ஒரு வார்த்தை பேச ஒரு வருஷம் காத்திருங்க!

நான்கு படங்கள் நடித்ததும் நார்த்திலிருந்து வரும் நடிகைகளுக்கு வரும் ஆசை, சொந்தக் குரலில் டப்பிங் பேச வேண்டும்.


 பெரும்பாலும் இந்த ஆசை அவர்கள் சினிமாவிலிருந்து ரிட்டையர்ட் ஆகும்வரை கதிமோட்சம் கிடைக்காமல் இங்கேயே சுற்றிக் கொண்டிருக்கும். ஹன்சிகாவையும் தற்போது அந்த ஆசை பீடித்துள்ளது.


தோல்வி படத்தின் மூலம் தமிழில் அறிமுகமான ஹன்சிகா இப்போது சக்சஸ்ஃபுல் ஹீரோயின். தமிழும், தெலுங்குமாக பத்து படகள் கைவசம் உள்ளது. ஆனால் இதுவரை சொந்தக்குரலில் இவர் டப்பிங் பேசியதில்லை.


இந்த வருடம் போகட்டும். அடுத்த வருடத்திலிருந்து சொந்தக் குரலில் டப்பிங் பேசுவேன் என சபதம் செய்துள்ளார். அதற்காக தமிழில் பயிற்சி எடுத்து வருகிறாராம்.


அழகான சில நடிகைகளுக்கு குரல் மட்டும் தகரத்தில் செய்ததாக இருக்கும். ஆனால் ஹன்சிகாவுக்கு ஆளைப்போலவே விஸ்கியில் முக்கிய ஹஸ்கி வாய்ஸ்.


ஒரு வருஷம் ஆகட்டுமே... கேட்க காத்திருக்கோம்.

கமல்ஹாசனால் கணவருடன் சேர்ந்தேன்!

கமல்ஹாசனும், கவுதமியும் உதவியதால் கணவருடன் மீண்டும் சேர்ந்தேன் என லிஸி தெரிவித்துள்ளார்.


தொழிலில் ஏற்பட்டப் பிரச்சனை மனவருத்தமாகி மணமுறிவுவரைச் சென்று கடைசி நிமிடத்தில் லிஸியும், ப்ரியதர்ஷனும் தங்களின் தாம்பத்தியத்தை காத்துக் கொண்டனர்.


 இந்த சமாதான உடன்படிக்கைக்கு பின்னால் இருந்தவர்கள் கமலும், கவுதமியும்.


அவர்கள்தான் பேசி இருவரையும் இணைய வைத்துள்ளார்கள். அதேபோல் ப்ரியதர்ஷனின் நெருங்கிய நண்பர் மோகன்லாலும், அவரது மனைவியும் லிஸியும், ப்ரியதர்ஷனும் இணைய பலமுறை இருவரிடமும் பேசியுள்ளனர்.


மனம்விட்டு பேசாததே தங்களின் கருத்து வேறுபாட்டுக்கு காரணம் என்று தெரிவித்திருக்கும் லிஸி, தங்களை சேர்த்து வைத்தவர்களுக்கு நன்றி தெரிவித்துள்ளார்.

அவரும் வந்திட்டார் நடிப்பதற்கு...!

இந்தியாவின் முன்னாள் கிரிக்கெட் வீரர் வெங்கடேஷ் பிரசாத்தையும் சினிமா விடவில்லை. கிரிக்கெட் குறித்து தெலுங்கில் தயாராகும் படத்தில் வெங்கடேஷ் பிரசாத் நடிக்கிறார்.


இந்தியாவில் சினிமா நட்சத்திரங்களுக்குரிய பிரபலத்துடன் இருப்பவர்கள் கிரிக்கெட் வீரர்கள். அங்கேயும் வீராங்கனைகளுக்கு மதிப்பில்லை. கிரிக்கெட்டில் ரிட்டையர்ட் ஆனதும் சினிமா வாய்ப்புகள் இவர்களை தேடி வரும். அப்படிதான் வெங்கடேஷ் பிரசாத்துக்கும்.


தெலுங்கில் எஸ்.மோகன் இயக்கும் Sachin...Tendulkar Kadu என்ற படத்தில் இவர் கிரிக்கெட் கோச்சாக நடிக்கிறார். சிறுவன் ஒருவன் டெண்டுல்கரால் இன்ஸ்பயர் ஆகி கிரிக்கெட் வீரராவதுதான் கதை. அவனின் கோச்சாக வெங்கடேஷ் பிரசாத் வருகிறார். சிறுவனின் தாயாக சுகாசினி. ஏற்கனவே படப்பிடிப்பு தொடங்கிவிட்டது.


ஏழு வருடகாலம் இந்திய கிரிக்கெட் அணிக்காக வெங்கடேஷ் பிரசாத் விளையாடினார். அதில் 33 டெஸ்ட் போட்டிகளும், 161 ஒருநாள் போட்டிகளும் அடக்கம்.

மான் கராத்தே பாடல்கள் வெளியீட்டு தேதி அறிவிப்பு!

சிவ கார்த்திகேயன், ஹன்சிகா நடித்திருக்கும் மான் கராத்தே படத்தின் பாடல்கள் வெளியீட்டு தேதியை அறிவித்துள்ளனர்.


வருத்தப்படாத வாலிபர் சங்கம் வெற்றிக்குப் பிறகு சிவ கார்த்திகேயன் நடித்திருக்கும் படம் மான் கராத்தே. இந்தப் படத்தில் ஹன்சிகா நடிக்க ஒப்புக் கொண்டதை பலரும் வியப்புடன் பேசினர்.


குறுகிய காலத்தில் முன்னணி நடிகை ஒருவருடன் சிவ கார்த்திகேயன் இணைந்து நடிக்கிறார் என்பதால் வந்த வியப்பு.


முருகதாஸின் முன்னாள் உதவி இயக்குனர் திருக்குமரன் இந்தப் படத்தின் மூலம் இயக்குனராக அறிமுகமாகிறார். படத்தின் கதை, திரைக்கதை முருகதாஸ். எஸ்கேப் ஆர்ட்டிஸ் மதன் தயாரிப்பு. இசை அனிருத். ஒரு பாடலை ஸ்ருதி பாடியுள்ளார்.


படத்தின் புரமோஷனை பிரமாதமாக நடத்த திட்டமிட்டுள்ளனர்.


மார்ச் மாதம் படம் வெளிவருகிறது. முன்னதாக மார்ச் 1 ஆம் தேதி படத்தின் பாடல்களை சத்யம் சினிமாஸில் வெளியிடுகின்றனர்.

நீதியரசர் வேடத்தில் மனுஷ்ய புத்திரன்!

கவிஞர் மனுஷ்ய புத்திரன் சிவப்பு படத்தில் முதல்முறையாக நடிகராக அறிமுகமாகிறார். சிறுபத்திரிகைகளில் தனது கவிதைகளால் அறியப்பட்டவர் மனுஷ்ய புத்திரன்.


காலச்சுவடு இதழில் பணிபுரிந்த போது பரவலாக கவனிக்கப்பட்டார். உயிர்மை பதிப்பகமும், மாத இதழும் அவரை பிரபலப்படுத்தியது. இன்று எந்த செய்திச் சேனலை திறந்தாலும் தனது கருத்துகளுடன் சேனல் முழுவதும் மனுஷ்ய புத்திரன் வியாபித்துள்ளார். அவர் கருத்து தெரிவிக்காத பிரச்சனைகள், சம்பவங்கள் இந்தியாவில் இல்லை.


உன்னைப்போல் ஒருவன் படத்தில் மனுஷ்ய புத்திரனை கமல் பாடலாசிரியராக அறிமுகம் செய்தார். சிவப்பு படத்தில் இயக்குனர் சத்யசிவா நடிகராக்கியுள்ளார்.


ஈழத்தமிழர் பிரச்சனையை தொட்டுச் செல்லும் இந்தப் படத்தில் மனுஷ்ய புத்திரன் நீதிபதியாக நடித்துள்ளார். சினிமாவில் தானொரு சிறந்த நடிகர் என்பதை மனுஷ்ய புத்திரனுக்கு வாழ்த்துகள்.

ராம்கி மீண்டும் கதாநாயகனாகும் தடா!

தடா சட்டத்தின் பெயரிலேயே ஒரு படம். பிரியாணியில் நடித்த ராம்கிக்கு வாழ்வுதரும் படம். அவர்தான் படத்தின் ஹீரோ.


ராம்கி ஹீரோ என்றால் அந்தப் படத்தை இயக்குகிறவர் ஒரு பழைய ஆளாகதான் இருப்பார். உங்கள் யூகம் சரிதான். பூந்தோட்ட காவல்காரன் உள்ளிட்ட படங்களை இயக்கிய செந்தில்நாதன்தான் படத்தின் இணை தயாரிப்பு மற்றும் இயக்கம்.


சிறையில் தண்டனை கைதியாக இருக்கும் ஒருவன் திட்டம் போட்டு பல கொலை, கொள்ளைகள் செய்கிறான். அவனது திட்டத்தை வெளியிலிருந்து நிறைவேற்றுவது வேறொருவன். சிறை அதிகாரியாக இருக்கும் ராம்கி சந்தேகத்தில் ரகசிய விசாரணை மேற்கொள்ளும் போது பல திடுக்கிடும் விஷயங்கள் தெரிய வருகின்றன.


முழுநீள ஆக்சன் படமாக உருவாகும் இதில் தம்பி ராமையா, ரமேஷ் கண்ணா, சந்தானபாரதி, வாகை சந்திரசேகர், ஆர்.சுந்தர்ராஜன் உள்ளிட்டவர்களும் நடிக்கிறார்கள். வைரமுத்து பாடல்கள் எழுதுகிறார்.


படம் செம அடிதடியாக இருக்கும் என்கிறார் செந்தில்நாதன்

தலைவலிக்கு சிறந்த மருந்து தண்ணீர்தான்;ஆய்வில் தகவல்!

தலைவலி மற்றும் ஒற்றைத் தலைவலியால் சிலர் அவதிப்பட்டு வருகின்றனர். அதற்கு மருந்து மாத்திரைகள் சாப்பிட்டும் நிரந்தர தீர்வு கிடைக்காமல் கஷ்டப்படுகின்றனர்.


இவற்றில் இருந்து விடுபட தினமும் அதிக அளவில் தண்ணீர் குடிப்பதுதான் சிறந்த மருந்து என நிபுணர்கள் தெரிவித்துள்ளனர். நெதர்லாந்தில் உள்ள மாஸ்டிரிச்ட் பல்கலைக் கழகத்தை சேர்ந்த நிபுணர்கள் தலைவலி பிரச்சினையால் அவதிப்படும் 100 பேரிடம் ஆய்வு மேற்கொண்டனர்.


அப்போது அவர்களுக்கு சில அறிவுரைகளை கூறினர். தலைவலி மற்றும் ஒற்றைத்தலைவலியால் அவதிப்படுபவர்கள் தங்களது மன அழுத்தத்தை குறைத்து கொள்ள வேண்டும். நீண்ட நேரம் நன்றாக தூங்க வேண்டும். காபி குடிப்பதை பாதி அளவாக குறைக்க வேண்டும் என தெரிவித்தனர்.


இவை அனைத்தையும்விட தினமும் அதிக அளவு தண்ணீர் குடிக்க வேண்டும். வழக்கமாக எடுத்துக் கொள்வதை விட 1 1/2 லிட்டர் தண்ணீரை கூடுதலாக குடிக்க வேண்டும். இதை 3 மாதங்கள் தொடர்ந்து கடைபிடிக்க வேண்டும் என்றனர்.


இவற்றை பின்பற்றிய நோயாளிகளுக்கு தலைவலி குணமாகியது. அதன் மூலம் தலைவலியால் அவதிப்படுபவர்களுக்கு அதிக அளவு தண்ணீர் குடிப்பதே சிறந்த மருந்து என நிபுணர்கள் அறிவுறுத்துகின்றனர்.

முதுகுவலிக்கு முற்றுப்புள்ளி வையுங்கள்!

சிறியவர்கள் முதல் பெரியவர்கள் வரை முதுகுவலியைப் பற்றி கூறாதவர்களே இல்லை. ஏனெனில் அனைவரையும் வாட்டி வதைக்கிறது இந்த முதுகுவலி. நீண்டநேரம் சேரில் உட்கார்ந்து கொண்டே வேலை பார்ப்பவர்களுக்கும், சரியான உடற்பயிற்சி இல்லாவர்களுக்கும் முதுகுவலி பிரச்சினை வரும் வாய்ப்புள்ளது. மன அழுத்தம் இருந்தாலும் முதுகுவலி வரும் என்று கூறும் நிபுணர்கள் சூரியவெளிச்சம் படாமல் ஏ.சி ரூமிலேயே குடித்தனம் நடத்துபவர்களுக்கு முதுகுவலி வரும் என்கின்றனர்.

அலுவலகத்திற்கு மோட்டர் பைக், கார் போன்ற வாகனங்களில் பெரும்பாலோனோர் சென்று வருகின்றனர். நீண்ட தூரம் இரு சக்கர வாகனத்தில் பயணம் செய்பவர்களுக்கு முதுகுவலி வர வாய்ப்புள்ளது. எனவே அவர்கள் காலையிலோ, மாலையிலோ சரியான அளவில் உடற்பயிற்சி செய்யவேண்டும்

மசாஜ் செய்வதன் மூலம் முதுகுவலியை குறைக்க முடியும் என்று கூறும் நிபுணர்கள். வெள்ளைப் பூண்டு எண்ணெயை வைத்து முதுகுப்புறங்களில் மசாஜ் செய்யலாம் என்கின்றனர். ஒரு டம்ளர் வெதுவெதுப்பான நீரில் ஒரு ஸ்பூன் தேனை ஊற்றி குடிப்பதன் மூலம் முதுகுவலிக்கு நிவாரணம் கிடைக்கும் என்கின்றனர்.

