கால்களுக்கு வலிமை தரும் பயிற்சி!

கால்களுக்கு வலிமை தரும் பயிற்சிகள் பல உள்ளன. அவற்றில் இந்த பயிற்சி மிக முக்கியமானது. இந்த பயிற்சியை தொடர்ந்து செய்து வந்தால் விரைவில் நல்ல பலன் கிடைப்பதை காணலாம். இந்த பயிற்சி செய்ய கீழே மல்லாந்து படுத்து கால்களை நேராக நீட்டிக் கொள்ளவும்.


கைகளை தோள்பட்டை வரை நீட்டி தரையில் பதித்தபடி வைக்கவும். பின்னர் கால்களை மேல் நோக்கி (90 டிகிரியில்) தூக்கவும். பின்னர் மெதுவாக கால்களை சேர்த்து வைத்தபடி இடது பக்கமாக சற்று சாய்க்கவும்.


இந்த நிலையில் 15 விநாடிகள் இருந்த பின்னர் பழைய நிலைக்கு வரவும். இதே போல் வலது பக்கமும் செய்யவும். இரு பக்கமும் ஒரு முறை செய்தால் இது ஒரு செட். இதே போல் 10 முதல் 15 செட்டுகள் செய்ய வேண்டும்.


இவ்வாறு கால்களை தலையில் ஊன்றாமல் செய்ய வேண்டும். இந்த பயிற்சியை தினமும் வீட்டில் இருந்தபடியே 20 நிமிடம் செய்தால் போதுமானது. 3 மாதம் இந்த பயிற்சியை செய்து வந்தால் நல்ல பலன் கிடைப்பதை காணலாம்

உடலை ஸ்லிம்மாக வைக்க உதவும் 'கிரேப்ஸ்'

* எல்லோரும் கண்டிப்பாக திராட்சை சாப்பிட வேண்டும், குறிப்பாக பெண்கள் அதிக அளவில் இதை எடுத்துக்கொள்ள வேண்டும் என்கிறார்கள் இயற்கை மருத்துவர்கள்.

* ஒரு டம்ளர் கிரேப் ஜூஸில் 80 சதவீத தண்ணீரும், 60 சதவீத கலோரிச் சத்தும் உள்ளது. இதனுடன், நார்ச்சத்தும் அதிகம் உள்ளது. உடலை `ஸ்லிம்’ ஆக வைத்துக்கொள்ள `டயட்டில் இருப்பவர்கள் இதை தாராளமாக குடிக்கலாம்.

* பெண்களுக்கு சுரக்கும் ஈஸ்ட்ரோஜன் ஹார்மோனின் வேதிவினை மாற்றத்தை கட்டுப்படுத்தும் சக்தி திராட்சைக்கு இருப்பதால், அதை தொடர்ந்து சாப்பிட்டு வரும்பட்சத்தில் அவர்களுக்கு மார்பக புற்றுநோய் ஏற்படுவதற்கான வாய்ப்புகள் குறைகிறது.

*`ரெஸ்வெரட்டால்’ என்கிற ஒருவகை இயற்கை அமிலம் திராட்சையில் அதிகமாக காணப்படு கிறது. இந்த அமிலம் புற்றுநோய் செல்களின் வளர்ச்சியை தடுப்பதுடன், தேவையில்லாத கட்டிகளின் வளர்ச்சியையும் கட்டுப்படுத்துகிறது.

*மேலும், இரத்த ஓட்டத்தை சீராக்குவதிலும், ஆங்காங்கே இரத்தம் உறைவதை தடுப்பதிலும் திராட்சை முக்கிய பங்கு வகிக்கிறது.

இவ்வளவு சிறப்புகள் கொண்ட திராட்சையை மதிய உணவுக்குப் பின் 200 மில்லி அளவுக்கு ஜூஸாக எடுத்துக்கொள்வது மிகவும் நல்லது

ஊரில் கோயில் கோபுரமே உயரமாக இருக்க வேண்டும் என்பது ஏன்?

ஊரில் கோயில் கோபுரமே உயரமாக இருக்க வேண்டும் என்பது ஏன்?

முற்காலத்தில் ஊரில் கோயில் கோபுரத்தை விட உயரமாக எந்தக் கட்டிடமும் இருக்கக் கூடாது என்று ஒரு எழுதாத சட்டம் இருந்தது. என்ன காரணம்?...

