே தவிர, அமைதியடையாது. அதற்காக எப்போதுமே கூட்டமாக இருக்க வேண்டும் என்பதில்லை. ஆனால் அவ்வாறு நண்பர்களுடன் சேர்ந்து இருந்தால், அவை முழுமையான தீர்வை கொடுக்காவிட்டாலும், மனச்சோர்வு தரும் சிந்தனைகளில் இருந்து கவனத்தை திசை திருப்பும்.

சுற்றுலா செல்லுதல்

 எதிர்மறையான சிந்தனைகளை அகற்றுவதற்கு, காட்சி அமைப்பை மாற்றுவது எப்போதுமே உதவியாக இருக்கும். வாழ்க்கையில் நேர்மறையான சிந்தனைகளை கொண்டு வர ஒருநாள் பிரயாணம் மேற்கொள்வதற்கு ஈடாக எதுவுமே இல்லை. எனவே மனச்சோர்வின் போது எங்கேனும் வெளியே சென்றால், எளிதில் மனச்சோர்வானது நீங்கும்.

நேர்மறையான எண்ணங்கள்

வாழ்க்கையில் நேர்மறையாக இருப்பதே மனச்சோர்வு கொடுக்கும் சிந்தனைகளை தவிர்ப்பதற்கான சிறந்த வழி. மனதிலே எதிர்மறை உணர்வுகள் இருக்கின்றன. சிந்தனைகளை நேர்மறையான திசையில் செலுத்துவதன் மூலமாக, மனச்சோர்வின் தாக்கங்களை அகற்றிவிடலாம்.

மனநல வல்லுநரிடம் பேசுவது

 மனச்சோர்வில் இருந்து வெளிவருவதற்கு மிகவும் எளிதான மற்றும் ஆற்றல் வாய்ந்த வழி மனநல வல்லுநரிடம் பேசுவது தான். இதனால் மனச்சோர்வின் வேரை கண்டுபிடித்து அகற்ற முடியும்.

செல்லப்பிராணியை வளர்ப்பது 

செல்லப்பிராணிகள் தங்கள் எஜமான்களிடம் அற்புதமான வழியில் தொடர்பு கொள்கின்றன. தனியாக வாழ்கிறவர்களை காட்டிலும், செல்லப்பிராணி வளர்ப்பவர்கள் மனச்சோர்வின் தாக்கங்களில் இருந்து பிழைத்துக் கொள்கிறார்கள் என்று பல ஆராய்ச்சிகள் நிரூபிக்கின்றன. ஆகவே செல்லப்பிராணியுடன் உணர்வுபூர்வமாக தொடர்புகொள்வது, எதிர்ம்றையான உணர்வில் இருந்து வெளிவர உதவும்.

நிகழ்காலத்தில் வாழ வேண்டும்

 இறந்தகால தவறுகளிலும், எதிர்காலத்தின் நிலையின்மையிலும் உழல்வதில் அர்த்தமே இல்லை. அது உங்கள் கட்டுப்பாட்டில் இல்லை என்பதால், அச்சூழ்நிலையில் உங்கள் உணர்வுகளை செலுத்துவது பலன் அளிக்காது. 'எப்போது',‘எங்கே' மற்றும் ‘நாளை' என்பனவற்றுக்கு பதிலாக, 'இப்போது', ‘இங்கே',‘இன்று' என்பனவற்றில் கவனம் செலுத்துங்கள்.

நன்றாக தூங்குவது 

நேர்மறையான சிந்தனைக்கு திரும்ப ஒருவருக்கு தேவைப்படுவது எல்லாம் ஒரு நல்ல உறக்கமே. இரவு தோறும் 7-8 மணிநேரம் உறங்குவது குறைவான மனச்சோர்வுக்கான அறிகுறிகளை காட்டுவதாக ஆராய்ச்சிகள் நிரூபிக்கின்றன.

இசையை கேட்பது 

மனச்சோர்வில் இருக்கும் போது, உணர்வை எழுப்பும் இசையை கேட்பது சோர்வடைந்த மனதிற்கு ஊக்கம் அளிக்கும். உணர்வுகளை மாற்றவும், ஆன்மாவை உயர்த்தவும், உணர்ச்சியை அதிகரிக்கவும் உதவும் ஆற்றல் இசைக்கு இருக்கின்றது. எனினும், மிகவும் உணர்வுபூர்வமான பாடல்களை கேட்பதால், எதிர்மறையான விளைவு ஏற்படும் என்பதால், அவற்றை தடுக்க வேண்டும்.

வைட்டமின் சேர்க்கைகள் 

ஊட்டச்சத்து குறைபாடுகளும் மனச்சோர்வு அளிக்கும் சிந்தனையை விளைவிக்கலாம். இதனால் வெளிப்படும் அறிகுறிகளை மருத்துவரிடம் ஆலோசித்து, சமன்பாட்டை சரிசெய்ய வைட்டமின் சேர்க்கைகளை எடுத்துக் கொள்ளுங்கள்.

எம்மிடமிருந்து உடனே விரட்ட வேண்டிய கெட்ட பழக்கங்கள்!

இரவில் ஏற்படும் பசிக்கு தீர்வாக பீட்சாக்கள் மற்றும் சாக்லெட் கேக் சாப்பிட்டு ஒவ்வொரு நாளும் தங்களின் ஆசையை முடித்து கொள்ளலாம். அது உடல் ஆரோக்கியத்திற்கு எந்த கைமாறும் செய்யாது. ஆனால் நீண்ட காலத்திற்கு உடல் ஆரோக்கியத்திற்கு கேடு விளைவிக்கக் கூடும். மேலும் தற்போது உடலில் பல நோய்கள் ஏற்படுவதற்கு பெரும் காரணம் ஆரோக்கியமற்ற பழக்கவழக்கங்கள் தான்.

ஆகவே அத்தகைய பழக்கவழக்கங்களை பின்பற்றாமல், அதனை நிறுத்துவதற்கு முயல்வது, உடல் நலத்தை ஆரோக்கியத்தோடு நீண்ட நாட்கள் வைத்திருக்க உதவும். மேலும் அத்தகைய பழக்கங்கள் என்னவென்றும் பட்டியலிட்டுள்ளோம். அத்தகைய பழக்கங்கள் இருந்தால், எதுவும் தாமதமாகி விடவில்லை. உடனடியாக அந்த பழக்கங்களை விட்டு விட்டு ஆரோக்கியமான, மகிழ்ச்சியான வாழ்க்கையை இன்றே தொடங்கவும்.

மூக்கு/வாயை கிளறுதல்

 இந்த எரிச்சலூட்டும் மற்றும் வேடிக்கையான பழக்கம் மோசமான பழக்கங்களில் ஒன்றாகும். இந்த பழக்கம் உடல் நலத்திற்கு மட்டும் மோசமானது மட்டுமல்ல. ஆனால் அது பொதுவான சமூக ஒழுங்கிற்கு எதிராக உள்ளது. மூக்கை குடைதல் பல்வேறு தொற்றுகளான ஜலதோஷம் மற்றும் ப்ளூ நோய்களை ஏற்படுத்தும் வைரஸ் சளி மூலம் உடலுக்குள் செல்ல வழி வகுக்கிறது. பல இடங்களில் கை வைத்து விட்டு, அதே கையை மூக்கில் வைப்பது இறுதியாக மருத்துவமனையில் தங்களை சேர்த்து விடும்.

குருட்டுத்தனமான குடிப்பழக்கம் 

அதிகப்படியாக மது அருந்துதல், உலகம் முழுவதும் பல மரணங்கள் ஏற்படவும், மருத்துவமனையில் சேர்க்கவும் காரணமாகவும் அமைகிறது. குருட்டுத்தனமான குடிப்பழக்கம் நீண்ட கால சுகாதார பிரச்சனைகளான கல்லீரல் பிரச்சனை மற்றும் உடனடி பிரச்சனைகளான எடை அதிகரித்தல், மயக்கம் மற்றும் சோர்வு போன்ற குறைபாடுகளை ஏற்படுத்துகின்றன. இத்தகைய பாதிப்பில் இருந்து காப்பாற்றி கொள்ள மது அருந்துவதை அளவாக வைத்து கொள்வது தான் தீர்வாகும்.

இரவில் ஒரு 'ஆந்தை' ஆவது

 இரவில் 8 மணிநேர நல்ல தூக்கம் இல்லாமல் போனால், நோய் எதிர்ப்பு சக்தி, பிற உடல் செயல்முறைகள் மற்றும் உடல் அமைப்புகள் சேதமாவதற்கு வழிவகுக்கிறீர்கள் என்று அர்த்தம். தூக்கமின்மை காரணமாக, நோய் எதிர்ப்பு மண்டலம் பலவீனமாக இருக்கும். எனவே கிருமிகளை எதிர்த்து போராடும் செல்களை குறைவாகவே உற்பத்தி செய்கிறது.

தனிமையில் இருப்பது

 நல்ல உடல் ஆரோக்கியத்திற்கு தேவை ஆரோக்கியமான மற்றும் புதிய மனம். மனம் ஆரோக்கியமற்று இருந்தால் நோயெதிர்ப்பு மண்டலத்தை பாதிப்பது மட்டுமல்ல, பல உடல் உபாதைகளுக்கு இழுத்து சென்றுவிடும். பெரும்பாலான நேரத்தை தனிமையிலோ அல்லது மற்ற சமூக சவால்களை எதிர்கொள்வதிலோ செலவழித்தால், மனநலம் பாதிக்கிறது. மேலும் மக்களிடம் இருந்து, தனிமையானது பிரித்து சென்று விட்டு, மனதிற்கும் உடலுக்கும் அழுத்தத்தைக் கொடுக்கிறது.

நீண்ட நேரம் ஹெட்ஃபோன்கள் அணிவது 

ஹெட்ஃபோன்கள் அல்லது காதில் பொருத்தகூடிய பாட்டு கேட்கும் கருவிகள் நாள் முழுவதும் சிலருக்கு உற்ற துணையாக இருக்கிறது. பயணம் செய்யும் போதும் அல்லது வேலை செய்யும் போதும், நேரத்தை கடத்துவதற்கு இசையை கேட்கிறோம். இடைவேளை இல்லாமல், மணிக்கணக்கில் ஹெட்போன்கள் காதுகளில் பொருத்தப்பட்டு இருந்தால், இந்த பழக்கத்தை பரிசீலனை செய்வது நல்லது.

தொலைக்காட்சி பார்ப்பது 

பல மணி நேரம் மெத்தையில் அமர்ந்து, இந்த முட்டாள் பெட்டியை பார்த்து கொண்டிருப்பது இதயத்திற்கும், கண்களுக்கும் ஆபத்தாக முடியும். அதிக நேரம் தொலைகாட்சி பார்ப்பது இதய நோய், பக்கவாதம் மற்றும் உடல் பருமன் ஏற்படும் சாத்திய கூறுகளை அதிகரிக்கிறது.