வைட்டமின் ‘டி சத்து குறைவாக இருந்தால் கண்டிப்பாக முதுகுவலி வரும் வாய்ப்புள்ளது. ஒரு மனிதனுக்கு சுமார் 1000 யூனிட் முதல் சுமார் 2 ஆயிரம் யூனிட் வரை ஒரு நாளைக்கு வைட்டமின் `டி' தேவை என்று வல்லுனர்கள் கூறுகிறார்கள். நமது உடலிலுள்ள பற்களும், எலும்புகளும் உறுதியாக இருக்க வைட்டமின் `டி' முக்கியத் தேவை.

முதுகுவலியில் இருந்து பாதுகாத்துக் கொள்ள வைட்டமின் டி சத்துள்ள உணவுகளை உட்கொள்ளவேண்டும். பால், மீன் எண்ணெய், முட்டை, ஈரல், இறைச்சி, கொழுப்பு, தானியங்கள் ஆகியவற்றில் இயற்கையாகவே வைட்டமின் `டி' சத்து குறைவான அளவில் உள்ளது. நாம் அன்றாடம் சாப்பிடும் சில உணவுப் பொருட்களில் வைட்டமின் `டி' சேர்க்கப்படுகிறது. கீரைகள், ராகி போன்றவைகளை அன்றாட உணவில் சேர்த்துக்கொள்ளலாம் இதனால் உடலுக்குத் தேவையான வைட்டமின் ‘டி' சத்து கிடைக்கும்.

வைட்டமின் `டி' இயற்கையாகக் கிடைக்க மிகச்சிறந்த வழி `சூரியஒளி' மட்டுமே. உயிரினங்களுக்கும், தாவரங்களுக்கும் மூலாதாரமே சூரிய ஒளிதான். இயற்கையான, மிக சக்தி வாய்ந்த, மிகவும் பயனுள்ள சூரிய ஒளி நம் உடலின் மீது படுவதே வைட்டமின் `டி' சத்து நமது உடலுக்கு கிடைப்பதற்காகவே!. எனவே உடலில் குறிப்பிட்ட அளவு சூரிய வெளிச்சம் படாமல் வாழ்பவர்கள் முதுகுவலியினால் அவஸ்தைப் படவேண்டியதுதான் என்கின்றனர் நிபுணர்கள்.

இன்றைக்கு வெளிநாடுகளில் இருந்து இலங்கைக்கு  வரும் சுற்றுலா பயணிகள் சூரியவெளிச்சம் உடலில் படவேண்டும் என்பதற்காகவே அதிக தூரம் நடந்தே பயணம் செய்வார்கள். கடற்கரையில் சூரியக்குளியல் நடத்துவார்கள். ஆனால் நம் ஊரில் எளிதாக மிக மலிவாக காசு செலவில்லாமல் கிடைக்கும் சூரிய வெளிச்சத்தை நாம் கண்டுகொள்வதில்லை. இதனால்தான் பல்வேறு நோய் தாக்குதலுக்கு ஆளாகவேண்டியிருக்கிறது என்கின்றனர் நிபுணர்கள்.

பாடாய் படுத்தும் முதுகுவலியில் இருந்து தப்பிக்க காலை, மற்றும் மாலை நேரத்தில் இதமான சூரிய வெளிச்சம் படுமாறு வாக்கிங், ஜாக்கிங் செல்வதன் மூலம் இந்த குறைபாட்டினை நிவர்த்தி செய்யமுடியும் என்பது நிபுணர்களின் ஆலோசனையாகும்.

சிவகார்த்திகேயன் படங்களில் தொடரும் சென்டிமென்ட்!

அனைத்து தரப்பு மக்களையும் கவர்ந்த வருத்தப்படாத வாலிபர் சங்கம் பெரும் வெற்றி பெற்றது.


 இது போன்ற வெற்றி தொடர வேண்டும் என்று அவரை வைத்து படம் தயாரிப்பவர்கள் விரும்பினர்.


. அதன்படி வருத்தப்படாத வாலிபர் சங்கம் படத்தில் சிவகார்த்திகேயனே ஒரு பாடல் பாடினார்.


 அதே போல் இனிமேல் எல்லா படத்திலும் பாடினால படம் பெரிய வெற்றி பெரும் என்று நம்புகிறார்களாம்.


 இதன் விளைவாக  சிவகார்த்திகேயன் தற்போது நடித்துக் கொண்டிருக்கும் மான் கராத்தே படத்தில் ஒரு பாடலை பாடவுள்ளதாக தகவல்கள் தெரிவிக்கின்றன.

ஏ.ஆர்.ரகுமான் மலேசியா வருகை : தமிழர்கள் வருத்தம்?

கடந்த சில தினங்களுக்கு முன் இசைபுயல் ஏ.ஆர்.ரஹ்மான் மலேசியாவுக்கு சென்றார்.   வருகிற ஏப்ரல் மாதம் ஸ்டேடியர் நெகராவில் இந்த இசை நிகழ்ச்சி நடைபெற உள்ளதாகவும் அதற்காக அவர் சென்றதாகவும் கூறப்படுகிறது.,

அப்போது தனது ஏப்ரல் மாத இசை நிகழ்ச்சி குறித்து செய்தியாளர்களிடம் பேச விரும்பினாராம். ஏ.ஆர்.ரஹ்மான் செய்தியாளர் சந்திப்பு என்பதால்  அங்கிருக்கும் எல்லா மொழி பத்திரிகையாளர்களும் குவிந்துவிட்டார்களாம்.

எல்லா மொழீ செய்தியாளர்களுடன் பேச வேண்டும். என்கிற ஆசை அவருக்கு இருந்தாலும், நிகழ்ச்சி ஏற்பாட்டாளர்களின் சொதப்பலால் அவரால் தமிழ் பத்திரிகையாளர்களை சந்திக்க முடியவில்லை என்று கூறப்படுகிறது.

இதனால் பெரும் அதிருப்திக்குள்ளான தமிழ் பத்திரிகையாளர்கள் ஒரு தமிழரான ரஹ்மான் தமிழ் பத்திரிகைகளுக்கு பதில் சொல்லாமல் மற்ற மொழி ஊடகங்களுக்கு மட்டும் முக்கியத்துவம் அளித்தது துரதிருஷ்டவசமானது என்று கவலையுடன் முணுமுணுத்தார்களாம். ஒரு சில தமிழ் ஊடகங்கள் இந்த புறக்கணிப்பை செய்தியாகவே வெளியிட்டிருப்பதாக தகவல்கள் தெரிவக்கின்றன.

ஆஸ்கர் விருதை கைகளில் வாங்கிக் கொண்டு தமிழில் பேசியவர் ஏ. ஆர். ரஹ்மான். உலக அரங்கில் தமிழ் மொழிக்கு அவர் தந்த மரியாதைதான் அது. இந்த நிலையில் நிகழச்சி ஏற்பட்டாளர்களின் சொதப்பல்களால் தமிழ பத்திரிகைகள் புறக்கணிக்கப்பட்டிருக்கலாம் என்பது மட்டும் உண்மை.

உலகை கலக்க வருகிறது ‘கேப்டன் அமெரிக்கா’..!

கேப்டன் அமெரிக்கா-தி விண்டர் சோல்ஜர் இந்த வருடத்தின் மிக பெரிய அதிரடி படம், தமிழ் தவிர ஹிந்தி, தெலுங்கு ஆகிய மற்ற பிராந்திய மொழிகளிலும் ‘எதற்கும் அஞ்சாதவன்’ என்ற பெயரில் கோடை விடுமுறையையொட்டி ஏப்ரல் 4-ஆம் தேதி அமெரிக்காவில் வெளியாகும் அதே நாளில் இங்கே தமிழகத்திலும் வெளியாகிறது.


நியூயார்க் நகரில் நடக்கும் பேரழிவுக்கு பிற ஸ்டீவ் ரோகேர்ஸ் அமைதியான முறையில் வாஷிங்டன் நகரில் வசித்து வந்து நவீன உலகிற்கு பழகி வருகிறார். தன்னுடைய சகாவுக்கு ஒரு ஆபத்து ஏற்படும்போது, அவரை காக்க ஸ்டீவ் முற்படும் போது, பிரபஞ்சத்துக்கு ஏற்பட இருக்கும் ஒரு பேரழிவு ஆபத்தை எதிர்நோக்குகிறார்.


தனக்கு எதிரான சதிகளை முறியடித்து, தன்னை ஒடுக்க வரும் ஆதிக்க சக்திகளை எதிர்க்க ப்ளாக் விடோ மற்றும் பால்கன் உடன் இணைந்து போராடும்போது தான் அறிகிறார், அவர் இப்போது போராட போவது – தி விண்டர் சோல்டர் என்ற மாபெரும் மகா அழிவு சக்தி உடைய எதிரி என்பதை.


உலக பிரசித்தி பெற்ற மார்வெல் காமிக்ஸ் புத்தகத்தின் தொடரான காப்டன் அமெரிக்காவின் முதல் பதிப்பு 1941-ஆம் வெளியிடப்பட்டது. அந்த தொடரின் பிரதிபலிப்பாக உலகமெங்கும் தற்போது திரை வடிவத்தில் வர இருக்கும் இந்த திரைப்படம் பல்வேறு வசூல் சாதனைகளை முறியடிக்கக்கூடும் என எதிர்பார்க்கப்படுகிறது.

கௌதம் மேனன் படத்தில் பிருத்திவிராஜ்!

கௌதம் மேனன் படத்தில் பிருத்திவிராஜ் நடிக்கவிருக்கிறார்.

‘மொழி’, ‘அபியும் நானும்’ போன்ற வெற்றி படங்களை இயக்கிய ராதா மோகன் விரைவில் புதிய படம் ஒன்றை இயக்குகிறார்.


இந்தப் படத்தில் ஏற்கெனவெ ராதா மோகன் இயக்கத்தில் நடித்திருக்கும் பிருத்திவிராஜ் நாயகனாக நடிக்கிறார். அவருக்கு ஜோடியாக கீர்த்தி சுரேஷ் நடிக்கிறார்.


மோகன்லாலுடன் ‘கீதாஞ்சலி’ என்ற மலையாள படத்தில் நடித்தவர் கீர்த்தி சுரேஷ் என்பது குறிப்பிடத்தக்கது. ராதா மோகன் இயக்கும் முதல் மலையாள படம் இது. படப்பிடிப்பு அடுத்த மாதம் ஆரம்பமாகிறது.


இன்னும் பெயரிடப்படாத இந்தப் படத்தை மலையாளத்தில் கௌதம் மேனன் தயாரிக்கிறார். சிம்பு மற்றும் அஜித் நடிக்கும் படங்களின் வேலைகளில் கௌதம் மேனன் பிசியாக இருந்தாலும் தனது சொந்தத் தயாரிப்பிலும் கவனம் செலுத்தி வருகிறார்.

சத்துப்பட்டியல்: பாலாடைக் கட்டி…!

‘சீஸ்’ என அழைக்கப்படும் பாலாடைக் கட்டி நமது உணவுப் பொருட்களின் பட்டியலில் நீங்காத இடம் பிடிப்பவை. உணவுக்கு images (26)மணமும், சுவையும் தரும் சீஸ், உடலுக்கு அத்தியாவசியமான பல சத்துக்களையும் தன்னகத்தே கொண்டுள்ளன. அதன் சத்துகளை பார்க்கலாம்…

* பாலில் இருந்து தயாரிக்கப்படும் சுவையான உணவுப் பொருளில் சீஸ் எனப்படும் பாலாடைக் கட்டியும் ஒன்று. உலகம் முழுவதும் சீஸ் பயன்படுத்தப்படுகிறது. பசு, எருமை, ஆடு, ஒட்டகம் ஆகியவற்றின் பாலில் இருந்து சீஸ் தயாரிக்கப்படுகிறது.

* சீஸ், உடலில் உள்ள சத்துப் பொருட்களை சம நிலைப்படுத்த உதவுகிறது. இதில் உடலை செரிவூட்டும் சத்துப்பொருட்களான புரதம், வைட்டமின் மற்றும் கார்போ-ஹைட்ரேட் போன்றவை நிறைந்துள்ளன.

* தாதுப் பொருட்கள் அதிக அளவில் காணப்படுவதால் ரத்த சோகை, உடல் சோர்வு, இருமல் போன்றவற்றுக்கு சிறந்த மருந்துப் பொருளாக செயல்படுகிறது.

* சீஸில் எலும்புகளை வலுப்பெறச் செய்யும் கால்சியம் பொருட்கள் நிறைந்துள்ளன. 100 கிராம் பாலாடைக் கட்டியில் 28.5 கிராம் அளவிற்கு கால்சியம் உள்ளது. இவை உடலில் உள்ள எலும்புகளை வலிமை பெறச் செய்வதுடன், ‘ஆஸ்டியோபோராசிஸ்’ என்ற எலும்பு அரிப்பு நோய் வராமல் தடுக்கிறது.

* கால்சியம் சத்துக்களை தினசரி உணவில் குறிப்பிட்ட அளவில் சேர்த்துக் கொள்வது கர்ப்பிணிப் பெண்கள் மற்றும் இளம் பெண்களுக்கு நன்மை பயக்கும். புற்றுநோய்களுக்கு எதிர்ப்புத் தன்மை வழங்கும். பற்களின் உறுதிக்கும் கால்சியம் அவசியம்.