கோயில்களையும் உயரமான கோபுரங்களையும் அதன் மேல் இருக்கும் கலசங்களையும் பார்த்திருப்பீர்கள். அதன் பின் ஒளிந்திருக்கும் ஆன்மிக உண்மை தெரியவில்லை. ஆனால் அதன் பின் எவ்வளவு பெரிய அறிவியல் ஒளிந்திருக்கிறது என இப்போதுதான் தெரிகிறது.

கோபுரத்தின் உச்சியில் தங்கம், வெள்ளி செம்பு(அ) ஐம்பொன்னால் செய்யப்பட்ட கலசங்கள் இருக்கும். இக் கலசங்களிலும் அதில் கொட்டப்படும் தானியங்களும், உலோகங்களும் மின் காந்த அலைகளை ஈர்க்கும் சக்தியை கலசங்களுக்குக் கொடுக்கின்றன. நெல், உப்பு, கேழ்வரகு, தினை, வரகு, சோளம், மக்கா சோளம், சலமை, எள் ஆகியவற்றைக் கொட்டினார்கள். குறிப்பாக வரகு தானியத்தை அதிகமாகக் கொட்டினார்கள். காரணத்தைத் தேடிப் பார்த்தால் ஆச்சர்யமாக இருக்கிறது. வரகு மின்னலைத் தாங்கும் அதிக ஆற்றலைப் பெற்றிருப்பது என இப்போதைய அறிவியல் கூறுகிறது.

இவ்வளவுதானா? இல்லை, பன்னிரெண்டு வருடங்களுக்கு ஒரு முறை குட முழுக்கு விழா என்ற பெயரில் கலசங்களில் இருக்கும் பழைய தானியங்கள் நீக்கப்பட்டு புதிய தானியங்கள் நிரப்பப்படுகிறது. அதை இன்றைக்கு சம்பிரதாயமாகவே மட்டும் கடைபிடிக்கிறார்கள். காரணத்தைத் தேடினால், அந்த தானியங்களுக்குப் பன்னிரெண்டு வருடங்களுக்குத்தான் அந்த சக்தி இருக்கிறது. அதன் பின் அது செயல் இழந்து விடுகிறது!! இதை எப்படி அப்போது அறிந்திருந்தார்கள்? ஆச்சர்யம்தான்.

அவ்வளவுதானா அதுவும் இல்லை. இன்றைக்குப் பெய்வதைப் போன்று மூன்று நாட்களா மழை பெய்தது அன்று? தொடர்ந்து மூன்று மாதங்கள் பெய்தது. ஒரு வேளை தானியங்கள் அனைத்தும் நீரில் மூழ்கி அழிந்து போனால், மீண்டும் எதை வைத்துப் பயிர் செய்வது? இவ்வளவு உயரமான கோபுரத்தை நீர் சூழ வாய்ப்பில்லை. இதையே மீண்டும் எடுத்து விதைக்கலாமே!

ஒரு இடத்தில் எது மிக உயரமான இடத்தில் அமைந்த இடி தாங்கியோ அதுதான் முதலில் எர்த் ஆகும். மேலும் அது எத்தனை பேரைக் காப்பாற்றும் என்பது அதன் உயரத்தைப் பொறுத்தது. அடிப்படையில் கலசங்கள் இடிதாங்கிகள். உதாரணமாக கோபுரத்தின் உயரம் ஐம்பது மீட்டர் என்றால் நூறு மீட்டர் விட்டம் வரைக்கும் பரப்பில் எத்தனை பேர் இருந்தாலும் அவர்கள் இடி தாங்காமல் காக்கப்படுவார்கள். அதாவது சுமார் 75008 மீட்டர் பரப்பளவிலிருக்கும் மனிதர்கள் காப்பாற்றப்படுவார்கள்!

சில கோயில்களுக்கு நான்கு வாயில்கள் உள்ளன. அது நாலாபுறமும் 75000சதுர மீட்டர் பரப்பளவைக் காத்து நிற்கிறது! இது ஒரு தோராயமான கணக்கு தான். இதைவிட உயரமான கோபுரங்கள் இதை விட அதிகமான பணிகளை சத்தமில்லாமல் செய்து வருகின்றன.