ஹீல்ஸ் அணிவது 

தினந்தோறும் ஹீல்ஸ் அணியும் பெண்கள், உடலுக்கு அதிக தீங்கு விளைவித்துக் கொள்கின்றனர். ஹீல்ஸ் அழகு தருவது மட்டுமின்றி, அதை அணிவதால் மூட்டுகளில் அதிகப்படியான அழுத்தம் ஏற்படுகிறது. இது ஆர்த்திரிடிஸ், முதுகு வலி மற்றும் தசை நாண் காயங்களை ஏற்படுத்துவது மட்டுமல்லாமல், குதிகால் சம்பந்தமான விபத்துகளையும் ஏற்படுத்துகிறது.


அதிகப்படியான எடை தூக்குவது 

அதிக எடையுள்ள பைகளை சுமந்து செல்வது, நீண்ட கால பாதிப்புகளான கடுமையான முதுகு வலி, கழுத்து வலி மற்றும் தோற்ற குறைபாட்டை ஏற்படுத்தும். எனவே, முன்கூட்டியே உடலானது வயதான தோற்றம் ஏற்படுவதை தவிர்க்க, உடலிற்கு ஒரு உதவி செய்யுங்கள். அதாவது அதிக எடையுள்ள பையை சுமக்க வேண்டாம்.

மேக்-கப்புடன் தூங்குதல்

 பல பெண்களுக்கு இன்னமும் மேக்-கப்புடன் தூங்கும் பழக்கம் இருக்கிறது. மேக்-கப்புடன் தூங்குவது, சருமத்தில் உள்ள துளைகள் அடைத்து கொள்வதற்கும், நெரிசலான தோல் மற்றும் புள்ளிகள் ஏற்படுவதற்கும் வழிவகுக்கிறது. தவிர, கண் மை(மஸ்காரா) மற்றும் பிற கண் அழகுப் பொருட்கள் எரிச்சலை ஏற்படுத்துவதோடு, பார்வை இழப்பை கூட ஏற்படுத்தலாம்.

நொறுக்கு தீனி சாப்பிடுவது

 பசியில்லாத நேரத்திலும் நொறுக்குத் தீனிகளை நன்கு சாப்பிட்டால், பின் எப்போதுமே பசியே ஏற்படாமல் இருக்கும். இதனால் வயிறு எப்போதுமே நிறைந்திருக்கும். இந்த அதிகப்படியான உணவு அதிகப்படியான கலோரிகளையும் ஆரோக்கியமற்ற ஊட்டசத்துகளையும் உடலுக்கு ஏற்றி விடுவது மட்டுமல்லாமல், நீரிழிவு, இதய நோய் மற்றும் அஜீரண கோளாறு போன்ற நீண்ட கால உடல் பிரச்சனைகளுக்கு காரணமாக அமைகிறது.

புகைப்பிடிப்பது

நாள் ஓன்றுக்கு ஒரு சிகரெட் பிடித்தால் கூட இரத்தம் உறைதல் ஏற்பட்டு, துரிதமான இரத்த ஓட்டம் தடுக்கப்படுகிறது. இதன் காரணமாக இரத்த நாளங்களிலும் தமனிகளிலும் ஏற்படும் கட்டிகளினால் இரத்த ஓட்டம் தடை ஏற்படுகிறது.

தொடர்ந்து பொய் பேசுதல்

அந்த சிறு வெள்ளை பொய்கள் உடல் நலத்திற்கு தீவிர சேதத்தை ஏற்படுத்தலாம். தொடர்ந்து பொய் பேசிக் கொண்டிருந்தால், உண்மையை பற்றிய பயம் முகத்தில் வெளிப்படும். இது உள்ளுக்குள் ஒரு பயத்தை உண்டாக்கி மன அழுத்தத்தை கொடுக்கும்.

மருந்து மாத்திரைகளில் வாழ்தல் 

அடிக்கடி மருந்து மாத்திரைகள் எடுத்து கொள்வது மிகவும் ஆபத்தானது. அது உடல் நலத்திற்கு தீங்கு விளைவிக்கும்.

காலை சிற்றுண்டியை தவிர்ப்பது 

ஒவ்வொரு நாளும் காலை உணவு மிகவும் முக்கியமான உணவாகும். முழு காலை உணவில் காபி மற்றும் ஒரு ரொட்டி என்றால் அது ஆரோக்கியமற்ற எதிர்காலத்தை உங்களுக்காக அமைத்து கொள்கிறீர்கள் என்று அர்த்தம். இது செரிமான அமைபை பாதிக்கும். தவிர, இது ஆற்றல் இருப்புக்களுக்கு பாதிப்பை ஏற்படுத்தி, வளர்சிதை மாற்ற்த்தை எதிர் மறையாக பாதிக்கும்.

துரித உணவுகளின் மேல் காதல்

 துரித உணவுகளில் டிரான்ஸ் கொழுப்பு, சர்க்கரை, நறுமண பொருட்கள் மற்றும் செயற்கை பாதுகாப்பூட்டிகள் நிறைந்தது. இது வயிற்றை பெருக செய்து உயர் கொழுப்பு, நீரிழிவு, இதய பிரச்சினைகள் போன்ற கடுமையான உடல் நல பிரச்சினைகளை நீண்ட காலத்திற்கு ஏற்படுத்துகின்றன.

நகம் கடிப்பது 

கைகள் தொடந்து பல இடங்களில் பயணித்து நாள் முழுவதும் பல செயல்களை செய்கின்றன. பிறகு இந்த அசிங்கமான, கிருமி நிரப்பப்பட்ட விரல்களை வாயில் வைக்கும் போது ஜலதோஷம் அல்லது ப்ளூ காய்ச்சல் ஏற்பட்டு, நீண்ட நாட்கள் படுக்கையில் கிடக்க நேரிடலாம். எனவே, இப்போதே இந்த அசிங்கமான பழக்கத்தை நிறுத்தி விடவும்.

உடலுறவைத் தவிர்த்தல் 

குறைந்த எழுச்சிக்கு என்ன காரணம் இருந்தாலும் சரி, அதிக வேலை பளுவோ அல்லது மன அழுத்தமோ, பல நாட்கள் அல்லது பல மாதங்கள் செக்ஸை தவிர்ப்பது நல்லது அல்ல. செக்ஸ் உடல் நலத்திற்கு நல்லது. அது உடலின் நோய் எதிர்ப்பு தன்மையை அதிகரிப்பது மட்டுமல்ல, உறவை மேம்படுத்தவும் உதவும். இந்த மகிழ்ச்சிகரமான செயலில் அக்கறை இல்லையெனில் உடனடியாக மருத்துவரை கலந்தாலோசிப்பது நல்லது. ஏனெனில், குறைந்த எழுச்சி மனஅழுத்தத்திற்கு அப்பாற் பட்டது. அது தைராய்டு, உயர் இரத்த அழுத்தம் அல்லது ஒரு ஹார்மோன் சமநிலையின்மை காரணமாக ஏற்படுகிறது.

வேகமாக சாப்பிடுதல் 

வேலை அழுத்தம் அல்லது நேரம் இல்லாமை காரணமாக மின்னல் வேகத்தில் உணவு உண்பது செரிமான அமைப்பை தீவிரமாக பாதிக்கிறது. ஒவ்வொரு உணவையும் சாப்பிட்டு முடிக்க குறைந்தது 20 நிமிடங்களாவது எடுத்துக் கொள்ள வேண்டும். சரியாக மென்று தின்னாமல் அப்படியே உணவை விழுங்கினால், அது வயிற்று உப்புசம், வயிறு வீக்கம் மற்றும் அதிகப்படியான வாயுவை ஏற்படுத்து

நீண்ட காலமாக ஆரோக்கியமற்ற உறவை வைத்திருப்பது சந்தோஷத்தையும், மகிழ்ச்சியையும் பெற முடியாத ஒரு உறவில் நீண்ட காலம் நிலைத்திருப்பீர்கள் என்றால், அந்த நொடியிலேயே அதன் முடிச்சை அவிழ்த்து விடுவது நல்லது. ஆரோக்கியமற்ற உறவு மன அழுத்தம் ஏற்படுத்தி, மேலும் இரத்த அழுத்தம் மற்றும் நோய் எதிர்ப்பு சக்தியை குறைத்து மற்றும் செரிமான அமைப்பை வலுவிழக்க செய்கிறது.

தோலை கசக்குதல்

 முகத்தில் சில மரு காணப்பட்டால் தொடர்ந்து அதை கசக்கி கொண்டிருப்பதை விட வேண்டும். தொடர்ந்து முகப்பருவை பற்றி கவலை பட்டு கொண்டே இருந்தால், அது மேலும் அதிகரிக்கும். தவிர இது வடுக்கள் மற்றும் வீக்கம் ஏற்பட காரணமாகி விடும். எனவே, தோல் பிரச்சினைகள் மோசமாவதை தவிர்க்க, முகத்தை தொட்டு அழுத்தி கொண்டிருப்பதை நிறுத்தவும்.

மருத்துவரிடம் மறைக்க கூடாத விடயங்கள்!

பொதுவாக மருத்துவரிடமும், வழக்கறிஞரிடமும் எதையும் மறைக்க கூடாது என்று சொல்வார்கள். அதிலும், மருத்துவர்களிடம் நம்மைப் பற்றி எவ்வித ஒளிவு மறைவும் இல்லாமல் உண்மையைச் சொல்வது மிகவும் அவசியம். ஏனெனில் அவ்வாறு உண்மையைச் சொன்னால் தான், சரியான மருத்துவத்தை அவர்கள் செய்ய முடியும். இல்லையெனில் அவர்களால் எந்த ஒரு மருத்துவத்தையும் மேற்கொள்ள முடியாது. ஆகவே நமக்கு சிறப்பான மருத்துவ உதவியைச் செய்ய எந்த விஷயத்தையெல்லாம் மறைக்கக் கூடாது என்று பட்டியலிட்டுள்ளோம். அவற்றையெல்லாம் மறைக்காமல் இருந்தால், மருத்துவர்கள் மருத்துவத்தை மேற்கொள்ள உறுதுணையாக இருக்கும்.

தவறான பழக்கவழக்கங்கள்

புகைப்பிடித்தல், மது அருந்துதல், போதைப் பொருள் உட்கொள்ளுதல் போன்ற பழக்கங்கள் இருந்தால், அவற்றை மருத்துவ ஆலோசனையின் போது தயக்கமின்றி சொல்வது அவசியம். துள்ளியமாக மருத்துவம் செய்ய இது போன்ற தகவல்கள் இன்றியமையாதவையாகும்.