* ‘வைட்டமின்-பி’ சத்து பாலாடைக் கட்டியில் குறிப்பிட்ட அளவில் காணப்படுகின்றன. இவை உடற்செல்களின் வளர்ச்சியில் பெரிதும் பயன்படுகின்றன. சருமத்தை மென்மையாகவும், பொலிவாகவும் வைத்துக் கொள்ள உதவுகின்றன.

* பாலாடைக் கட்டியில் 50 சதவீதத்திற்கு மேல் கொழுப்பு பொருட்கள் இருப்பதால் மெலிந்தவர்களுக்கு உடல் எடை அதிகரிக்கும். கொழுப்பு மிகுதியாக இருப்பதால் இது நன்மை தருமா, தீமை தருமா? என்ற இருவேறு கருத்துகளுக்கு வழி வகுக்கிறது. இருந்தாலும் அளவுடன் சேர்ப்பது எப்போதும் நலம

* டிரிப்டோபான்’ எனப்படும் அமினோ அமிலங்கள் பாலாடைக் கட்டியில் காணப்படுகிறது. இவை தூக்கமின்மையை போக்குவதுடன், உடல் வலியையும் நீக்கும்.

* பார்வைத் திறனை பேணும் ரெட்டினா செல்களின் செயல்பாட்டை தூண்டும் ஆற்றல் பாலாடைக் கட்டிக்கு உண்டு.

* செரிமானத்தை தூண்டும் சத்துப் பொருட்கள் இதில் காணப்படுவதால் சீஸ் சிறந்த செரிமான காரணியாக விளங்குகிறது.

குழந்தைகள் அழுவதற்கான ஏழு காரணங்களும், அவர்களை அமைதிப்படுத்துவதற்கான வழிகளும்.!

குழந்தைகள் ஏன் அழுகின்றன?

புதிதாய்ப் பிறந்த ஒரு நல்ல ஆரோக்கியமான குழந்தை கூட நாள் ஒன்றிற்கு 1 முதல் 3 மணி நேரம் வரை அழும். முதல் முறையாக தாயாகவோ தந்தையாகவோ ஆகியிருக்கும் உங்களுக்கு குழந்தை எதற்காக அழுகிறது என்பதை புரிந்துகொள்ள கடினமாக இருக்கும். பசியா, ஜலதோஷமா, தாகமா அல்லது தூக்கி வைத்துக்கொள்ள வேண்டும் என்பதற்காகவா, எதற்காக அழுகிறது குழந்தை? குழந்தைகள் அழுவதற்கான பொதுவான காரணங்கள் என்ன, அவர்களை அமைதிபடுத்துவது எப்படி என்பதைப் பற்றிய பட்டியல் கீழே கொடுக்கப்பட்டுள்ளது. உங்கள் குழந்தையை மேலும் மேலும் நன்கு புரிந்துகொள்ளும் போது அதன் அழுகையின் தன்மையை வைத்து குழந்தைக்கு என்ன தேவை என்பதை நீங்கள் அறிந்து கொள்ளலாம்.

எனக்கு உணவு தேவை

குழந்தை அழுவதற்கான பொதுவான காரணம் பசி தான். குழந்தையின் வயிறு சிறியதாகையால் அதனால் அதிகம் சாப்பிட முடியாது. குழந்தை பசியோடு இருக்கக் கூடும் ஆகவே அழுதால் அதற்கு பால் புகட்டுங்கள்.

நான் சொகுசாக இருக்க வேண்டும்

சில குழந்தைகள் தங்களது நாப்கின்கள் மாற்றப்படுவதைப் பற்றி அதிகம் கவலைப்படாது. சில குழந்தைகள் தங்கள் தோல் லேசாக நமைச்சல் எடுத்தாலே அழத் தொடங்கிவிடும். சில சமயங்களில் நாப்கின்கள் இறுக்கமாக பற்றியிருக்கிறதா அல்லது குழந்தையின் உடைகள் ஏதாவது அசௌகரியத்தை தந்திருக்கிறதா என்பதை கவனியுங்கள்.

எனக்கு இதமாக இருக்க வேண்டும் (அதிக சூடோ, அதிக குளிரோ கூடாது)

உங்கள் குழந்தை தனது மெத்தையில் படுத்திருக்கும் போது மிகவும் சூடாகவோ அல்லது சில்லென்றோ இருக்கிறதா என்பதை அதன் வயிற்றை தொட்டு சோதித்துப் பாருங்கள் (காலையோ கையையோ தொட்டுப் பார்க்க வேண்டாம். அது எப்போதும் சற்று சில்லென்றே இருக்கும்). குழந்தை சூடாக இருந்தால் போர்வையை விலக்கி விடுங்கள். சில்லென்றிருந்தால் போர்வையை போர்த்துங்கள். குழந்தை இருக்கும் அறையின் வெப்பநிலையை 64 டிகிரி பாரனீட் இருக்கும்படி பார்த்துக் கொள்ளுங்கள்.

என்னை தூக்கிவைத்துக் கொள்ளுங்கள்

சில சமயங்களில் உங்கள் குழந்தை தன்னை தூக்கி வைத்துக் கொள்ள வேண்டும் என்று விரும்பக்கூடும். குழந்தையை முதல் சில மாதங்களுக்கு அதிகமாக தூக்கிவைத்திருப்பதால் குழந்தையை ”பாழாக்கி” விடுவோம் என்று கவலைப்பட வேண்டாம். குழந்தையை மடியில் கட்டிக் கொண்டு ஆனால் கைகளை சுதந்திரமாக வைத்த படி உங்கள் வேலைகளை கவனிக்க ஏற்படியான தோள்பட்டை ஆடைகள் (தீணீதீஹ் sறீவீஸீரீ) இருக்கின்றன.

எனக்கு ஓய்வு தேவை

பச்சிளங் குழந்தைகளால் பல விஷயங்களை ஒரே நேரத்தில் சமாளிக்க முடியாது. ஆகவே, ”இனி என்னால் தாங்க முடியாது” என்று கூறுவதாகவும் அதன் அழுகை இருக்கலாம். அமைதியான இடத்திற்கு குழந்தையை எடுத்துச் செல்லுங்கள், சிறிது நேரத்திற்கு பிறகு குழந்தை தூங்க ஆரம்பிக்கும்.

எனக்கு உடல் நலம் சரியில்லை

உடல் நலமில்லாத குழந்தை வழக்கத்திற்கு மாறான தொனியில் அதிக சத்தத்துடனோ அல்லது ஒரு வித அவசரத் தொனியுடனோ அழும். அப்படி அழும் போது டாக்டரிடமோ அல்லது தாதியிடமோ குழந்தையை எடுத்துச் செல்லுங்கள். குழந்தை அழும் போது மூச்சுத் திணறல் இருந்தாலோ, வாந்தி, பேதி அல்லது மலச்சிக்கல் இருந்தாலோ உடனே டாக்டரிடம் எடுத்துச் செல்லுங்கள்.

எனக்கு ஏதோ தேவை…ஆனால் சொல்லத் தெரியவில்லை

பல பச்சிளங் குழந்தைகள் வயிற்று வலியின் காரணமாக தொடர்ந்து அழக்கூடும். இதை சமாளிப்பது கடினம். உடனே தீர்க்க எந்த மாயாஜாலமும் இல்லை. சில அபூர்வமான சமயங்களில் இந்த வயிற்று வலி மூன்று மாதங்களுக்குக் கூட நீடிக்கும் என்பதை நீங்கள் அறிந்திருப்பது நல்லது.

எனது குழந்தை அழுகிறது, நான் என்ன செய்ய வேண்டும்?

உங்கள் குழந்தையை சமாதானப்படுத்த இதோ சில வழிகள். முயற்சி செய்து பாருங்கள்.

குழந்தையை நன்கு போர்த்தி மார்போடு அணைத்துக் கொள்ளுங்கள்
பெரும்பாலான பச்சிளங் குழந்தைகள் தாயின் கருவறையில் இருந்ததைப் போலவே பாதுகாப்பாக இருக்க விரும்புகின்றன. ஆகவே குழந்தையை போர்வையால் போர்த்தினாலோ அல்லது தூக்கி மார்போடு அணைத்துக் கொண்டாலோ பாதுகாப்பாக உணர்கிறதா என்று பாருங்கள்.

பின்னணி சப்தங்கள்

கருவறையில் இருக்கும் போது தாயின் இதயத்துடிப்பு குழந்தைக்கு கேட்கும். மென்மையான இசையை ஒலிக்கச் செய்வது அல்லது தாலாட்டு பாடுவது& பின்னணியில் வாஷிங் மெஷின் சத்தம் வந்தாலும் பரவாயில்லை& ஆகியவை குழந்தையை அமைதிப்படுத்தி தூங்கச் செய்யும்.

மென்மையாக ஆட்டுவது

நீங்கள் நடக்கும் போதோ அல்லது அமர்ந்திருக்கும் போதோ மென்மையாக குழந்தையை ஆட்டுங்கள் அது அவர்களுக்கு மிகவும் பிடிக்கும். குழந்தைகளுக்கான தொட்டில் சில குழந்தைகளை அமைதிபடுத்தும். காரில் செல்லும் போது சில குழந்தைகள் கார் புறப்பட்ட சிறிது நேரத்திலேயே உடனே தூங்கி விடும்.

மசாஜ் செய்து விடுங்கள்

மசாஜ் குழந்தைகளை அமைதிபடுத்தும். வயிற்று வலி இருக்கும் போது வயிற்றை தடவி விடுவது நல்லது. குழந்தையின் வலியை கஷ்டத்தைப் போக்க நீங்கள் ஏதோ முயற்சி செய்கிறீர்கள் என்ற ஆறுதலை அது உங்களுக்குத் தரும்.

குழந்தை விரல் சூப்புவது தவறில்லை

சில பச்சிளங் குழந்தைகள் விரல் சூப்புவார்கள். இது அவர்களுக்கு சொகுசான ஓர் உணர்வைத் தரும். ஆனால் விரல் சுத்தமாக இருக்க வேண்டும். ”சொகுசாக சூப்புவது” என்பது குழந்தையின் இதயத் துடிப்பை சீராக்கும், வயிற்றுக்கும் நல்லது, குழந்தையும் அமைதியாக இருக்கும்.

உங்களை அதிகமாக வருத்திக் கொள்ள வேண்டாம்

தொடர்ந்து அழும் குழந்தைக்கு நீண்ட கால பாதிப்பு எதுவும் ஏற்பட்டு விடாது. ஆனால் பெற்றோர்களுக்கு மன உளைச்சல் அதிகமாகலாம். குழந்தையை அமைதிப்படுத்த உங்களால் முடிந்த எல்லாவற்றையும் செய்து விட்டீர்களேயானால் அதற்கு மேல் நீங்கள் செய்யக் கூடியது இதுதான்:

• நன்கு மூச்சை இழுத்து விடுங்கள்

• உங்களுக்கு கேட்காதவாறு குழந்தை அழும்படி சிறிது நேரத்திற்கு எங்காவது பாதுகாப்பான இடத்தில் குழந்தையை விடுங்கள்.

• நண்பரையோ அல்லது உறவினரையோ அழைத்து சிறிது நேரத்திற்கு குழந்தையை அவரிடம் தாருங்கள்.

• அக்கம்பக்கத்தில் உங்களைப் போன்று புதிதாய் குழந்தை பெற்றவர்கள் யாராவது இருக்கிறார்களா என்பது பற்றி உங்கள் குடும்ப டாக்டரிடம் கேட்டு தெரிந்து கொண்டு அவர்களிடம் உங்கள் உணர்வுகளை பகிர்ந்து கொள்ளுங்கள்.

• உங்கள் குழந்தை தனது தேவையை உங்களுக்கு தெரிவிக்க ஒவ்வொரு நாளும் புதிய வழிகளை கற்கிறது என்பதையும், இந்த அழுகைக் கட்டம் ஒரு நாள் நிற்கும் என்பதையும் நீங்கள் நினைவுபடுத்திக் கொள்ளுங்கள்.
- See more at: http://www.tamilkathir.com/news/14110/58//d,full_article.aspx#sthash.nBZcNL8i.dpuf

அஜீத் ரசிகர்களிடம் திட்டு வாங்கிய அக்ஷரா!

‘ஆரம்பம்’ படத்தில் மத்திய மந்திரியின் மகளாக நடித்து அஜீத்தின் குளிர் கண்ணாடியை கழற்றச் சொல்லும் காட்சியில் தியேட்டர்களில் அஜீத் ரசிகர்களின் கோபத்துக்கு ஆளானவர் அக்ஷரா. அடிப்படையில் பரதநாட்டிய கலைஞரான இவர் ‘நாடோடிகள்’ ஹிந்தி பதிப்பான ‘ராங்ரேஸ்’ படத்தில் நடித்துள்ளார்.


“நான் அஜீத் சாருடைய தீவிர ரசிகை. அவருடன் நடிக்க வேண்டும் என்று மிக ஆவலாய் காத்து கொண்டு இருந்தவள். அஜீத் சாருடைய ரசிகர்கள் பலம் திரை அரங்கில் அந்த காட்சியை பார்க்கும்போது தான் தெரிந்தது.


ஆனால் அந்த காட்சியில் நடிக்கும்போதே அஜீத் சார்தான் எனக்கு தைரியமூட்டினார். இப்போது எனக்கு இந்த அளவுக்கு நல்ல பெயர் கிடைத்திருப்பதற்கும் அவரே காரணம். அவர் ஒரு மிகச்சிறந்த மனிதர் என்பதை அவருடன் பழகிய நாட்களில் புரிந்து கொண்டேன்” என்கிறார் அஜீத் பற்றிய பிரமிப்பு மாறாமல்.