கோயில் இல்லா ஊரில் குடியிருக்க வேண்டாம் என்ற பழமொழி நினைவுக்கு வருகிறது. 

முட்டைகோஸின் மருத்துவ குணங்கள்!

முட்டைகோஸின் மருத்துவ குணங்கள்:-

முட்டை கோஸ் கீரை வகையைச் சேர்ந்தது.

இதன் கொழுந்து உருண்டையாகக் காணப்படும். இதனையோ உணவாகப் பயன்படுத்துகிறோம். இதில் உயிர்ச்சத்துக்கள், தாதுக்கள் நிறைந்துள்ளன. உடலுக்கு ஊட்டம் தரும் உணவாகும். உடல் வளர்ச்சிக்கு முட்டை கோஸ் மிகவும் சிறந்தது.

முட்டைகோஸின் மேல் பகுதியில் மூடியிருக்கும் முற்றிய காய்ந்த இலைகளை நீக்கிவிட்டு சிறிதாக நறுக்கி பாசிப்பயறுடன் சேர்த்து கூட்டாகவோ அல்லது பொரியலாகவோ செய்து சாப்பிடலாம்.

முட்டைகோஸ் உண்பதால் ஏற்படும் நன்மைகள்: 1.கண் பார்வைக் கோளாறுகளைப் போக்கும். கண் பார்வை நரம்புகளை சீராக இயங்கச் செய்யும். இதில் உள்ள வைட்டமின் ஏ சத்து கண் பார்வைக்கு சிறந்தது.

2.மூல நோயின் பாதிப்பைக் குறைக்கும். அஜீரணத்தால் உண்டாகும் வயிற்றுவலியை நீக்கும்.


3.சரும வறட்சியை நீக்கும். சருமத்திற்கு பொலிவைக் கொடுக்கும்.

4.வியர்வைப் பெருக்கியாக செயல்படும். சிறுநீரை நன்கு பிரித்து வெளியேற்றும்.

5.எலும்புகளுக்கு வலு கொடுக்கும். இதில் சுண்ணாம்புச்சத்து அதிகமிருப்பதால் எலும்புகளும் பற்களும் உறுதியாகும்.

6.பெண்களுக்கு மெனோபாஸ் காலங்களில் உண்டாகும் கால்சியம், பாஸ்பரஸ் இழப்பை முட்டைகோஸ் ஈடுசெய்யும்.

7.நரம்புகளுக்கு வலு கொடுக்கும். நரம்புத் தளர்ச்சியைப் போக்கும்.

8.தொற்று நோய்கள் ஏற்படாமல் தடுக்கும். உடலுக்கு நோய் எதிர்ப்பு சக்தியை அதிகரிக்கும்.

9.முட்டைகோஸை நீரில் போட்டு சிறிது நேரம் ஊறவைத்து அந்த நீரைக் கொண்டு முகம்
கழுவினால் வறட்சியான சருமம் பளபளப்படையும்.

 10.உடல் சூட்டைத் தணிக்கும். நாள்பட்ட மலச்சிக்கலைப் போக்கும். குடல் சளியைப் போக்கும். இரத்தத்தை சுத்தப்படுத்தும். 11.தலைமுடி உதிர்வதைக் குறைக்கும். மயிர்க்கால்களுக்கு பலம் கொடுக்கும்

பெண்கள் வயிற்றில் தோன்றும் கட்டிகளுக்கு சத்திர சிகிச்சை இனித் தேவையில்லை!

ஃபைப்ரொய்ட்’ என்பவை, பெண்களின் கர்ப்பப்பைச் சுவர்களில் மென்மையான தசைப்பகுதிகளில் சாதாரணமாகக் காணப்படுகின்ற நோய்க்கட்டிகளேயாகும். ‘யுட்டிரெஸ் ஃபைப்ரொய்ட்’ எனப்படும் புற்று நோய் அல்லாத கர்ப்பப்பை கட்டிகள், தாய்மைப்பேறு அடையக்கூடிய வயதுடைய பெண்களில் பொதுவாகக் காணப்படுகின்ற நோயாக இருக்கின்றது. இதனைச் சரியான நேரத்தில் குணப்படுத்த தகுந்த நடவடிக்கைகள் மேற்கொள்ளவில்லை என்றால் பல விதமான உடல் நலச்சிக்கல்களை உருவாக்கிவிடும்.