முந்தைய அறுவை சிகிச்சைகள் 

முந்தைய காலகட்டத்தில் ஏதாவது அறுவை சிகிச்சைகள் நடைபெற்றிருந்தால், அது குறித்த விளக்கங்கள் மற்றும் சிகிச்சைத் தொடர்பான ஆவணங்கள் இருப்பின், அவற்றை மருத்துவரிடம் கொடுக்க வேண்டும். இது மருத்துவர்கள் நமது உடல் நிலையைப் பற்றி நன்றாகப் புரிந்து கொண்டு, சிறப்பாக மருத்துவம் செய்ய ஏதுவாக அமையும்.

உணவுப் பழக்கவழக்கங்கள் 

எவ்வளவு தான் ஆரோக்கியமான உணவுகள் நம்மைச் சுற்றி இருந்தாலும், சுவை மற்றும் ஆசையின் காரணமாக ஆரோக்கியமற்ற உணவைச் சாப்பிடுவதில் நம்மில் பலருக்கு ஆர்வமுண்டு. அப்படிப்பட்ட ஆரோக்கியமற்ற உணவுப் வழக்கங்களை மருத்துவரிடத்தில் தெரிவிக்க வேண்டும். இன்னும் ஒரு சிலர் டயட் என்று சொல்லி சரியாக சாப்பிடவே மாட்டார்கள். அப்படிபட்டவர்களும் மருத்துவரிடம் தெளிவாக தங்கள் உணவுப் பழக்கத்தைச் சொல்ல வேண்டும்.

மன அழுத்தம் 

இப்பொழுதிருக்கும் காலக்கட்டத்தில் பலர் மன அழுத்தத்தால் பாதிக்கப்பட்டிருக்கின்றனர். இவர்கள் பெரும்பாலும் தனிமையில் இருப்பார்கள், தமக்குள்ள கஷ்ட நஷ்டங்களை வெளியில் சொல்லாமல், மனதிலேயே வைத்திருப்பார்கள். உடல் சம்பந்தப்ப்ட்ட பல பிரச்சினைகளுக்கு மன அழுத்தமும் முக்கிய காரணமாகச் சொல்லப்படுகிறது. ஆகையால், இதையும் ஒளிவு மறைவு இல்லாமல் மருத்துவரிடம் தெரிவிக்க வேண்டும்.

உட்கொள்ளும் மருந்துகள் 

பெரும்பாலும், இப்போது அனைத்து வீடுகளிலும் ஒரு குட்டி மருந்து கடையே இருக்கிறது என்று கூறும் அளவிற்கு, மருந்துகள் மனிதனின் அன்றாட வாழ்வில் நீங்கா இடம் பிடித்திருக்கின்றன. அப்படி தொடர்ச்சியாக உட்கொள்ளும் மருந்து மாத்திரைகளின் விவரங்களை மருத்துவரிடம் சொல்வது மிகவும் அவசியம். இதனைக் கணக்கில் கொண்டு, நம்முடைய உடல் ஏற்றுகொள்ளும் அளவினை அறிந்து மருந்துகளை பரிந்துரை செய்ய, இந்தத் தகவல்கள் பெரிதும் உதவும்.

அலர்ஜி 

ஒரு சில மருந்து, மாத்திரைகளை உட்கொண்டால் நம்மில் பலருக்கு அலர்ஜி ஏற்படும். இது தொடர்பான தகவல்களை முன்கூட்டியே மருத்துவரிடம் தெரிவிப்பது நல்லது.

மலத்தில் இரத்தம் கலந்திருத்தல்

 மலம் பற்றி பேசவே இன்னும் நாம் தயங்கிக் கொண்டிருக்கிறோம். இந்நிலை மாற வேண்டும். மலம் கழிக்கும் போது சிலருக்கு மலத்தோடு, இரத்தம் கலந்தவாறு வெளியேறும். இதனை அவசியம் மருத்துவரிடம் சொல்ல வேண்டும். ஏனெனில் அது மலக்குடல் சார்ந்த புற்றுநோயாக இருக்க வாய்ப்புள்ளது. இதனை ஆரம்பத்திலேயே கண்டுபிடித்துவிட்டால், எளிதில் குணப்படுத்த முடியும். இவ்வாறு நாம் அனைத்திலும் திறந்த மனதோடு, பயமோ கூச்சமோ இல்லாமல், மருத்துவரிடம் உண்மையை உரைப்பது நம் உடல் நலத்தை சிறப்பாக வைத்துக் கொள்ள உதவும்.  

உங்கள் ஆடைகளில் சூயிங் கம் ஒட்டிக்கொண்டால் எப்படி அகற்றுவது?

மிகவும் பிடித்த உடைகளில் ஏதேனும் கறை படிந்தாலே கஷ்டமாயிருக்கும். அதிலும் சூயிங் கம் ஒட்டியிருந்தால், அதனை முற்றிலும் போக்குவது என்பது கடினமான ஒன்று. ஆனால் அவற்றை ஒருசில கடினமான கெமிக்கல் மூலம் போக்கலாம்.

அவ்வாறு கெமிக்கல்களை துணிகளில் பயன்படுத்தினால், அதன் தரம் மற்றும் நிறம் குறைந்துவிடும். ஆகவே அவற்றை தூக்கிப் போடுவது தான் சிறந்த வழி என்று நினைக்க வேண்டாம். ஏனெனில் அந்த மாதிரியான சூயிங் கம் துணிகளில் ஒட்டிக்கொண்டால், அப்போது அவற்றை நீக்குவதற்கு ஒரு சில எளிய வழிகளைப் பற்றியும் யோசிக்க வேண்டும். அத்தகைய வழிகள் என்னவென்று பட்டியலிட்டுள்ளோம். அதைப் படித்து தெரிந்து கொண்டு, எளிதில் சூயிங் கம்மை போக்கிவிடுங்கள்.

* துணிகளில் சூயிங் கம் ஒட்டிக் கொண்டால், அப்போது அதனை ஃப்ரீசரில் வைத்தால், சூயிங் கம்மானது உறைந்துவிடும். பின் அதனை கத்தி அல்லது நகங்களால் எடுத்தால், அவை எளிதில் துணிகளில் இருந்து முற்றிலும் வந்துவிடும். வேண்டுமெனில் ஐஸ் கட்டிகள் வைத்து தேய்த்தாலும், சூயிங் கம் வந்துவிடும்.

* வினிகரை வெதுவெதுப்பாக சூடேற்றி, சூயிங் கம் ஒட்டியுள்ள இடத்தைச் சுற்றி ஊற்றினால், பின் அதனை எடுத்தால், அவை துணிகளில் இருந்து எளிதில் வந்துவிடும்.

* நெயில் பாலிஷ் ரிமூவர், நெயில் பாலிஷை மட்டும் நீக்குவதற்கு பயன்படுவதில்லை. துணிகளில் சூயிங் கம்கள் ஒட்டிக் கொண்டாலும், அதனை நீக்குவதற்கும் தான் பயன்படுகிறது. இவ்வாறு இதனைப் பயன்படுத்தி சிறிது தேய்த்தாலும், சீக்கிரம் கம்மானது வெளியேறிவிடும்.

* துணிகளை ஐயர்ன் செய்வதன் மூலமும் நீக்கலாம். அதற்கு சூயிங் கம் ஒட்டியுள்ள இடத்தில் ஒரு ப்ரௌன் பேப்பரை வைத்து, அதன் மேல் இஸ்திரிப் பெட்டியை உயர் வெப்பநிலையில் வைத்து இஸ்திரி செய்யும் போது, சூயிங் கம்மானது மென்மையாகி, பேப்பரில் ஒட்டிக் கொள்ளும். இந்த முறையை சூயிங் கம் போகும் வரை செய்ய வேண்டும்.

* ஆல்கஹாலைப் பயன்படுத்தி நீக்குவதும் நல்ல பலனைத் தரும். அதற்கு காட்டன் சிறிதை ஆல்கஹாலில் நனைத்து, சூயிங் கம் ஒட்டியுள்ள இடத்தில் தேய்த்து, சிறிது நேரம் ஊற வைத்து, பின் கத்தியை வைத்து எடுத்தால், கம் எளிதில் வந்துவிடும்.

* ஹேர் ஸ்ப்ரேயை சூயிங் கம் உள்ள இடத்தில் தெளித்தால், அவை சற்று கடினமாகிவிடும். பின் அதனை கத்தியை வைத்து எடுத்தால், எந்த ஒரு பிரச்சனையுமின்றி அவை வந்துவிடும்.

மது அருந்தும் பழக்கத்தை எப்படி நிறுத்தலாம்?

அதிகமாக மது அருந்துகிறீர்களா? குடியை விட ஆசை, ஆனால் முடியாமல் போகிறதா? அப்படினெனில் இதை தொடர்ந்து படியுங்கள். தற்போது குடி என்பது ஒரு ஃபேஷனாகிவிட்டது. மாணவர்கள், அலுவலக வேலையில் உள்ளவர்கள், தொழிலாளிகள் என பலரும் இதை அருந்துகிறார்கள். அதனுடைய பின்விளைவுகளை அறியாது, தானும் கெட்டு, தன் குடும்பத்தையும் நடுத்தெருவுக்கே கொண்டு வந்து விடுகிறார்கள். குடியால் அழிந்த குடும்பங்கள் எத்தனையோ உள்ளன.


இதற்கு வீதிக்கு வீதி அமைந்திருக்கும் பார்களும் காரணமாகும். குடியை விட்டு விடலாம் என்று மனவுறுதியோடு இருப்பவர்கள் கூட, சரியில்லாத நட்பினால் மீண்டும் மீண்டும் குடியில் தள்ளப்படுகின்றனர். தற்போது இந்த குடியால் ஒட்டுமொத்த சமுதாயமே சீரழிந்து கொண்டிருக்கிறது. குடி போதையால் கொலை, கொள்ளை, கற்பழிப்பு போன்றவை சர்வ சாதாரணமாகிவிட்டது.


 நாடு ஒரு பேரழிவான பாதைக்கு சென்று கொண்டிருக்கிறது. ஆண்கள் மட்டுமே குடிக்கு அடிமைப்பட்டு கிடந்த நிலை மாறி, பெண்களும் தற்போது இதற்கு அடிமையாகிவிட்டனர். குடியால் பல ஆண்களுக்கு விந்தணுக்களின் எண்ணிக்கை மிகக்குறைவாக இருப்பதாகவும், இதனால் காலப்போக்கில், உயிர்களின் உற்பத்தி குறைந்து கொண்டே சென்று, ஒரு கட்டத்தில் உயிர்கள் பிறப்பதே நின்றுவிடும் என்று ஆய்வு ஒன்று அதிர்ச்சித் தகவலை அளித்துள்ளது. இவ்வளவு பேரழிவை தரும் குடியிலிருந்து விடுபட விரும்பினால்,

 உங்களுக்காக இதோ சில குறிப்புகள்...