விளையாட்டு துறையிலும் மிகவும் ஈடுபாடு கொண்ட அக்ஷரா தேசிய அளவில் கைப்பந்து போட்டியில் கலந்து கொண்டவர். தமிழ் திரை உலகில் ஒரு நிரந்தரமான முக்கிய இடத்தை பிடிப்பேன் என்று சொல்லும் இவருக்கு பிடித்தமான நடிகை கரீனா கபூர்தானாம்.

வேலைக்கு செல்லும் பெண்களுக்கன ஆரோக்கிய டிப்ஸ்!

வீட்டையையும் பார்த்துக் கொண்டு, வேலைக்கும் சென்று வரும் இயந்திர கதியான வாழ்க்கை முறை காரணமாக, பெண்களால் உடற்பயிற்சி மற்றும் ஆரோக்கிய முயற்சிகள் போன்றவற்றில் சரிவர ஈடுபட முடிவதில்லை. அதற்கு காரணம் எதுவாக இருந்தாலும், புலம்பிக் கொண்டே இருப்பதில் ஒரு பயனும் இருக்கப் போவதில்லை.

இவர்கள் தங்கள் வேலை, வீட்டுப் பொறுப்பு போன்றவற்றோடு தங்களது சொந்த ஆரோக்கியத்திற்கும் சற்று கூடுதல் கவனம் மற்றும் அக்கறை எடுத்துக் கொண்டால் ஒழிய நிலைமை மாறப் போவதில்லை. வேலைக்கு போகும் பெண்கள் பின்பற்ற வேண்டிய ஆரோக்கிய குறிப்புகளை பார்க்கலாம்..

• செல்போன் உரையாடல்களை நடந்தபடியே தொடருங்கள். ‘ஹேன்ட்ஸ்ஃப்ரீ’ வசதி இருப்பது இதற்குத்தான். மேலும், மீட்டிங்குகளில் நின்று கொண்டோ அல்லது டைப் பண்ண வேண்டிய தேவை இல்லாத போது நின்றபடி வேலையில் ஈடுபடவோ செய்யலாம்.  அது உடலை நீண்ட நேரம் ஒரே நிலையில் வைத்திராமல் பார்த்துக் கொள்ள வேண்டும்.

• உங்களுக்கு பொருந்தக்கூடிய சில உடற்பயிற்சிகளை தேர்ந்தெடுத்துக் கொள்ளுங்கள். உதாரணமாக, வாரத்திற்கு இரண்டு முறை 20 நிமிடங்களுக்கு தசை வலுவூட்டும் பயிற்சிகள் சிலவற்றை செய்வது நல்லது அல்லது இடைவேளைப் பயிற்சியாக நடைப்பயிற்சி அல்லது மெது ஓட்டம் போன்றவற்றை மேற்கொள்ளலாம். இவை உடல் ஆரோக்கியத்திற்கும், உடற்கட்டுக்கும் புதுப்பொலிவை அளிக்கும்.

• வேலைக்கு போகும் பெண்களின் ஆரோக்கியத்தை பேணுவதில் உணவுமுறை மற்றும் உடற்பயிற்சி ஆகிய இரண்டும் முக்கிய பங்கு வகிக்கின்றன. காலை உணவில் புதிதான பழ வகைகளை சேர்த்துக் கொள்வது சிறந்தது. இதனால் பழங்களில் உள்ள குளுக்கோஸ் உடலின் இனிப்பு வேட்கையை பூர்த்தி செய்துவிடும். முடிந்த வரை காலை உணவை தவிர்க்க கூடாது.

• உடல் ஆரோக்கியத்திற்கும், சீரான இயக்கத்திற்கும் நீர் அத்தியாவசியமாக தேவைப்படுகிறது. எனவே அன்றாடம் குறிப்பிட்ட இடைவேளைகளில் நீர் அருந்தும் வழக்கத்தை கடைப்பிடிப்பது அவசியம். இது உடலில் நீர்ச்சத்து குறைந்து போகாமல் தடுக்கும். மேலும் தினமும் 3 லிட்டா தண்ணீர் குடிக்க வேண்டியது முக்கியம். இதனால் உடலில் உள்ள தேவையில்லாத கழிவுகள் வெளியேறும்.

• மாவுப்பொருள் கொண்டு தயாரிக்கப்படும் பிஸ்கட், இனிப்பு ரொட்டிகள் போன்றவற்றையும், தேன் மற்றும் சாக்லெட்டுகள் போன்றவற்றையும், அதிக அரிசி உணவையும் தவிர்த்திடுங்கள். இவை இரத்த சர்க்கரை அளவை திடீரென்று அதிகரிக்கும் தன்மை கொண்டவை என்பதோடு, இன்சுலின் சுரப்பை தூண்டிவிட்டு, உடலில் கொழுப்பையும் சேர்த்துவிடக்கூடும்.

• பெண்களை பொறுத்தவரையில் ஒரு மணிநேர உடற்பயிற்சி செய்முறைகள் போதுமானது. எனவே அதிக நேரம் ஜிம்மில் உடற்பயிற்சிகளில் ஈடுபடுவது களைப்பையும், சோர்வையும் ஏற்படுத்திவிடும்.

சூப்பர் ஸ்டார் ரஜினி நடித்த முதல் ஹாலிவுட் படம்!

சூப்பர் ஸ்டாரின் முதல் ஆங்கிலப் படம் ப்ளட் ஸ்டோன்!

சூப்பர் ஸ்டார் ரஜினி நடித்த முதல் ஹாலிவுட் படம் ப்ளட் ஸ்டோன் கடந்த 1988-ம் ஆண்டு  அக்டோபர் மாதம்தான் வெளியானது.

இந்தப் படம் ஒரு ஒரிஜினல் ஹாலிவுட் படம். ஹாலிவுட் நட்சத்திரங்களான பரெட்ஸ் டிம்லி, சார்லிபிரில், அன்னா நிகடெஸ் உள்ளிட்டோர் ரஜினியுடன் இணைந்து நடித்திருந்தனர்.

விஜய் அமிர்தராஜ் ஹாலிவுட்டில் ஓரளவு பெரிய தயாரிப்பாளராக உயர்ந்து வந்த நேரத்தில் அவரும் டாக்டர் முரளி மனோகரும் (இப்போது கோச்சடையான் தயாரிப்பாளர்) கூட்டாக இந்தப் படத்தைத் தயாரித்தனர்.

அதற்கு முன்பே ஒரு வாய்ப்பு வந்தும்கூட ரஜினி அதனை ஏற்கவில்லை. தனக்கு வசதியான சூழல் அமையும்போது பார்க்கலாம் என்றுவிட்டுவிட்டார். இங்கே வசதி என்றால் Comfortableness!

இந்தப் படத்தில் அவர் ஷ்யாம் சாபு என்ற பெயரில் ஒரு டாக்சி ட்ரைவராக தோன்றுவார். இசைஞானி இளையராஜா இசையமைத்திருந்தார். டி ராஜேந்தர், அபிராமி ராமநாதன் உள்ளிட்டோர்தான் படத்தை தமிழகத்தில் வெளியிட்டனர்.

டிவைட் லிட்டில் இயக்கிய இந்தப் படத்தில், ரஜினி சொந்தக் குரலில் ஆங்கில வசனங்களை பேசியிருப்பார்.

ப்ளட்ஸ்டோன் கதை

“பிளட் ஸ்டோன்” என்பது விலை உயர்ந்த வைரக் கல். 12-ம் நூற்றாண்டைச் சேர்ந்த இந்த அபூர்வ கல்லை இந்தியாவிலிருந்து திருடிக் கொள்கிறார்கள் பிரிட்டிஷ்காரர்கள்.

பின்னர் அதை வெளிநாட்டிலிருந்து இந்தியாவுக்குக் கொண்டு வருகிறார்கள். அது தவறி ரஜினியின் டாக்சிக்குள் விழுந்து, பின் ரஜினியின் கையிலேயே கிடைக்கிறது.

அந்த விலை உயர்ந்த கல், கதாநாயகி அன்னா நிகோலஸிடம் இருப்பதாக வில்லனின் ஆட்கள் தவறாக கருதி, அவளைக் கடத்திச் செல்கிறார்கள். கல்லைக் கொடுத்தால்தான் அவளை விடுவிக்க முடியும் என்று நிபந்தனை விதிக்கிறார்கள்.


அவளைத் தேடி இந்தியாவுக்கு வரும் பிரெட் ஸ்டிம்லியும், ரஜினியும் நண்பர்களாகி விடுகிறார்கள்.

“விலை உயர்ந்த கல்லை, ஏன் அவர்களிடம் கொடுக்க வேண்டும்? எனக்கு பக்கபலமாக பலர் இருக்கிறார்கள். வில்லனை அழித்து விடுவோம். அந்தப் பெண்ணை மீட்டு விடலாம். பிறகு பிளட் ஸ்டோனை நாமே பங்கு போட்டுக்கொள்ளலாம்,” என்று ஸ்டிம்லியிடம் ரஜினி கூறுகிறார்.

அவரும் ஒப்புக் கொள்ள, இருவரும் போராடி எப்படி வில்லனை ஒழித்து, கதாநாயகியை மீட்டு, ரத்தக்கல்லை அடைகிறார்கள் என்பது க்ளைமாக்ஸ்.

வெற்றிதான்…

ரஜினியின் 119-வது படமாக, 7-10-1988-ல் “பிளட் ஸ்டோன்” வெளிவந்தது. ஹாலிவுட்டில் பி – மூவி என கூறப்பட்டாலும், சர்வதேச அளவில் வெற்றிப்பட வரிசையில் சேர்ந்தது இந்தப் படம். சென்னையில் அலங்கார் உள்ளிட்ட அரங்குகளிலும், தமிழ்நாட்டின் முக்கிய நகரங்களிலும் திரையிடப்பட்டது.

ரஜினி நடித்த முதல் ஆங்கிலப் படம் என்பதால் மிகுந்த ஆர்வத்துடன் ரசிகர்கள் பார்த்தனர்.

ரஜினியின் புதுமாதிரியான நடிப்பு, ஹாலிவுட்காரர்களை வெகுவாகக் கவர்ந்தது. இந்தப் படம் ரஜினியின் வெற்றிப் பட வரிசையில் சேர்ந்தது. ஆனால் ரசிகர்கள் எதிர்ப்பார்த்த அளவுக்கு பிரமாதமான வெற்றி என்று சொல்லமுடியாது. (ரஜினி நடித்தார் என்பதற்காக சொல்லவில்லை. நன்கு விசாரித்துவிட்டே எழுதுகி்றோம். படத்தை வெளியிட்ட அனைவருக்கும் இந்தப் படம் லாபத்தைக் கொடுத்தது!).

இந்தப் படத்தில் நடித்த அனுபவம் குறித்து சூப்பர் ஸ்டார் ரஜினிகாந்த் கூறியது:

“ஹாலிவுட்டில் ஒரு படத்தை எடுக்க வேண்டும் என்றால், அதற்கு ஒரு வருஷத்திற்கு முன்பே திட்டமிடுகிறார்கள்.

ஆறு மாத காலம் தேடி, ஷூட்டிங் லொகேஷனை தேர்ந்தெடுத்த பிறகு ஸ்கிரிப்ட் தயார் பண்ணுகிறார்கள்.

“ஸ்கிரிப்ட் எழுதி, `டிஸ்கஸ்’ பண்ணி பண்ணி, வசனம் முதல் கொண்டு… ஷாட் கூட இப்படித்தான் அமைக்க வேண்டும் என்று பக்கா `டேபிள் ஒர்க்’ பண்ணி விடுவார்கள்.

இருபதாயிரம் அடிகள் எடுத்து, பதினைந்தாயிரம் அடிகளாகக் குறைக்கலாம் என்கிறதெல்லாம் அங்கே கிடையாது.

லொகேஷனுக்கு போன உடன் கதையை இப்படி மாற்றிக் கொள்ளலாம். வசனத்தில் இதை சேர்த்துக் கொள்ளலாம்… அப்டி பண்ணலாம்; இப்டி பண்ணலாம் என்கிற வித்தை எல்லாம் இல்லை. ஸ்கிரிப்டில் என்ன இருக்கிறதோ, எந்த ஷாட் இருக்கிறதோ, என்ன டயலாக் இருக்கிறதோ அதைத்தான் எடுப்பார்கள்.

அங்கே எல்லாம் ஒரு ஷெட்யூல், இரண்டு ஷெட்யூல் என்பதெல்லாம் கிடையாது. படத்தை ஆரம்பித்து விட்டால், முடிகிறவரை தொடர்ந்து ஷூட்டிங்தான்.

நான்கைந்து மாதங்களுக்கு முன்பே ஒவ்வொரு நாளும் எடுக்கப்படவிருக்கும் காட்சி, அதில் இடம் பெறும் வசனம் போன்ற எல்லா விவரங்களும் சம்பந்தப்பட்ட நட்சத்திரங்கள், டெக்னீஷியன்களிடள் கொடுக்கப்பட்டு விடும்.

இதனால் நட்சத்திரங்கள், அவரவர் சம்பந்தப்பட்ட வசனத்தை மனப்பாடம் செய்து கொள்ளவும், கதாபாத்திரத்தில் அதிக கவனம் செலுத்தவும் போதிய அவகாசம் கிடைக்கிறது. ‘ஷூட்டிங்கில் நாம் என்ன செய்யப்போகிறோம’ என்பதை தீர்மானித்து விடுவதால், செட்டிற்கும் போனவுடன் டென்ஷன் இருக்காது.