இவ்விதமான கட்டிகள் தனியொன்றாகவோ அல்லது கூட்டமாக வெவ்வேறு அளவுகளிலோ இருக்கக் கூடும். சுமார் 77% சதவிகிதமான பெண்கள் இவ்வாறான கட்டிகளால் பாதிப்புக்குள்ளாகி இருக்கின்றனர் என, மருத்துவ ஆய்வுகள் நிரூபித்துள்ளன. ஆனால் இதில் சிக்கல் என்னவென்றால்,  அவர்களுக்கு இது பற்றிய விழிப்புணர்வு இல்லாதிருக்க வாய்ப்புகள் அதிகம் என்பதே. ஏனெனில் இந்தக் கட்டிகள் மிகச்சிறிய அளவிலேயே இதற்கான அறிகுறிகளை வெளிப்படுத்துகின்றன. சில சமயங்களில் அறிகுறிகளே தென்படாமலும் இருக்கலாம். இதன் காரணமாகவே 25% சதவிகிதமான பெண்கள், இதன் கடும் பாதிப்புகளுக்கு முகம்கொடுக்க வேண்டிய சூழ்நிலை ஏற்படுகின்றது என அமெரிக்காவின் சுகாதாரத்திற்கான தேசிய நிறுவகம் (நெஷனல் இன்ஸ்டிடியூட் ஒஃப் ஹெல்த்) தெரிவித்துள்ளது.

பெண்களில் உருவாகக் கூடிய கர்ப்பப்பைக் கட்டிகள் வெவ்வேறு விதமாக இருக்கின்றன. இவை பொதுவாக நான்கு விதங்களில் தோன்றலாம். ‘சப் செரோஸால்’ என்னும் கட்டிகள், கர்ப்பப்பைக்கு வெளியிலேயே தோன்றி வெளிப்பக்கத்திலேயே வளரக்கூடியவை. ‘இன்ட்ராமுரல்’ கட்டிகள் என்பவை, கர்ப்பப்பையின் உட்புறச் சுவரில் தோன்றி விரிவடைந்து கர்ப்பப்பையை சாதாரண நிலையைவிட மிகவும் பெரியதாகத் தோன்றச் செய்யும். ‘சப்மியூகோசால்’ என்பவை, கர்ப்பப்பை குழிக்கு அடிப்பாகத்தில் தோன்றி அதிகப்படியான மாதாந்திர ரத்தப்போக்கு, குழந்தைப் பேறின்மை மற்றும் குறைப்பிரவசத்திற்கான காரணியாகவும் விளங்கும். நான்காவதாக ‘பெடன்குளேடட் ஃபைப்ரொய்ட்’ எனப்படும் கட்டிகள். இவை, கர்ப்பப்பைக்கு உள்ளே அல்லது  வெளியே இணையும் தண்டின்மேல் உருவாகி பெண்களுக்கு வலி ஏற்படும்படி செய்யும்.

‘யுட்டரைன் ஃபைப்ரொய்ட்’ என அழைக்கப்படும் கர்ப்பப்பைக் கட்டிகளின் நோய் அறிகுறியாக மிக அதிகமான இரத்தப்போக்கு அல்லது வலியுடன் கூடிய மாதவிடாய், அடிக்கடி சிறுநீர் கழித்தல், இரண்டு மாதவிடாய்களுக்கு இடையில் இரத்தப்போக்கு, உறவின்போது வலி, அடிவயிறு கனத்திருப்பதைப் போன்ற உணர்வு, கீழ் முதுகில் வலி மற்றும் குழந்தைப் பேறின்மை முதலியன இருக்கும்.