மனநல ஆலோசகரை அணுகுதல் 

குடியால் ஏற்பட்ட உளவியல் மாற்றம் மற்றும் உணர்ச்சிவசப்படும் நிலைகளைப் போக்க ஒரு நல்ல மனநல ஆலோசகரை அணுகுங்கள். அவர்களது ஆலோசனைகளை பின்பற்றவும்.

தேதியை குறித்துக் கொள்ளுதல் 

குடியை விட சில முக்கிய தேதியை தேர்ந்தெடுக்கவும். இன்றிலிருந்து குடிக்கமாட்டேன் என்று சபதமிடுங்கள். பெரும் குடிகாரராக இருந்தால் படிப்படியாக குறைக்கும் முயற்சிகளில் ஈடுபடவும்.

மது பாட்டில்களை தூக்கி எறிதல் 

குடி தொடர்புடைய அனைத்து விதமான கேன்கள், பாட்டில்கள் போன்றவற்றை தூக்கி எறியவும். விருந்தினர்கள் வந்தால் தேவைப்படுமே என்று நினைக்க வேண்டாம். அதற்கு பதில் அவர்களுக்கு தேநீர், காபி அல்லது பழச்சாறுகள் போன்றவற்றைத் தரலாம்.

கொஞ்சம் கொஞ்சமாக விடுதல் 

டியை ஒரே நாளில் விட்டு விட முடியாது. முதலில் சிறிது சிறிதாக விட முயற்சி செய்யுங்கள். அதிகமான குடி காரணமாக பராலிசிஸ், தலைவலி, வாந்தி வருவதாக கற்பனை செய்யுங்கள். பின் இந்த பயமே குடிக்கும் எண்ணத்தை தடுக்கும்.

உணவு மூலம் தவிர்த்தல் 

குடிக்கும் முன் ஏதாவது உணவு அருந்துங்கள். அதனால் குடிப்பதில் உள்ள நாட்டம் குறையும். அப்படியே மீறிக் குடித்தாலும் கொஞ்சமாகத் தான் குடிக்க முடியும்.

வைட்டமின் பி மாத்திரைகள்

 குடிக்கும் போது வைட்டமின் பி மாத்திரைகளை எடுத்துக் கொள்ளுங்கள். உடல் திறனை பாதிக்கும் மதுவின் தொடர் விளைவுகளை இந்த தையாமின் மாத்திரைகள் தடுக்கும். வைட்டமின் பி எனப்படும் தையாமின் குறைபாடு, கடுமையான மனநல பாதிப்புகளை ஏற்படுத்தும்.

மனநிலையை உணர்தல் 

உண்மையிலேயே குடிப்பதை நிறுத்த விரும்பினால், உங்கள் தவறுகளை ஒப்புக் கொள்ளவும். கடந்த கால மோசமான நிலைமைகளை அறிந்து கொள்ளவும். தங்கள் பிரச்சனைகளை பரந்த மனதுடன் ஒப்புக் கொள்ளும் நடைமுறையை தொடங்கும் போது, குடியிலிருந்து மீண்டு, வாழ்க்கையில் வெற்றி பெறலாம்.

குடியை தூண்டும் நண்பர்களை தவிர்த்தல் 

குடிக்கத் தூண்டும் மனிதர்களுடன் தொடர்பை உடனடியாக நிறுத்தவும். பாருக்கு போவதை நிறுத்த வேண்டும். மேலும் குடும்பத்தினரிடம் மற்றும் நண்பர்களிடம், குடிப்பதை நிறுத்த விரும்புவதாகக் கூறி, அவர்களது தார்மீக உதவியைப் பெறவும்.

தண்ணீர் குடித்தல்

சுத்தமான தூய தண்ணீரின் அற்புதத்தை உணருங்கள். குறைந்தது 5 குவளை தண்ணீர் குடிக்க பழக்கப்படுத்திக் கொள்ளவும். உணவில்லாமல் பல வாரங்கள் இருக்கலாம். ஆனால் தண்ணீர் இல்லாமல் இரண்டு நாட்கள் கூட இருக்க முடியாது. நிறைய தண்ணீர் குடித்தால், மது அருந்தும் ஆசை குறையும்.

ஆண்களுக்கு பெண்களிடம் அறவே பிடிக்காத விடயங்கள்!

உலகில் உள்ள அனைவருக்குமே ஒருசிலவற்றில் அதிகப்படியான விருப்பம் இருக்கும். அத்தகைய அதிகப்படியான விருப்பதால், அதனைப் பெறுவதற்கும், பின்பற்றுவதற்கும் அதிக ஆர்வம் செலுத்துவதால், நம்முடன் பழகுபவர்களுக்கு அது பொறுமையை இழக்கச் செய்து, சில சமயங்களில் எரிச்சலூட்டும் படியாகவும் இருக்கும். இவற்றில் பெண்களின் செயல்கள் தான் ஆண்களை கோபமூட்டும். உதாரணமாக, பெண்களுக்கு மேக்-கப் போடுவது மிகவும் பிடிக்கும். ஆனால் ஆண்களுக்கு அது சுத்தமாக பிடிக்காது. இது போன்று பெண்களுக்குப் பிடித்து ஆண்களுக்கு பிடிக்காத செயல்கள் உள்ளன. அவற்றில் ஐந்து செயல்கள் என்னவென்று பட்டியலிட்டுள்ளோம். அதைப் பார்ப்போமா!!!

* வெளியே கிளம்புவதற்கு 10-15 நிமிடம் போதுமானது. ஆனால் பெண்கள் வெளியே கிளம்ப வேண்டுமெனில் குறைந்தது 1 மணிநேரம் எடுத்துக் கொள்வார்கள். இதனால் நீண்ட நேரம் காத்திருப்பதால், ஆண்கள் வெறுப்படைந்துவிடுவார்கள். அதுமட்டுமின்றி, அவ்வாறு கிளம்பி வந்த பின், பெண்கள் தாம் எப்படி இருப்பதாகவும் கேட்பார்கள். அப்போது ஆண்கள் பெண்களின் மனது குளிரும் வகையில் சொன்னாலும் சரி, சொல்லாவிட்டாலும் சரி, அதை ஏற்றுக் கொள்ளமாட்டார்கள். இநத் நேரம் காத்திருந்ததை விட, கேட்ட கேள்விக்கு சரியாக பதிலளித்தும் பெண்கள் ஒப்புக் கொள்ளாதது, ஆண்களுக்கு கோபத்துடன் எரிச்சலையும் உண்டாக்கும்.

 * பெண்களின் செயல்களில் முக்கியமான ஒன்று மேக்-கப் போடுவது. பெண்களுக்கு எங்கு செல்லும் போதும், நன்கு அழகாக பொலிவோடு இருக்க வேண்டும் என்று நினைப்பார்கள். அதனால் முகத்தை அழகுடன் வெளிப்படுத்துவதற்கு மேக்-கப்பை போடுவார்கள். ஆனால் ஆண்கள் இயற்கை அழகையே விரும்புபவர்கள். சொல்லப்போனால் மேக்-கப் போடும் பெண்களை விட, மேக்-கப் போடாத பெண்களாலேயே ஆண்களை எளிதில் கவர முடியும். ஆகவே அளவான மேக்-கப் போடுவது இயற்கையான அழகை வெளிப்படுத்துவதோடு, கவர்ச்சியாகவும் இருக்கும்.

 * எப்போது டேட்டிங் சென்றாலும், ஆரம்பத்தில் பெண்கள் கூச்சப்பட்டு, பசித்தாலும் அளவாகவே சாப்பிடுவார்கள். ஆனால் அதுவே நன்கு பழகிவிட்டால், நன்கு ஒரு கட்டு கட்டுவார்கள். இவ்வாறு நன்கு எதற்கும் கூச்சப்படாமல் இருப்பவர்களையே ஆண்களுக்கு பிடிக்கும். அதைவிட்டு சரியாக சாப்பிடாமல் இருந்தால், பின் சீன் போடுகிறார்கள் என்று நினைத்து ஆண்களுக்கு மனதில் ஒருவித எதிர்மறை எண்ணங்கள் உண்டாகும். அதுமட்டுமின்றி ஆண்களுக்கு எப்போதும் தம்முடன் இருப்பவர்கள், எந்த ஒரு கூச்சமுமின்றி நன்கு வயிறு நிறைய சாப்பிட வேண்டும் என்று நினைப்பார்கள். ஆகவே எப்போதும் கூச்சப்படாமல் எப்போதும் போன்று நடக்க வேண்டும்.

* பெண்களுக்கு எவ்வளவு தான் வீட்டில் துணிகள் இருந்தாலும், புது ஆடைகள் வாங்குவதில் உள்ள நாட்டம் குறையாது. அதிலும் ஒருமுறை மனதில் வாங்க வேண்டும் என்று நினைத்துவிட்டால், என்ன வாங்க வேண்டும் என்று யோசிக்கவே 30 நிமிடங்கள் எடுத்துக் கொள்வார்கள். இந்த நேரம் மட்டும் ஆண்கள் பெண்கள் கைகளில் மாட்டிக் கொண்டால், பொறுமையையே ஆடையாக அணிந்திருக்க வேண்டும். இல்லாவிட்டால், சண்டைகள் வந்து வீடே இரண்டாகிவிடும். அதுமட்டுமின்றி, அவர்களுடன் போகும் போது டெபிட் கார்டு போதாது, கூடவே க்ரிடிட் கார்டும் எடுத்து செல்ல வேண்டி வரும்.

* இயற்கையாகவே பெண்களுக்கு சுய அன்பானது அதிகம் இருக்கும். மேலும் எந்த நேரமும் நன்கு அழகாகவே காணப்பட வேண்டும் என்று அழகு மீது அதிக கவனம் கொள்வார்கள். அதனால் தான் அவர்கள் மேக்-கப் செய்வதற்கு அதிக நேரம் எடுத்துக் கொள்கின்றனர். அதிலும் கூந்தல் என்று வந்துவிட்டால், கூந்தலை எப்படியெல்லாம் ஸ்டைலாக சீவலாமோ, அவை அனைத்தையும் முயற்சித்து பார்ப்பார்கள். அவ்வாறு முயற்சிப்பது தவறல்ல. ஆனால் அது நமது துணைக்கு பிடிக்கிறதா என்று பார்த்து செய்வது நல்லது. ஏனெனில் அவர் தான் எப்போதும் உங்களுடன் இருப்பவர்கள். ஆகவே அதை மறக்காமல் நடப்பது நல்லது. மேற்கூறியவாறு பெண்கள் இல்லாமல் இருந்தால், நிச்சயம் அனைத்து ஆண்களுக்கும் மிகவும் பிடிக்கும்.