இங்கே முதலில் படப்பிடிப்பு நடத்திவிட்டு, பிறகு “டப்பிங்” பேசுகிறோம். அங்கு அப்படி இல்லை. படப்பிடிப்பின்போது என்ன பேசுகிறோமோ, அது நேரடியாக ஒலிப்பதிவு ஆகிவிடும். படத்தில் அந்த வசனம்தான் இடம் பெறும்.

என்னிடம் அவர்கள் “ஷூட்டிங்கின்போதே ஆங்கில வசனம் பேசவேண்டும்” என்று சொன்னபோது ஆரம்பத்தில் பயந்தேன். காரணம், நமக்குத்தான் ஆங்கிலம் இலக்கண சுத்தமாகப் பேச வராதே! படத்தில் பேசுகிற அளவுக்கு நாம் என்ன கான்வெண்ட்லயா படிச்சோம்!

“வசனத்தை ஷூட்டிங் ஸ்பாட்டில் மாற்ற வேண்டிய அவசியம் இருக்காது. உங்களிடம் மூணு மாசத்துக்கு முன்னாடியே டயலாக்கை கொடுத்து விடுவாங்க. நீங்க தயார் பண்ணிகிட்டு வரலாம்” என்று தயாரிப்பாளர் ஊக்கம் தந்து தைரியமூட்டினார். அப்படியிருந்தும் ஷூட்டிங்கில் அவர்கள் பேசியதை நான் புரிந்து கொள்ளவும், நான் பேசியதை அவர்கள் புரிந்து கொள்ளவும் ஒரு வாரம் பிடித்தது. உச்சரிப்பில் படிப்படியாக சகஜ நிலை ஏற்பட்டது.

ஹாலிவுட் போயிடுவீங்களா?

“இந்தப் படம் உலகம் முழுவதும் ஓடி, இன்னும் பல ஆங்கிலப் படங்களில் நடிக்க வாய்ப்பு வந்தால் ஹாலிவுட்டில் செட்டில் ஆகிவிடுவீர்களா?” என்று என்னிடம் பலர் கேட்கிறார்கள்.


அவர்களுக்கு என் பதில் இதுதான்:

“நல்ல கதையாக இருந்து, அதில் என் கேரக்டர் நல்லபடியாக இருந்து, அப்படத்தை பெரிய நிறுவனம் எடுத்தால், அத்துடன் கால்ஷீட் பிரச்சினை ஏற்படாமல் இருந்தால், ஆங்கிலப் படங்களில் நடிக்க நான் ஒப்புக்கொள்வேன். அப்போது கூட நான் ஹாலிவுட்டில் செட்டில் ஆகமாட்டேன். காரணம், நான் இந்திய மண்ணை – இந்திய பண்பாட்டை அதிகம் நேசிக்கிறேன்,” என்றார்.

ஆனால் பின்னர், அவரைத் தேடி வந்த பல ஹாலிவுட் வாய்ப்புகளை மறுத்துவிட்டதோடு, தமிழ் தவிர்த்த பிற மொழிப் படங்களையும் படிப்படியாகக் குறைக்க ஆரம்பித்துவிட்டார் என்பது குறிப்பிடத்தக்கது.

அவர் நேரடியாக ஆங்கிலப் படங்களில் நடிக்காவிட்டாலும், ஹாலிவுட்டைத் திரும்பிப் பார்க்க வைக்கும் அளவுக்கு சர்வதேச நடிகராகிவிட்டார். சூப்பர் ஸ்டார் என்றால் உலகில் அது ரஜினி ஒருவர்தான். அவதார், டின் டின்னுக்குப் பிறகு அவரது கோச்சடையான்தான் மோஷன் கேப்சரிங் 3டி தொழில்நுட்பத்தில் வரும் மூன்றாவது என்ற சிறப்பை ஹாலிவுட்டும் ஒப்புக் கொண்டுள்ளதே.. அதுதானே நிஜமான சாதனை!

எல்.ஆர்.ஈஸ்வரி வாழ்க்கையில் 'பாசமலர்' ஏற்படுத்திய திருப்பம்!

"பாசமலர்'' படத்தில் எல்.ஆர்.ஈஸ்வரி பாடிய "வாராய் என் தோழி வாராயோ...'' என்ற பாடல், அவருக்குப் பெரும் புகழ் தேடித்தந்தது. 1961-ம் ஆண்டு, எல்.ஆர்.ஈஸ்வரி வாழ்க்கையில் முக்கிய திருப்பத்தை ஏற்படுத்திய ஆண்டாகும்.

அந்த ஆண்டு, ஏ.பீம்சிங் டைரக்ஷனில், சிவாஜிகணேசன் -சாவித்திரி நடித்த "பாசமலர்'' படம் வெளிவந்தது. எம்.எஸ்.விஸ்வநாதன் - ராமமூர்த்தி இசை அமைத்தனர்.

மகத்தான வெற்றி பெற்ற அப்படத்தில், "வாராய் என் தோழி வாராயோ, மணப்பந்தல் காண வாராயோ'' என்ற பாடலை எல்.ஆர்.ஈஸ்வரி பாடினார்.

இந்தப்பாடல் பெரிய "ஹிட்'' ஆகி, மூலை முடுக்கெல்லாம் எதிரொலித்தது. குறிப்பாக, அன்று முதல் இன்று வரை திருமண வீடுகளில் பாடப்படும் பாடல் இது.

அதுவரை இளம் நடிகைகளுக்கு பின்னணியில் பாடிவந்த எல்.ஆர்.ஈஸ்வரி, "பாசமலர்'' வெற்றியைத் தொடர்ந்து, கதாநாயகிகளுக்கும் பாடத்தொடங்கினார்.

டைரக்டர் கே.எஸ்.கோபாலகிருஷ்ணன் தயாரித்த "பணமா பாசமா'' என்ற படமும், சூப்பர் ஹிட் படமாகும்.

அப்படத்தில், `எலந்த பயம்... எலந்த பயம்'' என்ற கிராமியப் பாடலை விஜய நிர்மலாவுக்காகப் பாடினார். இந்தப்பாடல் வரும் கட்டத்தில், தியேட்டர்களில் விசில் சத்தம் காதைப் பிளக்கும்.

டைரக்டர் ஸ்ரீதர், "சிவந்த மண்'' படத்தை வெளிநாடுகளுக்குச் சென்று பிரமாண்டமாகப் படமாக்கினார்.

அதில் சிவாஜிகணேசனும், காஞ்சனாவும் எகிப்து உடையில் தோன்றும் ஒரு நடனக் காட்சி.

"பட்டத்து ராணி பார்க்கும் பார்வை, வெற்றிக்குத்தான் என எண்ணவேண்டும்'' என்று, காஞ்சனாவுக்காக எல்.ஆர்.ஈஸ்வரி பாடிய பாடல் மிக மிகப் பிரமாதமாக அமைந்தது. இடையிடையே சிவாஜி சவுக்கால் அடிப்பார். அப்போது எல்.ஆர்.ஈஸ்வரி கொடுத்த "ஹம்மிங்'', பாடலுக்கு மேலும் மெருகேற்றியது.

அந்தக் காலக்கட்டத்தில், பின்னணி பாடகிகளில் பி.சுசீலாவும், எஸ்.ஜானகியும் மிகவும் புகழ் பெற்று விளங்கினார்கள். அவர்களுக்கு இணையாக உயர்ந்தார் எல்.ஆர்.ஈஸ்வரி. ஓய்வு இன்றி நிறைய படங்களில் பாடினார்.

"காதோடுதான் நான் பாடுவேன் மனதோடுதான் நான் பேசுவேன் விழியோடுதான் விளையாடுவேன்.''

"ஆடவரலாம் ஆடவர் எல்லாம் ஆடவரலாம் ஆடவரலாம்.''

"கண்களும் காவடி சிந்தாகட்டும், காளையர் நெஞ்சை பந்தாடட்டும்.''

"அம்மம்மா கேளடி தோழி ஆயிரம் சேதி.''

"துள்ளுவதோ இளமை தேடுவதோ தனிமை.''

"குடிமகனே பெரும் குடிமகனே.''

"பளிங்கினால் ஒரு மாளிகை, பருவத்தால் மணி மண்டபம்.''

- இப்படி எண்ணற்றப் பாடல்கள் எல்.ஆர்.ஈஸ்வரியின் புகழுக்கு புகழ் சேர்த்தன. லட்சக்கணக்கான ரசிகர்களை தேடித்தந்தன.

எல்.ஆஸ்.ஈஸ்வரி தன் திரை உலக அனுபவங்கள் பற்றி கூறியதாவது:-

"கடந்த 40 ஆண்டுகளாக நான் பாடி வருகிறேன். தமிழக அரசு எனக்கு "கலைமாமணி'' விருது கொடுத்து கவுரவித்தது.

ஆந்திரா, கர்நாடகா, கேரளா அரசுகள், "நந்தி விருது'' உள்பட பல விருதுகளை எனக்கு வழங்கியுள்ளன.

ஜெயலலிதா கதாநாயகியாக அறிமுகமான முதல் படம் "வெண்ணிற ஆடை.'' அதில் அவர் பாடும் முதல் பாடலான "நீ என்பதென்ன... நான் என்பதென்ன...'' என்ற பாடலை பாடும் வாய்ப்பு எனக்குக் கிடைத்ததை மிகப்பெரும் பெருமையாகக் கருதுகிறேன்.

கேவி.மகாதேவன், எம்.எஸ்.விஸ்வநாதன் - ராமமூர்த்தி, வேதா ஆகியோர் இசையமைப்பில் நான் பாடிய ஆயிரக்கணக்கான பாடல்கள் என்றும் சாகாவரம் பெற்றவை.

எப்படி 1961 எனக்கு திரை உலகில் ஒரு பெரிய உயர்வை கொடுத்ததோ, அதேபோல 1985-ம் ஆண்டையும் சொல்லலாம். இந்த ஆண்டில்தான் நான் அம்மன் மேல் பாடிய பாடல்கள் வரத்தொடங்கின. அதன் பிறகு தமிழ்நாட்டில் பெரும்பாலும் நான் சென்று பாடாத கோவில்களே இருக்க முடியாது என்று சொல்லும் அளவிற்கு ஏராளமான கோவில் கச்சேரிகள் வந்தன.

எம்.ஜி.ஆர். அவர்கள் உடல் நலம் குன்றி மருத்துவமனையில் உயிருக்கு போராடிக்கொண்டிருந்தபோது, தமிழ்நாட்டில் உள்ள கோவில்களில் எல்லாம் அவர் பூரண குணம் அடைய வேண்டி விசேஷ பிரார்த்தனைகள் நடைபெற்றன. அந்த பிரார்த்தனைகளில் எல்லாம் நான் பாடிய அம்மன் பாடல்களின் கேசட்டுகள் போடப்பட்டன.

இது எனக்கு பெரிய ஆத்ம திருப்தியை கொடுத்தது.''

இவ்வாறு எல்.ஆர்.ஈஸ்வரி கூறினார்.

"உங்கள் வாழ்க்கையில் இவ்வளவு போராடி புகழின் உச்சிக்கு வந்த நீங்கள், அதன் பிறகு உங்களுக்கென்று ஒரு வாழ்க்கைத்துணையைத் தேடிக் கொள்ளாதது ஏன்?'' என்ற கேள்விக்கு பதில் அளித்து எல்.ஆர்.ஈஸ்வரி கூறியதாவது:-

"வறுமையின் பிடியில் சிக்கிக் கிடந்த எனது குடும்பத்தை முன்னேறச் செய்யவும், எனது தம்பி, தங்கைக்கு நல்ல வாழ்க்கையை அமைத்துக் கொடுப்பதிலும் எனது கவனம் முழுவதும் இருந்ததால், எனது வாழ்க்கையைப் பற்றி சிந்திக்கவே இல்லை. அதற்காக நான் வருத்தப்படவில்லை.

எனது தம்பியின் மகன், மகள்கள், பேரன் - பேத்திகள் எல்லோரும் என் மீது காட்டும் அளவு கடந்த அன்பினால் நான் மிக்க மகிழ்ச்சியுடன் இருக்கிறேன்'' என்று கூறினார், எல்.ஆர்.ஈஸ்வரி

அஜித்திற்கு புதுஜோடி - மும்பையில் இருந்து வருகிறார்...?

'வீரம்' படத்தின் வெற்றியை அடுத்து அஜீத், கெளதம் மேனனின் இயக்கும் புதிய படத்தில் நடிக்கவுள்ளார். கௌதம் இயக்கத்தில் அஜீத் நடிக்கும் முதல் படம் இதுவாகும். நிதிப் பிரச்சினைகளில் திண்டாடும் கெளதம் மேனனுக்கு உதவும் விதமாகவே அஜீத் தானே முன்வந்து இந்தப் படத்தை ஏற்றுக்கொண்டுள்ளதாகத் தகவல்கள் தெரிவிக்கின்றன. இப்படத்தின் வேலைகள் முழு வீச்சில் நடைபெற்று வருகிறது.


இந்தப் படம் வெகு நேர்த்தியாகவும், நவீன உத்திகளுடனும் தயாரிக்கப்பட இருப்பதால் ஒப்பனைக் கலைஞர்களிலிருந்து நடனக் கலைஞர்கள் வரை ஹாலிவுட்டிலிருந்து வரவழைக்கப்பட உள்ளனர்.


அஜீத்தும் சமீபத்திய கருப்பு, வெள்ளை தலைமுடியுடன் கூடிய தோற்றத்தை மாற்றி இந்தப் படத்தில் இளமையாகக் காட்சியளிக்க உள்ளார். இதற்காக தினமும் ஜிம்மில் பல மணி நேரம் உடற்பயிற்சி செய்கிறார்.