இதுவரையிலும் கர்ப்பப்பை கட்டிகளுக்கான முக்கிய சிகிச்சை பெரும்பாலும் சத்திர சிகிச்சையாகவே இருந்து வந்தது. மருந்துகள் குறுகிய கால நிவாரணத்தை மட்டுமே தந்து பின் சத்திர சிகிச்சைக்கும் வழிவகுத்தன. ஆயினும் தற்போதைய மருத்துவ முன்னேற்றங்களும் தொழில்நுட்ப வளர்ச்சிகளும் கர்ப்பப்பை சிகிச்சையில் முன்னேற்றத்தை ஏற்படுத்தித் தந்துள்ளன. இவற்றில் ‘ஹார்மோனல் தெரபி’, ‘ஹிஸ்டரெக்டமி’,  ‘மயோமக்டமி’ மற்றும் ‘எம்ஆர்ஜி எப்யூஎஸ்’ ஆகியவை முக்கியமானதாகக் கருதப் படுகின்றன. இவற்றுள்,  ‘எம்ஆர்ஜி எப்யூஎஸ்’ முறை மூலமாக வெட்டுஇ காயத்தழும்புகள்,  மயக்க மருந்து,  மருத்துவமனையில் நீண்ட நாட்கள் தங்க வேண்டிய அவசியம் முதலியவற்றை தவிர்த்துக் கொள்ளலாம்.

கர்ப்பகாலத்தில் பெண்ணின் குருதியின் அளவு குறையும்போது ஏற்படும் விளைவுகள்!

குழந்தை பாக்கியம் தாமதமடையும் ஆண்களின் விந்து எண்ணிக்கை குறைவாக இருப்பது முக்கிய காரணமாக அமைந்துவருகிறது. இவ்வாறு விந்து எண்ணிக்கையை கூட்டுவதற்கு ஆண்களின் விதைகளின் நாளங்கள் வீக்கமடைந்திருப்பது காரணம் என அதனை சீர்செய்வதற்கு விதைகளில் பலவித சத்திர சிகிச்சைகள் செய்யப்படுகின்றது. இவ்வாறு விதைகளில் ஏற்படும் Varicocele சத்திரசிகிச்சைகள் செய்வதன் மூலம் விந்துக்களின் எண்ணிக்கையை கூட்ட முடியுமா?

ஆண்களில் விதைகளில் ஏற்படும் Varicocele விந்துகளின் எண்ணிக்கை குறைவதற்கு காரணம் என கருதி அதனை சீர்செய்ய சத்திரசிகிச்சைகள் கூடுதலாக இந்தியாவில் செய்யப்பட்டுவருகின்றது.

ஆனால் சர்வதேச விஞ்ஞான ஆராய்ச்சிகளின் முடிவாக இவ்வாறு சத்திரசிகிச்சைகள் விதைகளில் செய்வதன் மூலம் விந்துகளின் எண்ணிக்கையை கூட்ட முடியாது என நிரூபிக்கப்பட்டுள்ளது. ஆகையால் இவ்வாறு Varicocele சத்திரசிகிச்சைகள் செய்வதற்கு முன்னர் இதனால் நன்மை உண்டா மற்றும் விந்துக்களின் எண்ணிக்கை கூடுமா என விரிவாக ஆராய்ந்த பின்னர் சத்திர சிகிச்சைக்கு சம்மதிக்க வேண்டும்.

ஏனெனில் பல ஆண்கள் இவ்வாறு இந்தியா சென்ற இடத்தில் இவ்வகை சத்திர சிகிச்சைகள் செய்யப்பட்டு எவ்வித பலனும் இல்லாமல் இருக்கிறார்கள்.

கேள்வி: கர்ப்பிணி பெண்கள் சிலரில் குருதியின் அளவு குறைவாக இருப்பதாக கூறுகிறார்கள். இவ்வாறு கர்ப்பிணி பெண்களின் குருதியின் அளவு குறைவாக உள்ள போது இதனை எவ்வாறு அதிகரிக்க முடியும்?

பதில்: கர்ப்பிணி பெண்களின் குருதியின் அளவு HB மூலம் அறியப்படும். HBஇன் அளவு 11இற்கும் குறைவாக இருப்பின் கர்ப்பிணி பெண்களில் குருதியின் அளவு குறைவு என முடிவு செய்யப்படும்.

இவ்வாறு குறைவடைந்த குருதியினால் சிசு வளர்ச்­சிக்கு ஆபத்துகள் வந்துவிடும். ஆகையால் தாயில் குருதியின் அளவை அதிகரிக்க சிகிச்சைகள் மேற்கொள்ள வேண்டும்.

அதாவது இரும்புச் சத்து கொண்ட விற்றமின் மாத்திரைகள் போலிக் அசிட்டுடன் சேர்த்து ஒழுங்காக தினமும் எடுக்க வேண்டும்.