உங்கள் மனைவியை உங்களுக்கு ஏற்ற சிறந்த மனைவியாக மாற்றுவது எப்படி?

காதலில் விழுவது என்பது சுலபம். ஏனெனில் காதலுக்கு கண்ணில்லை. ஆனால் காதல் என்ற ஒன்று வந்துவிட்டால், எதிர்காலத்தைப் பற்றி நினைக்க வேண்டிய கட்டாயம் உள்ளது. ஏனெனில் சுலபத்தில் கண்மூடித்தனமாக வரும் காதல், திருமணத்திற்கு பின்னும் இருவரும் நீண்ட நாட்கள் சந்தோஷமாக காதலர்களாக வாழ வேண்டுமெனில், இருவருக்கிடையே ஒரு நல்ல புரிதல் மற்றும் இருவரும் இருவருக்கேற்றவாறு இருக்க வேண்டும். பொதுவாக பார்த்ததும் வரும் காதலானது, காதலிப்பவரைப் பற்றி எந்த ஒரு விஷயமும் தெரியாமல் வரும்.


இதனால் இந்த காதல் சில சமயங்களில் எளிதில் முறிய வாய்ப்புள்ளது. ஆனால் நன்கு புரிந்து, பிடித்ததை இருவரும் பகிர்ந்து கொண்டு, பின்னர் வரும் காதல் மிகவும் வலுவாக இருக்கும். இருப்பினும் அவற்றில் சில மனஸ்தாபங்கள் வரும். குறிப்பாக ஆண்களது மனதிற்கேற்ப பெண்கள் நடப்பது என்பது சற்று கடினம். ஏனெனில் ஆண்களுக்கு திருமணம் என்ற ஒன்று நெருங்கும் போது, அவர்களது கடமைகள் மற்றும் பொறுப்புக்கள் அதிகம் இருக்கும். அதேப் போன்று காதல் திருமணமாக இருந்தால், ஆண்களின் குடும்பத்தினருக்கு ஏற்ற வகையில் பெண்கள் நடந்தால் தான், திருமணமானது எந்த ஒரு பிரச்சனையுமின்றி நடக்கும்.


ஆகவே ஆண்கள் தங்கள் காதலியை திருமணம் செய்வதற்கு முன்னர், அவர்களிடம் இரு விஷயங்களைப் பற்றி ஆலோசிக்க வேண்டும். அவை அவர்களது குடும்பம் மற்றும் பொருளாதாரம். ஏனெனில் அவ்வாறு ஆலோசித்துக் கொண்டால், காதலியை குடும்பத்தினரிடம் அறிமுகப்படுத்தும் போது, அது அவர்களுக்கு குடும்பத்தினரை மடக்குவதற்கு எளிதாக இருக்கும். இதுப் போன்று ஆண்கள் காதலியை தங்களுக்கு ஏற்றவாறு மாற்றுவதற்கு பல விஷயங்கள் உள்ளன. அவை என்னவென்று கொடுத்துள்ளோம். அதைப் படித்து தெரிந்து கொண்டு, அதற்கேற்றாற் போல் காதலியிடம் கலந்தாலோசித்து நடந்தால், திருமண வாழ்க்கை செழிப்புடன் இருக்கும்.


நேரம் செலவழித்தல் 

தோழி/காதலியாக இருக்கும் போது, அவர்கள் அவர்களது தோழிகள் அல்லது நண்பர்களுடன் அதிக நேரத்தை செலவழிக்கலாம். ஆனால் இருவரும் திருமணம் செய்து கொள்ள நினைத்தப் பின்னும், அதேப் போல் இருந்தால், நன்றாக இருக்காது. ஆகவே அவர்களிடம் அதைச் சொல்லி புரிய வைப்பதோடு, வேலையில்லாத நேரத்தில் இருவரும் ஒன்றாக சேர்ந்து வெளியே சென்று, மனம் விட்டு பேசி மகிழ விரும்புவதாகவும் சொல்லலாம்.

செலவுகளை பகிர்தல்

இன்றைய காலத்தில் கணவன்/மனைவி இருவரும் தான் செலவுகளை பகிர்ந்து கொள்கின்றனர். எனவே இத்தகைய பழக்கம் காதலிக்கும் போது இல்லாவிட்டாலும், திருமணத்திற்கு பிறகு, இருவரும் குடும்ப செலவுகளை பகிர வேண்டுமென்ற எண்ணத்தை சொல்ல வேண்டும்.

அழகை பராமரித்தல் 

தற்போதுள்ள ஆண்களுக்கு நன்கு அழகைப் பராமரித்து வரும் பெண்களை மிகவும் பிடிக்கும். ஆகவே ஒருவேளை உங்கள் காதலி, இந்த மாதிரி இல்லாமல் இருந்தால், அவர்களுக்கு அழகின் முக்கியத்துவத்தை கூறி, பின்பற்றுமாறு சொல்லலாம்.

பெற்றோர்களை சந்தித்தல் 

காதலியை பெற்றோர்களிடம் அறிமுகப்படுத்துவது என்பது மிகவும் கடினமான ஒன்று. ஆகவே பெற்றோர்களிடம் அறிமுகப்படுத்தும் முன், அவர்களுக்கு குடும்ப உறுப்பினர்களின் குணங்களைப் பற்றி முன்பே சொல்லி விட வேண்டும்.

திருமணம் என்றால்.... 

இது மிகவும் முக்கியமான ஒன்று. ஏனெனில் இருவருக்கும் திருமணம் என்பதற்கான அர்த்தம் ஒன்றியிருந்தால் தான், எந்த நிலையிலும் இருவரும் சந்தோஷமாக இருக்க முடியும். ஆகவே இதனைப் பற்றி தவறாமல் கலந்தாலோசிக்க வேண்டும்.எதிர்காலம் திருமணம் செய்வதற்கு முன் வாழ்வில் ஒரு நிலையில் இருக்க வேண்டும் என்று ஆண்கள் நினைப்பர். அத்தகைய எதிர்காலத்தை பற்றி நினைக்கும் போது, அதை காதலியிடம் சொல்வதோடு, அவர்களது எதிர்காலத்தைப் பற்றியும் நினைக்க வேண்டும். முக்கியமாக காதலியும் உங்களது எதிர்காலத்தைப் பற்றி நினைக்க வேண்டும்.

மொழிப் பிரச்சனை 

ஒருவேளை இருவரும் வெவ்வேறு மொழியினத்தவராக இருந்தால், இருவரும் பேசிக் கொள்வது, எண்ணங்களைப் பகிர்வது என்பது மிகவும் கடினமாகிவிடும். ஆகவே காதல் செய்யும் ஆரம்பத்தில் முதலில் செய்ய வேண்டியது என்னவென்றால், ஆண்கள் தங்கள் தாய்மொழியை காதலிக்குக் கற்றுக் கொடுப்பது தான். அதுமட்டுமின்றி அவர்களது தாய்மொழியையும் கற்றுக் கொள்ள வேண்டும்.

பாவம் பவர்ஸ்டாரையே ஏமாத்திட்டாங்கப்பா!

கோலி சோடா படத்தில் நடித்த தனக்கு அந்தப் படத்தின் இயக்குநரும் தயாரிப்பாளருமான விஜய் மில்டன் பணம் தராமல் ஏமாற்றியதாக பவர் ஸ்டார் சீனிவாசனம் புலம்பியுள்ளார்.


 இன்றைய சினிமா எனும் படத்தின் இசை வெளியீட்டு விழாவில் பேசிய பவர் ஸ்டார் சீனிவாசன், "கோலி சோடா படத்தில் நடிக்க 6 நாட்களுக்கு கால்ஷீட் கேட்டார்கள்.


ஆனால் மூன்றே நாட்களில் முடித்துவிட்டார்கள். இதில் நடிக்க ஒரு சிறிய தொகையை மட்டும் முதலில் கொடுத்தாங்க.


மீதிப் பணத்தை அப்புறம் தர்றதா சொன்னவங்க, கடைசி வரைக்கும் தரவே இல்லை. கேட்டா, கொடுக்க முடியாது போய்யா..


 யார் கிட்ட வேணா சொல்லிக்க'ன்னு கேவலமாக பேசறாங்க.


ஆனா பலரும் நான்தான் அடுத்தவங்களை ஏமாத்தறதா சொல்றாங்க.


உண்மையில நான் கஷ்டப்பட்டு உழைக்கிறேன். அந்த உழைப்புக்குக் கூட உரிய பணம் தராம ஏமாத்தறாங்க," என்றார்.

சமந்தாவுக்குனே ரூம் போட்டு யோசிக்கும் ஆந்திரவாலாக்கள்!

தமிழ் சினிமாப் பாடல்களைப்பொறுத்தவரை மெலோடி, குத்துப்பாட்டு என எல்லாமே கலந்துதான் இருக்கும். ஆனால், ஆந்திராவில் அப்படியல்ல, கிட்டத்தட்ட எல்லா பாடல்களுமே குத்துப்பாட்டு போன்று ஒரே மாதிரியான டெம்போவில்தான் இருக்கும். டண்டனக்கா ரேஞ்சுக்கு துள்ளிக்குதித்து பாடல் முழுக்க சளைக்காமல் ஆடித்தீர்ப்பார்கள்.


ஆனபோதும், சமீபகாலமாக தமிழ் சினிமாவில் இருந்து சில மெலோடியான ஹிட் பாடல்களை அங்குள்ள இசையமைப்பாளர்கள் கையாளத் தொடங்கியிருக்கிறார்களாம். குறிப்பாக வரிந்து கட்டி ஆட ஆசைப்படும் சமந்தா நடிக்கும் படங்களிலும் இதுபோன்ற மெலோடியான பாடல்கள் இடம்பெறுவது சமந்தாவுக்கு சுத்தமாக பிடிக்கவில்லையாம்.


அதனால் தன்னை படங்களில ஒப்பந்தம் செய்யும்போது, எனக்கு மெலோடியான பாடல்கள் தர வேண்டாம். நான் இடம்பெறும் பாடல்கள் ஒவ்வொன்றும் எகிறி குதித்து ஆடக்கூடிய குத்துப்பாடல்களாக இருக்க வேணடும் என்கிறாராம். காரணம், என் ரசிகர்கள் என்னை அந்த மாதிரி கோணத்தில்தான் ரசிக்கிறார்கள். நான் நடிக்கிற படங்களின் பாடல் காட்சியில் தியேட்டர்களில் விசில் பறக்க ஆட்டம் போட வேண்டும் என்கிறார்கள்.