இதில் அஜீத் ஜோடியாக நடிக்க அனுஷ்காவை முதலில் தேர்வு செய்தனர். தற்போது அவரை நீக்கிவிட்டு மும்பையில் இருந்து புது நாயகியை தேடுகிறார்கள். அனுஷ்கா எடை போட்டதால் மாற்றி விட்டார்களாம்.


அஜீத்தின் படங்களில் இதுவே மிகுந்த பொருட்செலவில் தயாரிக்கப்பட உள்ளதாகத் தெரிகின்றது.

புதுப்பொலிவுடன் மீண்டும் களமிறங்கும் தேவா!

தமிழில் பல படங்களுக்கு இசையமைத்தவர் தேவா. இவர் இசையமைத்த அண்ணாமலை, பாட்ஷா போன்ற படங்களின் பாடல்கள் வெற்றியடைந்தது.


மேலும் பல முன்னணி நடிகர்களுக்கும் இசையமைத்துள்ளார். இவர் கானா பாடல்களை எழுதி அந்தப் பாடலைத் அவரே பாடியும் உள்ளார்.


 இவருடைய கானா பாடல்கள் பெரும்பாலும் சென்னைத் தமிழில் இருக்கும்.

நீண்ட நாட்களாக படங்களுக்கு இசையமைக்காமல் இருந்த தேவாவிற்கு இந்த வருடம் ஆரம்பமே அமர்க்களமாக இருக்கிறதாம்.


புதிதாக ஆறு படங்களுக்கு இசையமைக்க வாய்ப்பு வந்துள்ளது. இன்றைய நவீன டிரெண்டுக்கு எற்ப தன்னை புதுப்பித்துக் கொண்டு இசையமைத்து வருகிறாராம். 

‘மனைவி அமைவதெல்லாம்’ திரைவிமர்சனம் - திருமணமே வேண்டாம் சாமி!

ஒரு வீட்டில் 2 குடும்பம் வாழ்ந்து வருகிறது. ஒன்று மோகன்ராஜ் மற்றும் அவரது மனைவி, மற்றொரு குடும்பம் பாஸ்கர் மற்றும் அவரது மனைவி.

மோகன்ராஜின் மனைவி சசி, எப்போதும் தன் கணவர் மீது சந்தேகப்பட்டுக்கொண்டே இருக்கிறார். இதனால் மோகன் ராஜுக்கு கவலை. பாஸ்கர் எப்போதும் குடித்துக் கொண்டு வேலைக்கு சரியாக போகாமல் இருக்கிறார். இதனால் மனைவி சுமதிக்கு தன் கணவர் இப்படி இருக்கிறார் என்று கவலை. இதனால் இருவர் வீட்டிலும் அடிக்கடி சிறுசிறு பிரச்சனைகள் வருகிறது. இதையெல்லாம் பார்க்கும் அந்த வீட்டின் உரிமையாளர் மகன் சந்துருவுக்கு, நமக்கு திருமணம் நடந்தால் இப்படித்தான் இருக்கும் என திருமணம் செய்ய தயங்கி கொண்டிருக்கிறார்.

ஒருநாள் சந்துருவுக்கு, அனைவரும் பெண் பார்க்க செல்கிறார்கள். மணப்பெண்ணை பார்த்து வீட்டுக்கு திரும்பிய சந்துரு, அந்த பெண் எப்படிப்பட்டவள், உங்கள் மனைவி போல் எனக்கு அமைந்துவிடக் கூடாது என்று மோகன்ராஜிடம் கூறுகிறான். மேலும் அந்த பெண் குறித்த முழு விபரத்தை அறிந்து சொல்லுங்கள் என்று விசாரிக்க சொல்கிறார். அதற்கு சம்மதித்து செல்லும் மோகன்ராஜ், ஒரு நாள் வழியில் சந்துருவுக்கு பார்த்த பெண்ணை சந்தித்து பேசுகிறார் மோகன்ராஜ். அதை அவரின் மனைவி சசி பார்த்து விடுகிறாள். தவறாக புரிந்து கொண்ட சசி கோபத்தில் தன் தாலியை பாத்ரூம் கதவில் தொங்க விடுகிறார். இதனால் வீட்டில் பிரச்சினை ஏற்படுகிறது.

இறுதியில் தன் மனைவியின் சந்தேக குணத்தை மோகன்ராஜ் மாற்றினாரா? சந்துருவுக்கு திருமணம் நடந்ததா? சுமதி, பாஸ்கரை மாற்றினாரா? என்பதே மீதிக்கதை.

படத்தில் மோகன்ராஜ் கால் நொண்டி நொண்டி வருகிறார், ஆனால் ஒரு சில காட்சிகளில் நொண்டாமல் வருகிறார். காமெடி என்னும் பெயரில் இவர் செய்யும் விஷயங்கள் கொஞ்சம்கூட ரசிக்கும் படியாக இல்லை. அவர் மனைவியான சசி கதாபாத்திரத்தில் வரும் பாக்ய ராஜேஷ்வரி சந்தேகப்படும் காட்சிகளில் தவிர ஒரு சில காட்சிகளில் நடிக்க முயற்சி செய்திருக்கிறார்கள்.

மற்ற கதாபாத்திரத்தில் வருபவர்கள் அனைவரும் நடிப்பு என்னும் பெயரில் ஏதேதோ செய்கிறார்கள். படத்தில் நிறைய கதாபாத்திரங்களை வைத்து தேவையற்ற காட்சிகளை அமைத்திருக்கிறார் இயக்குனர் உமா சித்ரா. சொல்ல வருவதை கொஞ்சம் தெளிவாக சொல்லியிருக்கலாம். படத்தில் அனைவரும் காமெடி செய்கிறேன் என்று நினைத்துக் கொண்டு பார்ப்பவர்களை கோபப்படுத்துகிறார்கள். ஒரு காட்சியில்கூட சிரிப்பு வரவில்லை. நல்ல கதையை வைத்துக்கொண்டு அதை எப்படி கையாளத்தெரியாமல் விட்டுவிட்டார் உமா சித்ரா.

படத்தில் பிண்ணனி இசை காட்சிகளுக்கு கொஞ்சம்கூட பொருந்தவில்லை. நிறைய காட்சிகளில் இசையே அதிகம் கேட்கிறது. கதாபாத்திரங்கள் பேசும் வசனம் புரியவில்லை. படத்தின் எடிட்டிங் சம்பந்தம் இல்லாமல் காட்சிகளை சேர்த்திருக்கிறார்கள். ஒரு காட்சியில் ஒரு வீட்டை காட்டுகிறார்கள். மறுகாட்சியில் வேறொரு வீட்டில் இருக்கிற மாதிரி காட்டியிருக்கிறார்கள். காட்சிகள் தொடர்ச்சி இல்லாமலேயே இருக்கிறது.

படத்தின் ஒளிப்பதிவில் அதிக கவனம் செலுத்தியிருக்கலாம். பழைய படத்தின் இசையையே பாடல்களுக்கு போட்டு சொதப்பியிருக்கிறார்கள்.

மொத்தத்தில் ‘மனைவி அமைவதெல்லாம்’ திருமணமே வேண்டாம். 

காது வலிக்கு நிவாரணம்...?

காது வலி பெரியவர் முதல் குழந்தைகள் வரை அனைவருக்கும் வரும் ஒன்று. ஆனால் கைக்குழந்தைகளுக்கு காது வலி வந்தால், உடனே மருத்துவரை அணுகுவது நல்லது. இந்த காது வலி பெரும்பாலும் சளி பிடிப்பதாலும், மூக்கை சிந்துவதாலுமே வரும்.

மேலும் அதிக இரைச்சல் மற்றும் சிலருக்கு தொண்டையில் ஏற்படும் அழற்சி காரணமாகவும் வரலாம். அப்படி காது வலி வந்தால் உடனே காது‌க்கு‌ள் எதையாவது போ‌ட்டு நுழைக்கக் கூடாது. இதனால் காது‌க்கு‌ள் ‌கிரு‌மி‌‌த்தொ‌ற்று தான் ஏ‌ற்படுமே தவிர சரியாகாது.


 மேலும் இந்த காது வலி பொதுவாக இரவிலேயே வருவதால், என்ன செய்வதென்று தெரியாது. அப்போது இதற்கு நம் முன்னோர்களின் வீட்டு வைத்தியம் நன்கு கை கொடுக்கும். அது என்னென்னவென்று பார்க்கலாமா?


1. காது வலி வந்தால் தேங்காய் எண்ணெய்யை சூடேற்றி அதில் சிறிது உப்பு போட்டு, மிதமான சூட்டில் காதில் விட்டால், காதில் இருக்கும் புண் ஆறி, வ‌லி குறையு‌ம்.

2. தூதுவளையை நீரில் போட்டு காய்ச்சி, அந்த நீரைக் குடித்தால் காது வலி குறையும்.

3. தாழ‌ம்பூவை நெரு‌ப்பு‌த் தண‌லி‌ல் கா‌ட்டி கச‌க்‌கி சாறு ப‌ி‌‌ழி‌ந்து அ‌தி‌ல் ‌சில து‌ளிகளை கா‌தி‌ல் ‌விட்டால் காது வ‌லி, கா‌தி‌ல் தோ‌ன்று‌ம் க‌ட்டி ஆ‌கியவை குணமாகு‌ம்.

4. மருதா‌ணியின் வேரை நசு‌‌க்‌கி‌ அதில் வரும் சா‌ற்‌றினை கா‌தி‌ல் ‌விட்டால், காது வ‌லி ‌தீரு‌ம்.

5. கொஞ்சம் ந‌ல்லெ‌ண்ணை‌யி‌ல் ஒரு ‌கிரா‌ம்பை போட்டு சூடு செ‌ய்து, பின் அ‌ந்த எ‌ண்ணெய்யை வ‌லி உ‌ள்ள கா‌தி‌ல் விட்டா‌ல் ‌விரை‌வி‌ல் வ‌லி குறையு‌ம்.

இவ்வாறெல்லாம் செய்து பாருங்க, காது வலி பறந்தே போகும்.

ஆண்களின் ஆண்மையை அதிகரிக்க செய்வற்கான வழிகள்!

கருவுறுதலில் ஏற்படும் பிரச்சனை பெண்களுக்கு மட்டும் ஏற்படுவதில்லை, ஆண்களுக்கும் தான் ஏற்படுகிறது. ஆனால் அத்தகைய பிரச்சனை தற்போது இந்தியாவில் ஆண்களிடையே அதிக அளவில் உள்ளது என்று தற்போதைய ஆய்வுகள் கூறுகின்றன. இதற்கு காரணம் ஆண்களின் ஸ்பெர்ம்களின் எண்ணிக்கை குறைவாக உள்ளது. இதற்கு ஆண்களது ஆரோக்கியமற்ற வாழ்க்கை முறை, மன அழுத்தம் மற்றும் தம்பதியரிடையே சரியான அன்பு வெளிப்படுத்த முடியாதது என்பனவையே காரணங்களாக இருக்கும். ஆகவே இத்தகையவற்றை சரியாக போக்கி, ஸ்பெர்ம்களின் எண்ணிக்கையை அதிகரிக்க சில டிப்ஸ் இருக்கிறது.


* ஆரோக்கியமான, ஊட்டச்சத்துள்ள உணவுகள் ஆண்களின் ஸ்பெர்ம்களின் எண்ணிக்கையை அதிகரிக்கும். ஆகவே தேவையில்லாமல் மருத்துவர்களிடம் சென்று பணத்தை செலவழிப்பதை விட, ஆரோக்கிய மற்றும் பாலுணர்வை, ஆண்மையைத் தூண்டும் உணவுகளான சீஸ், சிக்கன், ஓட்ஸ், கடல் உணவுகள், பச்சை காய்கறிகள், கேரட், மிளகு, முக்கியமாக மீனில் சாலமனை சாப்பிட வேண்டும்.

* புகைபிடித்தல் மற்றும் ஆல்கஹால் சாப்பிடுவதை முற்றிலும் நிறுத்த வேண்டும். நிறைய ஆண்களுக்கு இந்த பழக்கம் தேவையில்லாமல் இருக்கிறது. இவற்றை பிடிப்பதால், ஆண்மை மட்டும் குறைவதில்லை, உடலும் தான் பாதிக்கப்படுகிறது. ஆகவே இதனை நிறுத்த வேண்டும். முடியவில்லை என்றால் கர்ப்பமாகும் வரையிலாவது சாப்பிடாமல் இருக்க முயற்சியுங்கள்.

* அளவுக்கு அதிகமான எடை மற்றும் குண்டாக இருப்பது கூட, ஆண்களின் ஸ்பெர்ம்களின் எண்ணிக்கையை குறைக்கிறது. ஆகவே அனைத்து ஆண்களும் மனதில் கொள்ள வேண்டிய முக்கியமான ஒன்று அளவுக்கு அதிகமாகவும், குறைவாகவும் உடல் எடை இருக்கக்கூடாது. மேலும் இனப்பெருக்கத்தை ஏற்படுத்தும் ஹார்மோன்கள் மற்றும் உறுப்புகள் நன்கு செயல்பட, ஆரோக்கியமான டயட் மற்றும் உடல் எடை இருக்க வேண்டும். எப்போதும் உடலை நன்கு பிட்டாக வைத்திருக்க வேண்டும். வேண்டுமென்றால் தினமும் யோகா அல்லது உடற்பயிற்சி போன்றவற்றை செய்யலாம்.