அத்துடன் இரும்புச் சத்து நிறைந்த உணவுகளாக கீரை வகைகள், பச்சை மரக்கறிகள், மீன் வகைகள் என்பன சேர்க்கப்பட வேண்டும். அத்துடன் பூச்சி மருந்தைக் கூட கர்ப்பிணி பெண் எடுக்க வேண்டும். சிலவேளைகளில் வயிற்றில் இருக்கும் பூச்சி குருதியை குடிப்பதால் குருதியின் அளவு குறைவடைய முடியும். எனவே, பூச்சிமருந்தை எடுத்து இவ்வகை பூச்சிகளை கட்டுப்படுத்துவதன் மூலம் தாயின் குருதியை கூட்ட முடியும்.

கேள்வி: கர்ப்பகாலத்தில் கணவன் - மனைவி தாம்பத்திய உறவை மேற்கொள்வது ஆபத்தானதா இதனால் பின் விளைவுகள் ஏற்படுமா?

பதில்: கர்ப்பகாலத்தின் போது கணவன் - மனைவி தாம்பத்திய உறவில் ஈடுபடுவதில் எவ்வித ஆபத்துகளுமில்லை. அதாவது ஆரம்ப கர்ப்பகாலத்திலிருந்து இறுதிக் கர்ப்பகாலம் வரைக்கும் எவ்வித தடைகளுமில்லை. ஆனால் கர்ப்பகாலத்தில் குருதிக்கசிவு ஏதும் ஏற்பட்டால், அல்லது தொப்புள் நச்சுக்கொடி (Placenta) கர்ப்பப்பையின் வாயை மூடி வளர்ந்திருந்தால், அல்லது தண்ணீர்க்குடம் (Water Bag) உடைந்து நீர் வெளியேற்றம் இருந்தால், தாம்பத்திய உறவைத் தவிர்த்துக் கொள்ள வேண்டும்.

அத்துடன் இறுதிக் கர்ப்பகாலத்தில், அதாவது பிரசவ திகதியை அண்மித்த காலப்பகுதியில் தாம்பத்திய உறவில் ஈடுபடுவது பிரசவவலியை ஆரம்பிப்பதற்கு உதவும் என்பதும் உண்மையாகும். கர்ப்பகாலத்தில் தாம்பத்திய உறவில் ஈடுபடும்போது பெண்ணின் வயிற்றில் பாரத்தை அல்லது கூடிய தாக்கத்தினை ஏற்படுத்தாது பெண் மேலேயும் ஆண் கீழேயும் உள்ள நிலையில் உறவை மேற்கொள்வது ஆரோக்கியமானதாகும்.

கேள்வி: எனது வயது 64. ஐந்து பிள்ளைகளின் தாய் எனக்கு 50 வயதில் கட்டி காரணமாக கர்ப்பப்பை அகற்றப்பட்டுவிட்டது. ஆனால், தற்போது கடந்த ஆறு மாதங்களாக எனக்கு யோனிவாசல் வழியாக குடல் இறக்கம் போன்று ஏற்படுகிறது.

இதனால் எனக்கு அசெளகரியமாக உள்ளது. இவ்வாறு ஏற்கனவே கர்ப்பப்பை அகற்றப்பட்ட எனக்கு எவ்வாறு மீண்டும் யோனிவாசல் வழியாக குடல் இறக்கம் ஏற்படும்? இதற்கு என்ன சிகிச்சை செய்ய வேண்டும்?

பதில்: கர்ப்பப்பை ஏற்கனவே அகற்றப்பட்டவர்களில் சில காலங்களுக்கு பின்னர் சிலரில் கர்ப்பப்பை இறக்கம் போன்று குடல் இறக்கம் யோனிவாசல் வழியாக ஏற்படும். இதனை Vault Prolapse என்பார்கள்.

இதன்போது யோனிவாசல்தான் குடல் இறக்கம் போன்று இறங்கி வெளியே தள்ளப்பட்டு காணப்படும்.

இதனை மருந்துகள் மூலம் குணப்படுத்த முடியாது. ஆனால் இதற்கென சத்திர சிகிச்சைகள் உள்ளது. இதன்மூலம் இந்தப் பிரச்சினையை எளிதாக குணப்படுத்த முடியும்.

கர்ப்பத்தின் ஆரம்ப காலத்தில் தவிர்க்க வேண்டிய உணவுகள்!