அதனால், அவர்களின் ரசனைக்கு தீனி போட வேண்டியது என் கடமையில்லையா? என்று தன் பக்கமுள்ள நியாயத்தை சொல்கிறாராம். அதனால். இப்போதெல்லாம் சமந்தாவுக்கென்றே தலைதெறிக்க ஆடக்கூடிய வகையில் படத்துக்கு இரண்டு குத்தாட்ட பாடல்கள் வைப்பதை வழக்கமாகி விட்டனர் ஆந்திரவாலாக்கள்

நயன்தாராவுக்கு ஏற்பட்ட புதிய சிக்கல்!

செகண்ட் இன்னிங்சில் அஜீத், ஆர்யா போன்ற நடிகர்களுடன் நடித்தபோது நயன்தாரா அவர்களுக்கு பொருத்தமாக இருந்தார். ஆனால், அதற்கடுத்து இப்போது சிம்பு, ஜெயம்ரவி, தனுஷ், உதயநிதி என நடிப்பதால், அவர்களுடன் நின்று நடிக்கும்போது நயன்தாராவின் உடம்பிலும், முகத்திலும் முதிர்ச்சி தெரிகிறதாம். இதை சம்பந்தப்பட்ட நடிகர்களோ, இயக்குனர்களோ சொல்லாதபோதும், நயன்தாராவின் அபிமானிகளான சில கேமராமேன்கள் அவரது காது கடிக்கிறார்களாம்.


அதனால், இந்த முதிர்ச்சியை விரட்டியடிக்க என்ன செய்யலாம் என்று யோசித்த நயன்தாரா, சிலரது அட்வைஸ்படி உடல் எடையை குறைத்துப்பார்த்தாராம். ஆனால் அப்படி செய்கிறபோது அவரது முக அழகு போய் விடுகிறதாம். இதுவா நயன்தாரா வ்வே... என்று ஓடும் அளவுக்கு ஒரு மார்க்கமாக இருக்கிறாராம். அதனால் உடல் எடையை குறைக்கும் முயற்சியை தற்போது கிடப்பில் போட்டு விட்டார் நயன்தாரா.


அதனால், தனது இளமையை பாதுகாக்கும் உணவுகள், இயற்கை மருத்துவங்களில் கவனத்தை திருப்பியிருக்கும் நயன்தாரா, முகத்தில் பூசிக்கொள்ளும் மேக்கப் பொருட்களை முகத்தை பாதிக்காத வகையிலான பிராண்டுகளை பயன்படுத்தத் தொடங்கியிருக்கிறார். கூடவே, மேக்கப்பை கலைத்ததும் முதல் வேளையாக ஸ்கின்னை பாதுகாக்கக்கூடிய சில ஆயுர்வேத கிரீம்களை போட்டுக்கொள்கிறாராம்.


அதோடு, இப்படி வீட்டில் இருக்கும் பெரும்பாலான நேரங்களில் முகத்தில் எதையாவது பூசிக்கொண்டேயிருக்கிறார். யாராவது சினிமாக்காரர்கள் பட விசயமாக சந்திக்க சென்றாலும், தனது நிஜமுகத்தை காண்பிக்காமல், ஆயுர்வேத கிரீம் தடவிய முகத்தோடுதான் காட்சி கொடுக்கிறாராம் நயன்தாரா.

'வானவராயன் வல்லவராயனு'க்கு வச்சிட்டாங்க ஆப்பு!

'கழுகு' கிருஷ்ணா நடித்திருக்கும் படம் 'வானவராயன் வல்லவராயன்'. காமெடி, செண்டிமென்ட், காதல் என கமர்சியல் கலவையாக உருவாகும் இந்த படம் முடிந்து ரிலீசுக்கு தயாராகி விட்டது. ஆனால், எங்கள் முன்னோர்களின் பெயரை சினிமா படத்துக்கு வைத்து களங்கப்படுத்தக்கூடாது என்று கொங்கு நாட்டைச்சேர்ந்தவர்கள் எதிர்ப்பு தெரிவித்து வருகிறார்களாம்.


இது தவறான படமல்ல, ஒரு ஜாலியான படம். அண்ணன் தம்பியின் பாசத்தை சொல்லும் படம் என்று படத்தில் உள்ள அனைத்து ப்ளசான விசயங்களையும் எடுத்துச்சொல்லியும் அவர்கள் அசைந்து கொடுப்பதாக இல்லையாம்.


இதையடுத்து கொங்கு மண்டலத்தைச்சேர்ந்த சினிமா கலைஞர்களான ஆர்.வி.உதயகுமார் உள்ளிட்ட சிலரை அணுகி சமரசம் செய்யும் முயற்சிகள் நடத்தப்பட்டதாம். ஆனபோதும், சம்பந்தப்பட்டவர்கள் இன்னும் பச்சைக்கொடி காட்டவில்லையாம்.


அதனால், மெளனம் காத்து வரும் படக்குழு, படத்தின் டைட்டீலை மாற்றி வெளியிடும் முயற்சிகளில் ஈடுபட்டிருப்பதாக செய்திகள் தெரிவிக்கின்றன. ஆனால், வானவராயன் வல்லவராயன் என்பது இப்போது தலைப்பான போதும், ஏற்கனவே ரஜினி நடித்த எஜமான் படத்தில் ரஜினி, வானவராயனாகவும், நெப்போலியன் வல்லவராயனாகவும் நடித்திருக்கிறார்கள் என்பது குறிப்பிடத்தக்கது.

சிம்பு நயன்தாரா சேர்றாங்க.... கார்த்தி தமன்னா சேர்றாங்க. என்னய்யா நடக்குது இங்கே?

பையா, சிறுத்தை என கார்த்தி-தமன்னா ஜோடி சேர்ந்த இரண்டு படங்களுமே மெகா ஹிட். அதனால் அவர்களது நெருக்கமும் இறுக்கமானது. அதையடுத்து, இனி எனது எல்லா படங்களிலுமே தமன்னாதான் நாயகி என்று கார்த்தி அறிவிக்கயிருந்த நேரத்தில், இது ஆபத்தாயிற்றே என்று அவரது அபிமானிகள் ஒன்றினைந்து அவர்களது கூட்டணிக்கு குண்டு வைத்தனர். அதனால், இருவரும் வெவ்வேறு திசைகளில் பயணிக்க வேண்டிய கட்டாயத்துக்கு தள்ளப்பட்டனர்.


ஆனால், என்ன காரணமோ, தமன்னா கார்த்தியை விட்டு பிரிந்த நேரம், அவரை விட்டு அதிர்ஷ்ட தேவதையும் பிரிந்தது போலாகி விட்டது. நடித்த எந்த படங்களும் ஓடவில்லை. இதனால் மறுபடியும் தமன்னா வீரம் படத்தில் நடிக்க வந்தபோது மீண்டும் அவருடன் இணைந்து, வெற்றிக்கனியை பறிக்க ஆசைப்பட்டார் கார்த்தி.


அதை நிறைவேற்றி வைக்க அவரிடம் கதை சொன்ன சில டைரக்டர்கள் நான் நீயென்று முன்வந்தபோதும், இப்போது ஆரம்பம் படத்தையடுத்து கார்த்தியை இயக்கப்போகும் விஷ்ணுவர்தன், அதை நடைமுறைப்படுத்தப்போகிறாராம. ஆனால், உங்களது ஆஸ்தானே நடிகை நயன்தாராவாயிற்றே? என்று அவரிடம் கேட்டபோது, என்னைப்பொறுத்தவரை ஹீரோக்களுக்கு பொருத்தமான ராசியான நடிகைகளைத்தான் இணைக்க நினைப்பேன். அப்படித்தான் பில்லாவில் நடித்தபோத அஜீத்-நயன்தாரா கூட்டணி ஒர்க்அவுட் ஆனதால் ஆரம்பத்திலும் அது தொடர்ந்தேன். அதேபோல் கார்த்தி-தமன்னா நடித்த படங்கள் ஏற்கனவே வெற்றி பெற்றிருப்பதால், அந்த செண்டிமென்ட் தொடர வேண்டும் என்பதற்காக இந்த படத்திலும் அவர்களை இணைக்கிறேன் என்றாராம் விஷ்ணுவர்தன்.

எக்கச்சக்க எதிர்பார்ப்பில் ரஜினியின் கோச்சடையான்!

ஷங்கர் இயக்கத்தில் நடித்த எந்திரன் படத்திற்கு பிறகு ரஜினி நடித்துள்ள அனிமேஷன் படம் கோச்சடையான். உலக அளவில் புகழ்பெற்ற அவதார் பாணியில் மெகா பட்ஜெட்டில் ஹாலிவுட் தொழில் நுட்ப நேர்த்தியுடன் தயாராகியிருக்கும் இப்படத்தை ஏப்ரல் 11-ந்தேதி வெளியிடப்போவதாக ஏற்கனவே அறிவித்து விட்டார்கள்.


அதையடுத்து, படத்தின் வெள்ளோட்டம் காணும் வகையில், சமீபத்தில் கோச்சடையான் ட்ரெய்லரை வெளியிட்டனர். இதனால் ஏப்ரலில் படம் கண்டிப்பாக வெளிவந்து விடும் என்ற நம்பிக்கையில் உள்ளனர் ரஜினி ரசிகர்கள். அதோடு, யு டியூப்பில் வெளியிடப்பட்ட அந்த ட்ரெய்லரை இதுவரை 40 லட்சம் ரசிகர்கள் கண்டுகளித்துள்ளார்களாம்.


இது இதற்கு முன்பு வெளியான விஜய்யின் தலைவா படத்தின் ட்ரெய்லரை பார்த்த ரசிகர்களின் எண்ணிக்கையை விட 20 லட்சம் அதிகமாகும். ஆக, 3 ஆண்டுகளுக்கு பிறகு வெளிவரும் ரஜினி படம் என்பதால் கோச்சடையானுக்கு ரசிகர்கள் மத்தியில் ஏகோபித்த எதிர்பார்ப்பு ஏற்பட்டிருக்கிறது.


இதற்கிடையே கோச்சடையானின் ஆடியோ வெளியீடு எப்போது என்ற எதிர்பார்ப்புகளும் எழுந்துள்ளது. ஆனால், பிப்ரவரி 28-ந்தேதி என்று கூறப்பட்டு வந்த நிலையில், இப்போது மார்ச் மாதத்துக்கு தள்ளி வைத்து விட்டனர். இப்படி கோச்சடையான் விவகாரத்தில் அடிக்கடி தேதி மாற்றம ஏற்படுவது ஒன்றும் புதிய விசயமில்லை என்றாலும், ரிலீஸ் தேதி ஏப்ரல் 11-ந்தேதி என்பதில் எந்த மாற்றமும் இருக்காது என்கிறார்கள்.