* ஆண்களின் ஸ்பெர்ம்கள் எந்த நேரத்தில் சரியான அளவு இருக்கும் என்பதைப் பற்றி ஆய்வு மேற்கொண்ட போது, காலை நேரம் தான் அதற்கு சரியான நேரம் என்று கண்டுபிடிக்கப்பட்டுள்ளது. ஆகவே இரவு நேரத்தில் காதலை வெளிப்படுத்துவதற்கு, காலை நேரத்தில் காதலை வெளிப்படுத்தினால் மிகவும் சரியாக இருக்கும் என்று கூறுகின்றனர். அதுவும் இருவருக்கும் பிடித்திருந்தால் மட்டும் காலையில் செய்ய வேண்டும்.

* நிறைய ஆய்வுகள் அதிக அழுத்தத்தின் காரணமாக, தம்பதியர்களுக்கிடையே உள்ள காதல் தடைப்பட்டு, ஆண்களின் ஸ்பெர்ம்களின் எண்ணிக்கை குறைகிறது என்று கண்டுபிடிக்கப்பட்டுள்ளது. ஆகவே எப்போதும் அமைதியாக, எதற்கும் டென்சன் ஆகாமல், அடிக்கடி யோகா செய்தால், வாழ்க்கை நன்கு அமைதியாக, அன்பாக போவதோடு, மனமும் ரிலாக்ஸ் ஆகும்.

எனவே ஆண்கள் மேற்கூறிய அனைத்தையும் நினைவில் கொண்டு வாழ்ந்து வந்தால், ஆண்மை அதிகரிப்பதோடு, வாழ்க்கையும் சந்தோஷமாக செல்லும்.

முகப்பருக்களை குறைக்க ஐஸ் கட்டிகளே போதுமானது.

முகத்தில் திடீரென ஏதேனும் பிம்பிள் அதாவது பரு எட்டிப் பார்த்துவிட்டால் போதும், உடனே டென்சன் ஏற்பட்டு, இதனை விரைவில் போக்க வேண்டும் என்று நிறைய அழகுப் பொருட்களை பயன்படுத்துவோம். ஆகவே அவ்வாறு பயன்படுத்தினால், பிம்பிள் போவதற்கு 2-3 நாட்கள் ஆகும். அதிலும் பிம்பிளை போக்குவதற்கு பயன்படுத்தும் கெமிக்கல் கலந்த பொருட்கள் சிலவற்றால் பிம்பிள்கள் கரும்புள்ளிகள் போன்று தோன்றும்.


ஆகவே அவை ஏற்படாமல் இருக்க வீட்டில் உள்ள பொருட்களான கடுகு, கிராம்பு, சந்தனக்கட்டை அல்லது மூல்தானி மெட்டி ஆகியவற்றை பயன்படுத்தினால், அந்த பிம்பிள்கள் ஒன்று அல்லது இரண்டு நாட்களில் போய்விடும். ஆனால் அதுவே ஐஸ் கட்டிகளைப் பயன்படுத்தினால், ஒரே நாளில் அவை குறைந்துவிடும். அத்தகைய ஐஸ் கட்டியை பயன்படுத்தும் முன் என்னவெல்லாம் செய்ய வேண்டும் என்பதை பார்ப்போமா!!!


ஸ்டெப் 1- முதலில் முகத்தை ஃபேஸ் வாஷ் வைத்து நன்கு கழுவ வேண்டும். ஆனால் முகத்தில் இருக்கும் பிம்பிளை மட்டும் தேய்த்துவிட வேண்டாம். ஏனெனில் அவ்வாறு தேய்க்கும் போது, அதில் உள்ள சீல் முகத்தில் பரவி, நிறைய பிம்பிள் வந்துவிடும். ஆகவே முகத்தை வெதுவெதுப்பான நீரால், ஃபேஸ் வாஷ் பயன்படுத்தி லேசாக கழுவ வேண்டும்.


ஸ்டெப் 2- 5 நிமிடத்திற்கு ஐஸ் கட்டிகளை வைத்து, பிம்பிள் உள்ள இடத்தின் மீது தேய்க்கவும்.ஐஸ் கட்டிகளை வைத்து, தேய்க்கும் போது, குறைந்தது 2 ஐஸ் கட்டிகளையாவது பயன்படுத்த வேண்டும். ஏனெனில் ஐஸ் கட்டியில் உள்ள குளிர்ச்சி பிம்பிளில் உள்ள அனைத்தையும் ஒரே நாளில் உருக்கிவிடும். வேண்டுமென்றால் ஒரு நாளைக்கு இரண்டு முறை, இவ்வாறு தேய்த்தால், பிம்பிள் முற்றிலும் போய்விடும்.


ஸ்டெப் 3- ஐஸ் மசாஜ் செய்தப் பின்னர், சுத்தமான துணியை வைத்து துடைத்துவிட வேண்டும். அதனால் பிம்பிளில் உள்ள சீல் முற்றிலும் துணியில் வந்துவிடும். பிறகு கண்ணாடியைப் பாருங்கள், பிம்பிள் குறைந்து முகம் அழகாக இருக்கும்.


குறிப்பு: பிம்பிள் வராமல் இருக்க வேண்டுமென்றால் நிறைய தண்ணீரை குடிக்க வேண்டும். ஆனால் இது யாருக்கும் தெரியாது. வறட்சியின் காரணமாகத் தான் முகத்தில் பிம்பிள், முகப்பரு ஏற்படுகின்றன. அதிலும் காப்பியை அதிகம் குடிக்கக் கூடாது. ஏனெனில் காப்பியில் உள்ள காப்பைன் உடலில் உள்ள நீர்வறட்சியை ஏற்படுத்தும்.

பேஸ்புக் - வாட்ஸ்ஆப் இணைவை தடுக்க கூகுள் முயற்சி?

 பேஸ்புக் நிறுவனத்துடன் வாட்ஸ்ஆப் இணைவது உறுதியாகிவிட்ட நிலையில், அதைக் தடுப்பதற்கு கூகுள் நிறுவனம் முயற்சி செய்ததாகத் தகவல் வெளியாகியுள்ளது. பேஸ்புக் நிறுவனத்துடன் வாட்ஸ்ஆப் இணைகிறது என்ற செய்தி பரபரப்பாகப் பேசப்பட்டு வருகிறது. இந்நிலையில் இந்த ஒப்பந்ததத்தை எப்படியாவது நிறுத்திவிட கூகுள், முயற்சி எடுத்ததாகத் தகவல் வெளியாகியுள்ளது.
 

வாட்ஸ்ஆப் நிறுவனத்தை வாங்குவதற்கு 10 பில்லியன் அமெரிக்க டாலர்கள் தருவதாகப் பேச்சுவார்த்தை நடத்திவந்த நிலையில், பேஸ்புக் அதை விட அதிகமாக 19 பில்லியன் டாலர்களுக்கு வாங்கிவிட்டது. மேலும் கூகுள் நிறுவனத்தின் உரிமையாளர் லாரி பேஜ் தராத ஒரு சலுகையை பேஸ்புக் நிறுவனர் மார்க் ஜுக்கர்பெர்க் தந்துவிட்டார். வாட்ஸ்ஆப் நிர்வாகத்திற்கு பேஸ்புக் நிறுவனத்தின் இயக்குநர் குழுவில் இடம் தந்துவிட்டார். லாரி பேஜ்ஜின் இழப்பு, ஜுக்கர்பெர்க்குக்கு லாபமாக அமைந்துவிட்டது.

மேலும், வாட்ஸ்ஆப் மற்ற நிறுவனங்களுடன் பேச்சுவார்த்தை நடத்துவதற்குள் பணம் தந்து விட கூகுள் முயற்சி செய்தது. அது நிறைவேறவில்லை.

இந்நிலையில், நேற்று காலை பேஸ்புக் - வாட்ஸ்ஆப் இணைப்பு அதிகாரபூர்வமாக அறிவிக்கப்பட்டது. இதன் படி, 19 பில்லியன் அமெரிக்க டாலர்களுக்கு வாட்ஸ்ஆப் நிறுவனத்தை பேஸ்புக் வாங்கிவிட்டதாகவும், வாட்ஸ்ஆப் நிறுவனத்தின் தலைமை நிர்வாக அதிகாரி, பேஸ்புக் நிறுவனத்தின் இயக்குநர் குழுவில் இடம்பெறுவார் என்றும் அறிவிக்கப்பட்டுள்ளது குறிப்பிடத்தக்கது. 

"உழைக்காமல் உயர்வு கிடைக்காது"..!

"உழைக்காமல் உயர்வு கிடைக்காது"..

ஒரு ஊரில் ஒரு ராஜா இருந்தார். அவர் பிறந்த நாளையட்டி அந்த தேசத்திலிருந்த அறிஞர்களெல்லாம் அவரைப் புகழ்ந்து பாடல்களைப் பாடிக் குவித்தனர்.

ராஜா அவர்களைப் பாராட்டி விட்டுக் கூறினார்:-

அறிஞர் பெருமக்களே!

உங்கள் அறிவுத் திறமையைக் கண்டு வியந்துபோகிறேன். ஆனாலும் இந்த அறிவுத் திறமை என்னைப் புகழ்வதில் மட்டும் இருந்து வீணாகி விடக் கூடாது.

எதிர்கால சந்ததியினருக்கு உங்கள் அறிவு மிகவும் பயன்பட வேண்டும். ஆகவே அதற்கு உங்கள் அறிவைப் பயன்படுத்த
என்ன செய்யலாம்?

ஒரு சாமான்ய மனிதனுக்குக் கூடப் புரியும்படி உங்கள் அறிவின் மூலம் ஏதேனும் சொல்ல வேண்டும்"

அறிஞர்கள் கூடி தங்களுக்குள் விவாதித்து, பின்னர் ராஜாவிடம்,

" ஏற்கனவே முன்னால் இருந்த அறிஞர்கள் கூறியதை விட புதிதாக சொல்ல ஒன்றும் இல்லை" என்று கருத்துத் தெரிவித்தனர்.

மனம் மிக மகிழ்ந்த ராஜா, "அப்படியா! அந்த அறிஞர்கள் கூறியதை எல்லாம் எளிய மொழியில் அப்படியே தொகுத்துக் காண்பியுங்கள்' என்றார்.

அறிஞர்கள் மீண்டும் கூடினர். ஒருவாறாக ஆராய்ந்து அனைத்துக் கருத்துக்களையும் தொகுத்தனர்.

ராஜாவை அணுகிய அறிஞர்கள் குழு பெருமிதத்துடன் ,

"அரசப் பெருமானே! அனைத்தையும் தொகுத்து விட்டோம். இதோ பாருங்கள்"என்று கூறி தொகுப்பை நூறு நூல்களாக ஆக்கிக் கொடுத்தனர்.

ராஜா மிகவும் மகிழ்ச்சி அடைந்தார்.

இருந்த போதிலும் அவர் அறிஞர்களை நோக்கி,

"உங்கள் திறமையைக் கண்டு வியக்கிறேன்.

என்றாலும் சாமான்யமான ஒருவனை நோக்கி நூறு நூல்களைப் படி என்றால் அவனால் அது எப்படி முடியும்?

ஆகவே இந்த நூறு நூல்களைச் சுருக்கிக் கொண்டு வாருங்கள்" என்றார்.

அறிஞர்கள் மிகவும் கஷ்டப்பட்டு நூறு நூல்களின் சாரத்தை ஒரே நூலாக ஆக்கி ராஜாவிடம் சமர்ப்பித்தனர்.

மகிழ்ந்து போன ராஜா மீண்டும் அறிஞர்களைப் பாராட்டினார்.

"ஆனால் அறிஞர் பெருமக்களே! இந்த ஒரு நூலையும் கூடப் படிக்க முடியாத படி ஏழை மக்கள் எத்தனையோ பேர் இருப்பார்கள் அல்லவா!

இதை இன்னும் சுருக்கிக் கொண்டு வாருங்கள்" என்றார்.

அறிஞர்கள் ஓயாது விவாதித்து இறுதியாக ஒரு பக்கத்தில் அனைத்தையும் சுருக்கிக் கொண்டு வந்து ராஜாவிடம் சமர்ப்பித்தனர்.

அதைப் படித்துப் பார்த்த ராஜா,"

ஆஹா, மிக மிக அற்புதம். என்றாலும் ஒரு சிறு குறை எனக்கு இருக்கிறது. இந்த ஒரு பக்கமும் கூடச் சற்று அதிகம் என்றே எனக்குத் தோன்றுகிறது.

இதை ஒரே வரியில் சுருக்க வேண்டுமே.

உங்களால் முடியாதது ஒன்று உண்டா, என்ன?"

அறிஞர்கள் குழு தீவிரமாக விவாதித்தது. இறுதியில் அறிஞர்கள் தங்கள் முடிவை ராஜாவிடம் ஒரு சிறிய ஓலை நறுக்கில் எழுதித் தந்தனர்.

அதைப் படித்துப் பார்த்த ராஜா துள்ளிக் குதித்தார்.

"இதை.. இதைத் தான் நான் எதிர்பார்த்தேன்.

எல்லாவற்றையும் கரைத்துக் குடித்த நீங்கள் சாரத்தை வடித்துத் தந்து விட்டீர்களே!

இதை சாமான்யனும் புரிந்து கொள்வான்" என்று மகிந்து கூறி அந்த வாசகத்தை அறிஞர்களின் வாசகமாகத் தன் தேசமெங்கும் பறையறிவித்தான்.

அந்த வாசகம் என்ன தெரியுமா?

"உழைக்காமல் உயர்வு கிடைக்காது"..

என்பது தான் அந்த வாசகம்!

ஆம்,நண்பர்களே.,

உழைக்கத் தகுதியற்றவன் உலகில் பிழைக்கத்
தகுதியற்றவன் என்ற கருத்தை ஏற்காதவர் உலகில் இல்லை.