ஒவ்வொரு பெண்ணின் வாழ்க்கையும் தாய்மை அடைந்த பின்னரே நிறைவுறுகிறது. அந்த வகையில் கருத்தரிக்கும் போது பெண்கள் மிகவும் கவனமாக இருக்க வேண்டும். அதிலும் கர்ப்பத்தின் ஆரம்ப காலத்தில் உண்ணும் உணவுகளில் இருந்து, மேற்கொள்ளும் பழக்கங்கள் வரை அனைத்திலும் மிகுந்த கவனத்துடன் இருக்க வேண்டும்.

ஏனெனில் தற்போதுள்ள ஆரோக்கியமற்ற உணவுப் பழக்கங்கள் மற்றும் வாழ்க்கை முறையினால், கருத்தரிப்பதே கஷ்டமான ஒரு விஷயமாகிவிட்டது. எனவே கருத்தரித்த பின்னர் பெண்கள் ஆரோக்கியமான வாழ்க்கை முறை மற்றும் உணவுப் பழக்கங்களை மேற்கொள்ள வேண்டும். இல்லாவிட்டால், அது வயிற்றில் வளரும் சிசுவிற்கு பெரும் ஆபத்தை ஏற்படுத்திவிடும்.  குறிப்பாக கர்ப்பிணிகள் கர்ப்பத்தின் முதல் மூன்று மாதத்தில் உண்ணும் உணவுகளில் கவனமாக இருக்க வேண்டும்.

கர்ப்ப காலத்தில் பழங்களை அதிகம் சாப்பிட வேண்டும். ஆனால் ஒருசில பழங்களை தொடவே கூடாது. அதில் பப்பாளி மற்றும் அன்னாசி கருவிற்கு ஆபத்தை விளைவிக்கும் பழங்கள். எனவே இதனை தொடாதீர்கள்.

மீன்களில் அதிக அளவில் கல்சியம் இருப்பதால், அதனை அளவுக்கு அதிகமாக சாப்பிடக்கூடாது. குறிப்பாக சுறா மற்றும் ராஜா கானாங்கெளுத்தி போன்றவைகளை சாப்பிடவே கூடாது. வேண்டுமானால் சால்மன் மீன் சாப்பிடலாம். ஆனால் அதுவும் மாதத்திற்கு ஒரு முறை நன்கு வேக வைத்து சாப்பிட வேண்டும்.

இறைச்சிகளை சாப்பிடும் போது பாதியாக வேக வைத்து சாப்பிடக்கூடாது. இதனால் இறைச்சியில் உள்ள கிருமியானது சிசுவிற்கு பாதிப்பை ஏற்படுத்தும். எனவே இறைச்சியை நன்கு மென்மையாக வேக வைத்து சாப்பிட வேண்டும். மேலும் பதப்படுத்தப்பட்ட இறைச்சிகளை தொடவே கூடாது.

பாலில் புரோட்டீன் மற்றும் கனிமச்சத்துக்கள் அதிகம் இருப்பதால், கர்ப்பிணிகள் பாலை அதிகம் குடிப்பார்கள். ஆனால் எக்காரணம் கொண்டும் பாலை பச்சையாக குடிக்கக்கூடாது.
அனைவருக்குமே முட்டை பிடிக்கும். ஆனால் கர்ப்பிணிகள் முட்டையை பச்சையாகவோ அல்லது பாதியாக வேக வைத்ததையோ சாப்பிடாமல், நன்கு வேக வைத்த முட்டையை தான் சாப்பிட வேண்டும்.

அனைத்து பாற்கட்டிகளுமே ஆபத்தானவை அல்ல. ஆனால் ஒருசில பாற்கட்டிகளானது சுத்திகரிக்கப்படாத பச்சையான பால் கொண்டு தயாரிக்கப்பட்டிருக்கும். அத்தகைய பாற்கட்டிகளை கர்ப்பிணிகள் தவிர்க்க வேண்டும். வேண்டுமானால், சுத்திகரிக்கப்பட்ட பால் கொண்டு செய்யப்பட்ட பாற்கட்டி சாப்பிடலாம்.
பலச்சாறு என்று கடைகளில் விற்கப்படும் பலச்சாறுகளை வாங்கி குடிப்பதை கர்ப்பிணிகள் தவிர்க்க வேண்டும். ஏனெனில் அவற்றில் சுத்தம் இருக்காது. வேண்டுமானால், வீட்டிலேயே செய்து குடிக்கலாம்.