சினிமாத்துறை இப்பதான் உருப்படியான வேலை செய்கிறது....?

தமிழ முன்னாள் முதல்வரும், தி.மு.க நிறுவனருமான அண்ணாதுரையின் வாழ்க்கை வரலாற்றை அறிஞர் அண்ணா என்ற பெயரில் திரைப்படமாக உருவாக்க இருக்கிறார்கள்.


திராவிடன் மனமகிழ்வுகள் என்ற புதிய நிறுவனமும், அண்ணா பேரவையும் இணைந்து இதனை தயாரிக்கிறது. வேள் கதிரவன் என்பவர் இயக்குகிறார். இசைக்கினியன் இசை அமைக்கிறார். கண்ணியப்பன் ஒளிப்பதிவு செய்கிறார்.


அண்ணா துரையின் வளர்ப்பு மகன் டாக்டர்.அண்ணா பரிமளம், பேரன் மலர்வண்ணன் பரிமளம் கதை, வசனம் எழுதியுள்ளனர்.


அண்ணாதுரை, எம்.ஜி.ஆர், கருணாநிதி, பெரியார், காமராஜர், ராஜாஜி, மதியழகன், சம்பத் உள்ளிட்ட முக்கிய கேரக்டர்களில் நடிப்பதற்கு அவர்களின் முகச் சாயல் கொண்டவர்களை தேடி வருகிறார்கள்.


அண்ணாதுரை மற்றும் கருணாநிதி கேரக்டரில் நடிப்பவர்கள் மட்டும் முடிவாகி இருக்கிறது. அவர்களை கொண்டு முதல்கட்ட படப்பிடிப்பை ஆரம்பித்திருக்கிறார்கள்.

இயக்குநர் காரசாரம் - நயனுக்காக நான் ஏன்? என் கதையை மாற்றனும்!

நடிகை வித்யா பாலன் இந்தியில் நடித்த படம் கஹானி. இதில் காணாமல் போன கணவனைத் தேடி அலையும் கர்ப்பிணி மனைவியாக நடித்திருந்தார். படம் ஹிட்டானது. வித்யா பாலனுக்கு விருதுகள் குவிந்தது. தற்போது இந்தப் படத்தை தெலுங்கு மற்றும், தமிழில் ரீமேக் செய்து வருகிறார்கள். தெலுங்கில் அனாமிகா என்றும், தமிழில் நீ எங்கே என் அன்பே என்றும் டைட்டில் வைத்திருக்கிறார்கள். தெலுங்கின் முன்னணி இயக்குனர் சேகர் காமுலா படத்தை இயக்குகிறார்.


இதுபற்றி அவர் சென்னையில் நிருபர்களிடம் கூறியதாவது:


நம் சமூகத்தில் ஒரு பெண்ணால் தனியாக எந்த அளவுக்கு போராட முடியும் என்பதை காட்ட நானே ஒரு கதை தயார் செய்து அதனை படமாக்கும் திட்டத்தில் இருந்தபோதுதான் கஹானியை ரீமேக் செய்து தரும்படி தயாரிப்பாளர்கள் என்னிடம் வந்தார்கள். எனக்கு ரீமேக் படங்கள் செய்வதில் விருப்பம் இல்லை. இருந்தாலும் நான் மனதில் நினைத்திருந்த ஒரு விஷயம் தேடி வந்தபோது ஒத்துக் கொண்டேன்.


கணவனைத் தேடி அலையும் ஒரு தனிப்பெண் என்ற கருவை மட்டும் எடுத்துக் கொண்டேன்.


அதுகூட புதிதில்லை, ரோஜா படத்தில் மணிரத்னம் சார் கையாண்ட விஷயம்தான். என்றாலும் அதை புதிய களத்தில் சொல்ல நினைத்தேன். பழைய ஐதராபாத்தில் தசரா பண்டிகை ரொம்ப பேமஸ். லட்சக் கணக்கில் மக்கள் கூடுவார்கள். அந்த பேக்டிராப்பில் கணவனைத் தேடும் மனைவி கதையை படமாக்க முடிவு செய்து அதற்கேற்ப கதையில் மாறுதல் செய்தேன்.


முதலில் கர்ப்பிணி என்கிற கான்செப்டை நீக்கினேன். அதன் மூலம் கிடைக்கும் அனுதாபத்தை விட அந்த பெண்ணின் கோபம்தான் ஜெயிக்க வேண்டும் என்று நினைத்தேன். நயன்தாரா கர்ப்பினியாக நடிக்க மறுத்ததால்தான் கதையை மாற்றினேன் என்று வந்த செய்திகள் தவறானது. அவர் கதை விஷயத்தில் தலையிடவே இல்லை. வித்யாபாலனை விட ஒரு மடங்கு கூடுதலாகவே நடித்துக் கொடுத்தார். கிளாமர் நடிகையாகவும், கமர்ஷியல் ஹீரோயினாகவும் நயன்தாராவை பார்த்த நமக்கு இந்தப் படத்தில் அவரின் இன்னொரு பரிமாணத்தை பார்க்கும் வாய்ப்பு கிடைக்கும் என்றார்.

விஜய்யின் புதிய ஹேர் ஸ்டைல்!

கெட்டப் சேஞ்ச் என்று உடலை வருத்திக்கொள்வது அல்லது ஹேர் ஸ்டைலை மாற்றிக்கொள்வது என சமீபகாலமாக படத்துக்குப்படம் தங்களை வித்தியாசப்படுத்திக்கொள்வதில் ஆர்வம் காட்டுகிறார்கள் முன்னணி ஹீரோக்கள்.


அந்த வகையில், மங்காத்தா தொடங்கி வீரம் வரைக்கும் சால்ட் அண்ட் பெப்பபர் ஹேர் ஸ்டைலில் நடித்தார் அஜீத். அதையடுத்து இப்போது கெளதம்மேனன் இயக்கத்தில் நடிக்கும் படத்திற்காக, தனக்கு சீரியல் கில்லர் வேடம் என்பதால், கெட்டப்பை அதிரடியாக மாற்றுகிறார். அதற்காக தனது ஹேர் ஸ்டைலை இதுவரை இல்லாத அளவுக்கு வித்தியாசப்படுத்திக்கொண்டிருக்கிறார்.


அவரையடுத்து ஏ.ஆர் முருகதாஸ் இயக்கத்தில் நடிக்கும் விஜய்யும் தனது ஹேர் ஸ்டைலை இதுவரை தான் நடிக்காத புதிய பாணிக்கு மாற்றியிருக்கிறார். அப்படத்தில் இரண்டு வேடம் என்பதால், அழகிய தமிழ் மகனைப்போன்று சாதாரணமாக இல்லாமல், தன்னை முற்றிலுமாக வேறுபடுத்திக்காட்ட வேண்டும் என்பதற்காக பாடி லாங்குவேஜ் மட்டுமின்றி, ஹேர் ஸ்டைலை அதிக வித்தியாசப்படுத்திக்காட்டுகிறாராம்.


முன்னதாக, பாலிவுட்டில் இருந்து ஒரு ஹேர் டிரஸ்ஸரை வரவைத்து அவர் கொடுத்த சில டிப்ஸைக்கொண்டு விஜய்யை பக்காவாக மாற்றியிருக்கிறார் முருகதாஸ். தற்போது முதல் கெட்டப்பில் நடித்து வரும் விஜய், அடுத்து இன்னொரு கெட்டப்புக்காகவும் வேறொரு பாணியில் ஹேர் ஸ்டைலை மாற்றி நடிக்கிறாராம்.

எம்.ஜி.ஆருக்கு தெரியாமல் ரகசியமாக நடந்த வாலியின் காதல் திருமணம்!

புகழேணியில் வேகமாக முன்னேறிக் கொண்டிருந்தபோது, வாலி திருமணம் செய்து கொண்டார். இது காதல் திருமணம்; ரகசியத் திருமணமும் கூட!

ஒரு நாள் எம்.ஜி.ஆரை வாலி சந்தித்துப் பேசிக்கொண்டிருந்தபோது, "வாலி! காலா காலத்தில் ஒரு கல்யாணம் செய்து கொள்ளுங்க! நிறைய பணம் சம்பாதிக்கிறபோது, தனி மனிதனா இருந்தா தப்புத் தண்டாவுலே புத்திப்போகும். நீங்க உங்களுக்குப் பிடிச்ச பொண்ணைச் சொல்லுங்க. நான் முன்நின்று உங்க கல்யாணத்தை நடத்தி வைக்கிறேன்...'' என்று எம்.ஜி.ஆர். பாசத்துடன் சொன்னார்.

அப்படியிருந்தும், எம்.ஜி.ஆருக்கே தெரியாமல் வாலியின் ரகசிய திருமணம் நடந்தது.

பிரபல திரைப்பட கவிஞராக உயர்ந்த பிறகும், வாலிக்கு நாடக ஆசை விடவில்லை. "லவ் லெட்டர்'' என்ற நாடகத்தை எழுதினார். ஏவி.எம்.ராஜன், ஜாவர் சீதாராமன், `காக்கா' ராதாகிருஷ்ணன் ஆகியோர் இதில் நடிக்க இருந்தனர்.

நாடக ஒத்திகை, அடிக்கடி வாலியின் வீட்டில் நடந்தது.

இந்த நாடகத்தில் கதாநாயகியாக நடிக்க, திலகம் என்ற பெண்ணை வாலி ஒப்பந்தம் செய்திருந்தார். இவர், வழுவூர் ராமையா பிள்ளையிடம் பரதம் பயின்றவர். நடிகைகள் பத்மினி, ஈ.வி.சரோஜா ஆகியோருடன் சேர்ந்து நடனம் ஆடியவர். எஸ்.வி.சகஸ்ரநாமத்தின் "குயில்'' நாடகத்தில் கதாநாயகியாக நடித்தவர்.

திலகத்தை மணந்து கொள்ள வாலி விரும்பினார். ஆனால் காதல் ஏற்படவில்லை.

இதுபற்றி வாலி எழுதியிருப்பதாவது:-

"நேசித்த பெண்ணை மணந்து கொள்ள வேண்டும் என்று, அல்லும் பகலும் அதே சிந்தனையில் இருந்தேன். அவள் பிடி கொடுத்துப் பேசவில்லை.

இருப்பினும், அவளது சித்திரத்தை அழித்துவிட்டு இன்னொரு சித்திரத்தை எழுதிப் பார்க்க என் மனம் தயாராயில்லை.