உழைப்பவனுக்கு மட்டுமே உலகம் உரிமையாகும்
என்பது உண்மையாகும்.

உழைத்தால் தான் உயர முடியும்.

உயர்ந்துள்ளவர்கள் எல்லாம் உழைத்தவர்கள்.

உழைத்தவர்கள் எல்லாம் உயர்ந்தவர்கள்.

உழைப்பில்லாத கனவு நனவானதாக சரித்திரமில்லை.

என்னென்ன காய்கறி எப்படி பார்த்து வாங்க வேண்டும்?

என்னென்ன காய்கறி எப்படி பார்த்து வாங்க வேண்டும்?

1. வாழை தண்டு: மேல் பகுதி நார் அதிகம் இல்லாமலும் உள்ளிருக் கும் தண்டு பகுதி சிறுத்தும் இருப்பதாக பார்த்து வாங்க வேண்டும்.

2. வெள்ளை வெங்காயம்: நசுக்கினாலே சாறு வரும்படி இருக்க வேண்டும்

3. முருங்கைக்காய் : முருங்கைக் காயை கட்டை மற்றும் ஆட்காட்டி விரல்களை பயன்படுத்தி சிறிது முறுக்கினால், எளிதாக வளைந் தால் அது நல்ல முருங்கை காய்

4. சர்க்கரை வள்ளிகிழங்கு: உறுதியான கிழங்கு இனிக்கும், அடி பட்டு கருப்பாக இருந்தால் கசக்கும்

5. மக்கா சோளம்: இளசாகவும் இல்லாமல் ரொம்பவும் முற்றாமல் மணிகளை அழுத்தி பார்த்தால் உள்ளே இறங்காமல் இருந்தால் அதுநல்ல மக்காச்சோளம்.

6.தக்காளி: தக்காளி நல்ல சிவப்பில் தக்காளி இருந்தால் அதை வாங்கலாம் (குறிப்பு பெங்களூர் தக்காளி ஒரு வாரம் ஆனாலும் கெடாது இருக்கும்).

7. கோவைக்காய் : முழுக்க பச்சையாக வாங்க வேண்டும். சிவப்பு லேசாக இருந்தாலும் வாங்க வேண்டாம். பழுத்து ருசி இல்லாமல் இருக்கும்

8. சின்ன வெங்காயம்: பழைய வெங்காயம் வாங்குவதே நல்லது. இரண்டு பல் இருப்பதாக, முத்து முத்தாக தெளிவாக இருப்பதை வாங்கவும்

9. குடை மிளகாய் : தோல் சுருங்காமல் fresh ஆக இருப்பதை வாங் கவும். கரும்பச்சையில் வாங்கவேண்டாம். அடிபட்டிருக்கும். எல்லா நிற குடை மிளகாய்களும் ஒரே சுவையில் தான் இருக்கும்

10. காலிபிளவர்: பூக்களுக்கிடையே இடைவெளி இல்லாமல் அடர்த் தியாக காம்பு தடினமனாக இல்லாமல் வாங்கவும்

11. மாங்காய்- தேங்காயை காதருகே வைத்து தட்டி பார்ப்பது போல மாங்காயும் தட்டி பார்க்கவும். சத்தம் வரும். அத்தகைய மாங்காயில் கொட்டை சிறிதாக இருக்கும்

12. பீர்க்கங்காய் ( நார்ச்சத்து உள்ள மிக நல்ல காய் இது ) : அடிப் பகுதி குண்டாக இல்லாமல் காய் முழுதும் ஒரே சைசில் இருக்கு மாறு பார்த்து வாங்குவது நல்லது

13. பரங்கிக்காய் கொட்டைகள் முற்றியதாக வாங்கவும்

14. புடலங்காய் : கெட்டியாக வாங்கவும். அப்போதுதான் விதைப்பகு தி குறைவாக, சதை பகுதி அதிகமாக இருக்கும்

15. உருளை கிழங்கு: முளை விடாமல் பச்சை நரம்பு ஓடாமல் கீறி னாலே தோல் உதிர்ந்து பெயர்ந்து வர வேண்டும்

16. கருணை கிழங்கு: முழுதாக வாங்கும் போது பெரியதாக பார்த்து வாங்குவது நல்லது. வெட்டிய கிழங்கை விற்றால், உள் புறம் இளம் சிவப்பு நிறத்தில் இருக்குமாறு பார்த்து வாங்கவும்

17. சேப்பங்கிழங்கு : முளை விட்டது போல் ஒரு முனை நீண்டிருக் கும் கிழங்கு சமையலுக்கு சுவை சேர்க்காது. உருண்டையாக பார் த்து வாங்கவும்

18. பெரிய வெங்காயம் மேல் (குடுமி) பகுதியில் தண்டு பெரிதாக இல்லாமல் பார்த்து வாங்கவும்
19. இஞ்சி: லேசாக கீறி பார்க்கும் போது தோல் பெயர்ந்து வருவது நல்லது. நார் பகுதி குறைவாக இருக்கும்

20. கத்திரிக்காய்: தோல் softஆக இருப்பதுபோல் பார்த்து வாங்கவும்

21. சுரைக்காய் : நகத்தால் அழுத்தினால் நகம் உள்ளே இறங்க வேண்டும். அப்போது தான் இளசு என்று அர்த்தம்

22. பூண்டு: பல் பல்லாக வெளியே தெரிவது நல்லது. வாங்கலாம்

23. பீன்ஸ் பிரன்ச் பீன்ஸில் நார் அதிகம். புஷ் பீன்ஸில் நார் இருக் காது. தோல் soft-ஆக இருந்தால் சுவை அதிகமாய் இருக்கும்

24. அவரை: தொட்டு பார்த்து விதைகள் பெரிதாக இருக்கும் காய்கள் தவிர்ப்பது நல்லது. இளசாக வாங்கினால் நார் அதிகம் இருக்காது

25. பாகற்காய்: பெரிய பாகற்காயில் உருண்டையை விட, தட்டையா ன நீண்ட காய் நல்லது

26. வாழைப்பூ : மேல் இதழை விரித்து பூக்கள் கருப்பாகாமல் வெளி ர் நிறத்தில் இருக்கிறதா என பார்க்கவும். அப்படி இருந்தால் பிரெஷ் காய் என்று அர்த்தம்

27. மொச்சை :கொட்டை பெரிதாக தெரியும் காய் பார்த்து வாங்கவும்

28. சௌசௌ : வாய் போன்ற பகுதி விரிசல் பெரிதாக இல்லாத படி பார்த்து வாங்கவும். விரிசல் இருந்தால் முற்றிய காய்

29. முள்ளங்கி: லேசாக கீறினால் தோல் மென்மையாக இருந்தால் அது இளசு- நல்ல காய்

30. வெள்ளரி மேல் நகத்தால் குத்தி பார்த்தால் நகம் உள்ளே இறங்கி னால், நல்ல காய். விதைகள் குறைவாக இருக்கும்

31. பச்சை மிளகாய் :நீளமானது சற்று காரம் குறைவாக இருக்கும். சற்றே குண்டானது தான் காரம் தூக்கலாக வாசனையும் பிரமாதமா க இருக்கும்.

உடல் எடையை அதிகரிக்க வேண்டுமா?

உடல் எடையை அதிகரிக்க வேண்டுமா?

இந்த காலத்தில் உடல் எடை அதிகமாக இருப்பதால், அதனை குறைக்க பலரும் முயற்சி செய்கின்றனர். அதே சமயம், சிலர் என்ன தான் உணவுகளை உண்டு உடல் எடையை அதிகரிக்க நினைத்தாலும், எடை மட்டும் கூடாமல் இருக்கும்.

ஆகவே அவ்வாறு எடையை அதிகரிக்க தேவையற்ற ஆரோக்கியமில்லாத உணவுகளை எல்லாம் உண்டால், எடை கூடாது. எடையை அதிகரிக்க அதிக அளவு கலோரி நிறைந்த உணவுகளை உட்கொள்ள வேண்டும். ஏனெனில் சரியான அளவு ஊட்டச்சத்துக்கள், புரோட்டீன், கார்போஹைட்ரேட் மற்றும் கொழுப்புகள் உடலுக்கு கிடைத்தால் தான், விரைவில் உடல் எடையை கூட்ட முடியும். எனவே எந்த உணவுகளை உட்கொண்டால், உடல் எடை அதிகரிக்கும், என்பதை சற்று படித்து தெரிந்து கொண்டு, பின்பற்றிப் பாருங்களேன்...

புரோட்டீன் புரோட்டீன் அதிகம் இருக்கும் உணவுப் பொருட்களான இறைச்சி, மீன்கள், முட்டை, வான் கோழி, சிக்கன், டோஃபு போன்றவற்றை அதிகம் தினமும் உணவில் சேர்த்து வந்தால், உடல் ஆரோக்கியமாக இருப்பதோ, உடல் எடையை அதிகரிக்க நினைப்போருக்கு ஒரு நல்ல ஈஸியான வழியாகும். அதிலும் சோயா பொருட்களை அதிகம் சேர்த்துக் கொண்டால் நல்லது. கார்போஹைட்ரேட் ஓட்ஸ் மீல், தானியங்கள், பிரட் போன்றவற்றில் கார்போஹைட்ரேட் அதிகம் உள்ளது. மேலும் பழங்களில் மாம்பழம், ஆப்பிள், செர்ரி, திராட்சை, பீச் போன்றவையும், காய்கறிகளில் கார்ன், பிராக்கொலி, கேரட், வால் மிளகு, முள்ளங்கி போன்றவையும், பாஸ்தா, சிவப்பு அரிசி உணவுகள், கொண்டைக் கடலை போன்றவற்றையும் தினமும் உணவில் சிறிது சாப்பிட்டு வந்தால், உடல் நன்கு இருக்கும். மேலும் உடலுக்கு தினமும் குறைந்தது 40% கார்போஹைட்ரேட் தேவைப்படுகிறது,

அதற்கு இந்த உணவுகளை உண்டால், விரைவில் உடல் எடையை அதிகரிக்க முடியும். கொழுப்புகள் பாதாம் பருப்பு, ஆலிவ் ஆயில், சூரிய காந்தி எண்ணெய், நல்லெண்ணெய், முந்திரி பருப்பு, வேர் கடலை, வெண்ணெய், பால் போன்ற அனைத்திலும் கொழுப்புகள் அதிகம் நிறைந்துள்ளது. ஆகவே இதற்கான டயட் இருக்கும் போது, தினமும் உடலில் 10% கொழுப்பு சத்தானது உடலில் சேர வேண்டும். இவை அனைத்துமே ஆரோக்கியமான கொழுப்புகள் தான். மேலும் உடல் எடையை அதிகரிக்க அடிக்கடி ஏதேனும் சாப்பிட்டுக் கொண்டிருப்பீர்கள். அவ்வாறு ஏதேனும் ஒன்றை சாப்பிடுவதற்கு, உடலுக்கு ஆரோக்கியத்தை தரும் வகையில் இருக்கும் ஸ்நாக்ஸ் ஆன நட்ஸ், ஆப்பிள், புரோட்டீன் பார், உருளைக்கிழங்கு சிப்ஸ் போன்றவற்றை சாப்பிடுவது நல்லது.

அதிலும் சீஸ் மற்றும் காய்ந்த பழங்களை சாப்பிடுவதும், உடல் எடையை அதிகரிக்கச் செய்யும் உணவுகள் ஆகும். அதுமட்டுமல்லாமல் சாக்லேட்டில் கூட அதிக கலோரிகள் நிறைந்துள்ளன. ஆகவே இத்தகைய உணவுகளை உண்டால், உடல் எடை அதிகரிப்பதோடு, உடலும் ஆரோக்கியமாக இருக்கும். முக்கியமாக உடனே உடல் எடையை அதிகரிக்க வேண்டும் என்று எதையும் அதிக அளவில் ஒரே நேரத்தில் சாப்பிட்டால், அந்த அமிர்தம் கூட நஞ்சாக மாறிவிடும்.

கருப்பட்டி என்கிற வெல்லம்....?

பனை மரத்திலிருந்து கிடைக்கும் பனை நீரில் இருந்து கருப்பட்டி என்கிற வெல்லம் தயாரிக்கப்படுகிறது. இதனைப் பனைவெல்லம் என்றும் அழைப்பர்.


பனைநீரை எடுத்து அவற்றை நன்றாகக் காய்ச்சினால் கருப்பட்டி கிடைக்கும்.


• கருப்பட்டியில் சுண்ணாம்பைக் கலந்து சாப்பிட்டால் உடல் சுத்தம் அடையும்.


• கருப்பட்டி ரத்தத்தை சுத்திகரித்து உடலுக்கு சுறுசுறுப்பைக் கொடுக்கும். மேனி பளபளப்பு பெறும்.


• கரும்பு சர்க்கரைக்குப் பதில் கருப்பட்டியைப் பயன்படுத்தினால் பற்களும், எலும்புகளும் உறுதியாகும்.


• குழந்தைகள் முதல் பெரியவர் வரை இதைச் சாப்பிடலாம். நமக்குத் தேவையான கால்சியம் இதில் கிடைக்கிறது.


• சுக்கு கருப்பட்டி பெண்களின் கர்ப்பப்பைக்கு மிகவும் ஏற்றது. சுக்கு, மிளகு கலந்து கருப்பட்டியை குழந்தை பெற்ற பெண்கள் சாப்பிட்டால் பால் நன்றாக சுரக்கும்.


அந்தத் தாய்ப்பாலைக் குடிக்கும் குழந்தைகளுக்கு நல்ல ஊட்டச்சத்துக்கள் கிடைக்கப் பெறும்.