அப்படி ஒரு காதல் தவத்தில் நான் ஈடுபட்டிருந்த நாளில்தான், "எங்க வீட்டுப்பிள்ளை'' படத்திற்காக பாடல் எழுத உட்கார்ந்தேன்.

டைரக்டர் சாணக்யா, பாடல் காட்சியை விளக்கினார்.

"கதாநாயகன், தான் விரும்பும் பெண்ணின் உள்ளத்தில் இடம் பெற்று விடவேண்டும் என்று படாதபாடு படுகிறான்'' என்று கூறி, அதற்கேற்ப பாடல் எழுதச் சொன்னார்.

கதாநாயகனின் உள்ளுணர்விலேயே நானும் இருந்ததால், என் உள்ளக்கிடக்கையை அப்படியே பாடலாக்கினேன்.

"குமரிப்பெண்ணின் உள்ளத்திலே குடியிருக்க நான் வரவேண்டும்; குடியிருக்க நான் வருவதென்றால் வாடகை என்ன தரவேண்டும்?'' - இந்தப் பாட்டின் தாக்கத்தால், என் காதலி மனம் கசிந்தாள்; என் காதலுக்கு பச்சைக்கொடி காட்டினாள்.''

இவ்வாறு வாலி கூறியுள்ளார்.

திருமணத்தை எளிய முறையில் நடத்த வாலி விரும்பினார். அதனால், உடன் பிறந்த சகோதர -சகோதரிகளிடமோ, எம்.ஜி.ஆர்., எம்.எஸ்.விஸ்வநாதன் போன்ற மிக மிக நெருங்கிய நண்பர்களிடமோ கூட சொல்லாமல், திருமண பத்திரிகை கூட அச்சிடாமல், கீழத்திருப்பதியில் திருமணத்தை நடத்த முடிவு செய்தார்.

திருமணத்துக்கு மண்டபம் ஏற்பாடு செய்ய, தன் நண்பர் வி.கோபாலகிருஷ்ணனுடன் காரில் புறப்பட்டார், வாலி. கோபாலகிருஷ்ணன்தான் காரை ஓட்டினார்.

அதன்பின் நடந்தது பற்றி வாலி கூறியதாவது:-

"ஒரு குக்கிராமத்தில் கார் நுழையும்போது எதிர்பாராதவிதமாக ஓர் ஐந்து வயதுப் பெண் குழந்தை குறுக்கே ஓடி வந்து, கார் ஹெட்லைட்டில் லேசாக அடிபட்டு, சிறிய காயத்தோடு தப்பியது.

குழந்தையின் தாய் பரபரப்போடு ஓடிவந்து, மகளை அள்ளி மார்போடு அணைத்துக்கொண்டாள். நானும், கோபியும் வண்டியை விட்டு இறங்கி, "குழந்தை எதிர்பாராமல் குறுக்கே ஓடிவந்ததால்தான், இப்படி ஆயிப்போச்சு... இதுல எங்க தவறு எதுவுமில்லை. இருந்தாலும், பெரிய மனசு பண்ணி நீங்க மன்னிக்கணும்'' என்று குழந்தையின் தாயிடம் சொன்னோம். அந்த அம்மையார் அதில் சமாதானமடைந்து, ஊரைக்கூட்டி விவகாரம் செய்யாமல் எங்களை மேற்கொண்டு பயணிக்க அனுமதித்தார்.

"வாலி! இப்படி ஒரு சின்ன ஆக்சிடெண்ட் ஆயிடுச்சே! மெட்ராசுக்கே திரும்பிடலாமா...?'' என்று கோபி என்னிடம் கேட்டார்.

"ஏன்? இதனால் என்ன?'' என்றேன் நான்.

"கல்யாணத்திற்கு இடம் பார்க்கப் போகிறோம், சகுனமே சரியில்லையே'' என்றார் கோபி.

"எனக்கு இதிலெல்லாம் நம்பிக்கையில்லை. இந்தக் கல்யாணத்துல கடவுளுக்கு இஷ்டமில்லைன்னாதான் நடக்காது. மத்தப்படி, இது மாதிரி விஷயங்களுக்கு நாம் முக்கியத்துவம் கொடுக்கத் தேவையில்லை'' என்றேன் நான்.

கோபி, மவுனமாகக் காரை ஓட்டிக்கொண்டு வந்தார். திடீரென்று வயல் வெளியில் மேய்ந்து கொண்டிருந்த மாடு ஒன்று, வாலை நிமிர்த்தி சிலிர்த்துக்கொண்டு பாதையின் குறுக்கே ஓடிவந்தது.

அதன் மீது கார் மோதாமலிருக்க கோபி பிரேக்கின் பெடலை அமுக்க, எதிர்பாராமல் வண்டி நிலை குலைந்து பாதையை விட்டு வயக்காட்டில் இறங்கி ஒரு குலுக்கலோடு நின்றது. எனக்கும் கோபிக்கும் உச்சந்தலையிலும், முன் நெற்றியிலும் லேசான சிராய்ப்புகள்.

"சகுனம் சரியில்லை... வாங்க, வாலி! ஒழுங்கா நாம் மெட்ராசுக்கே திரும்பிடலாம்'' என்றார், கோபி.

வயக்காட்டில் வேலை செய்து கொண்டிருந்தவர்கள் துணையோடு, எங்கள் கார், பள்ளத்திலிருந்து பாதைக்குக் கொண்டு வரப்பட்டது.

"இப்போதைக்கு உங்க கல்யாணத்தைத் தள்ளிப்போட்டுடுங்க. ஒண்ணு ஒண்ணா தடங்கல் வந்துக்கிட்டேயிருக்கு'' என்றார் கோபி. நான் அதற்கு உடன்படவில்லை.

"கோபி! எண்ணித் துணிஞ்சாச்சு... துணிஞ்சப்புறம் எண்றதே இழுக்கு... கல்யாணம் ஏப்ரல் 7-ந்தேதி, திருச்சானூர் கோவில் சத்திரத்தில் நடந்தே தீரணும்... என் முடிவை நான் மாத்திக்கறதா இல்லை... நீங்க வராட்டி, நான் நடந்தே திருப்பதி போயிடுவேன்'' என்று சொன்னதும் கோபி சிரித்து விட்டுப் பேசினார்.

"ஏப்ரல் 7-ந்தேதி சத்திரம் கிடைக்கல்லேன்னா...?''

"அப்ப, இந்தக் கல்யாணத்தைத் தள்ளிப்போடக் கடவுள் விரும்புறார்னு நினைப்பேன்.''

என் உறுதியைப் பாராட்டி கோபி, திருப்பதியை நோக்கிக் காரைச் செலுத்தினார்.

கோபி, சொன்னது ஒரு விஷயத்தில் உண்மைதான். கீழத்திருப்பதி, திருச்சானூர் கோவில் கல்யாண மண்டபம் அவ்வளவு சுலபமாகக் கிடைக்கக்கூடிய இடமில்லை. ஏனெனில் ஏகப்பட்ட முகூர்த்தங்களுக்கான மாதம் அது. மூன்று மாதங்களுக்கு முன்னதாகவே பலர் ரிசர்வேஷன் செய்திருக்க நிறைய வாய்ப்பு உண்டு.

திருப்பதி தேவஸ்தான பேஷ்கார், கோபிக்கு மிக நெருங்கிய நண்பர். கீழத்திருப்பதியில் குடியிருந்த அவர் வீட்டுக்குப்போய்ச் சேர்ந்து விவரத்தைச் சொன்னோம்.

"ஏப்ரல் 7-க்கு இன்னும் ஒரு வாரமே இருக்கிறது... இப்போது கேட்டால் எப்படி? கண்டிப்பாகக் கல்யாண மண்டபம் ஏற்கனவே பதிவு செய்யப்பட்டதாக இருக்கும்...'' என்று சொன்னார் கோவில் பேஷ்கார்.

"டெலிபோன் செஞ்சு கேட்டுப் பாருங்களேன்'' என்று பேஷ்காரிடம் என்பொருட்டு வேண்டினார், கோபி.

திருச்சானூர் கோவில் நிர்வாக அதிகாரியோடு போனில் பேசிவிட்டு பேஷ்கார் சொன்னார்:

"எல்லா முகூர்த்த நாட்களும் இன்னும் 3 மாதத்திற்கு `புக்' ஆகிவிட்டது. ஆனால் ஏப்ரல் 7-ந்தேதி காலியாயிருக்கு...''

உடனே நான் கோபியிடம், "இதுதான் கடவுள் திருவுள்ளம் என்பது!'' என்றேன்.

1965 ஏப்ரல் 7-ந்தேதி என் திருமணம் திருச்சானூரில் நடந்தது. மா.லட்சுமணன், "புலித்தேவன்'' பட இயக்குனர் ஏ.ராஜாராம், கோபி இவர்கள் முன்னிலையில் என் மனைவி திலகத்தின் நெற்றியில் நான் திலகம் இட்டேன்.

திருமண மண்டபத்தைத் தேர்வு செய்யப்போகும் போதே இவ்வளவு தடங்கல்கள் ஏற்படின் என்னைத்தவிர வேறு எவரேனும் இதுபோல் விடாப்பிடியாக நின்று, விவாகத்தை முடித்திருப்பார்களா என்பது சுலபமாக விடையிறுக்க முடியாத வினாவாகும்.

நான் ஆண்டவனிடத்தில் நம்பிக்கையுடையவன்.

சகுனங்களிலும், ஜாதகங்களிலும் நம்பிக்கையுடையோரை நையாண்டி செய்வது நாகரிகமற்ற செய்கை என்பதில் உறுதியாக நிற்பவன். எந்த சகுனமும், எந்த ஜாதகமும் பார்க்காமல் திருமணம் செய்து கொண்ட என் குடும்ப வாழ்க்கை, எந்த சஞ்சலமும், சங்கடமுமில்லாமல் நல்லபடியாகத்தான் நாயகன் அருளால் நடந்து கொண்டிருக்கிறது.''

இவ்வாறு வாலி குறிப்பிட்டுள்ளார்.

தன் திருமணம் பற்றி யாருக்கும் வாலி தகவல் தெரிவிக்கவில்லை என்றாலும், மறுநாள் பத்திரிகைகளில் "வாலி ரகசிய திருமணம்'' என்று செய்தி வெளியாகிவிட்டது.

அதைப் பார்த்துதான், எம்.ஜி.ஆர்., எம்.எஸ்.வி. ஆகியோருக்கு வாலியின் திருமண தகவலே தெரிந்தது.

இதனால் அவர்கள் வாலியிடம் கோபித்துக்கொண்டாலும், வாலி பெரும்பாடுபட்டு அவர்களை சமாதானப்படுத்தி, வாழ்த்து பெற்றார்.