கர்ப்பத்தின் ஆரம்ப காலத்தில் கர்ப்பிணிகள் தவிர்க்க வேண்டிய உணவுப் பொருட்களில் ஒன்று தான் ஈரல் எனப்படும் இறைச்சிகளின் கல்லீரல். ஏனெனில் இவற்றில் வைட்டமின் ஏ அளவுக்கு அதிகமாக இருப்பதால், இது சிசுவிற்கு பாதிப்பை ஏற்படுத்தும்.

காப்பைன் உள்ள பொருட்களை, கர்ப்பத்தின் ஆரம்பத்தில் தவிர்க்க வேண்டும். மேலும் கர்ப்ப காலம் முழுவதும் அளவாகத் தான் காப்பைன் உள்ள பொருட்களான தேனீர், காபி, சாக்லெட், குளிர் பானங்கள் போன்றவற்றை உட்கொள்ள வேண்டும்.

எக்காரணம் கொண்டும் ஆல்கஹால் கர்ப்பத்தின் ஆரம்ப காலத்தில் சுவைத்துக் கூட பார்த்துவிட வேண்டாம். இதனால் குழந்தையின் வளர்ச்சி பாதிக்கப்பட்டு, சில சமயங்களில் கருச்சிதைவையும் ஏற்படுத்திவிடும்.

ரஜினிகாந்த் நலம் விசாரித்தார்!

பிரபல நடிகரும் கர்நாடக அமைச்சருமான அம்பரீஷ் (62) திடீர் உடல்நலக்குறைவு காரணமாக‌ பெங்களூரில் உள்ள தனியார் மருத்துவமனையில் தீவிர சிகிச்சைப் பிரிவில் அனுமதிக்கப் பட்டுள்ளார். அவரது உடல்நலம் குறித்து நடிகர் ரஜினிகாந்த் தொலை பேசி மூலம் குடும்பத்தினரிடம் விசாரித்தார்.

கடந்த‌ வெள்ளிக் கிழமை இரவு அம்பரீஷுக்கு திடீரென மூச்சுத்திணறல் ஏற்பட்டது. இதனால் அவரது வீட்டில் மயங்கி விழுந்தார். உடனடியாக அவருடைய குடும்பத்தார் பெங்களூர் மில்லர்ஸ் சாலையில் உள்ள விக்ரம் மருத்துவமனைக்குக் கொண்டு சென்றனர். அங்கு தீவிர சிகிச்சைப் பிரிவில் அனுமதிக்கப் பட்டார்.

இதுதொடர்பாக `விக்ரம்' மருத்துவமனையின் தலைமை மருத்துவர் சதீஷ் கூறுகையில், "அம்பரீஷ் உடல்நிலை கடுமையாக பாதிக்கப்பட்டிருந்தது. தீவிர சிகிச்சைக்குப் பிறகு தற்போது தேறி வருகிறார். அவருடைய கல்லீரலில் சிறிதளவு அடைப்பு ஏற்பட்டிருக்கிறது. அதனை விரைவில் நீக்க இருக்கிறோம். இதன் பிறகு அவர் விரைவில் குணமடைவார்" என்றார்.

அம்பரீஷுக்கு உடல்நிலை பாதிக்கப்பட்ட தகவல் வேகமாக பரவியது. இதையடுத்து, வெள்ளிக்கிழமை நள்ளிரவில் ஆயிரக் கணக்கான ரசிகர்கள் அவர் அனுமதிக்கப்பட்டிருந்த 'விக்ரம்' மருத்துவமனை பகுதியில் குவிந்தனர். உடனடியாக மில்லர்ஸ் சாலை போலீசார் பாதுகாப்புப் பணியில் ஈடுபடுத்தப்பட்டனர்.

நடிகையும், மண்டியா தொகுதி எம்.பி.யுமான ரம்யா டெல்லியிலிருந்து நேராக மருத்துவ மனைக்கு வந்து அம்பரீஷிடம் நலம் விசாரித்தார். சிவராஜ்குமார், தர்ஷன், சுதீப் உள்ளிட்ட கன்னட நடிகர்களும் மருத்துவமனைக்கு வந்தனர்.

அதேபோல சனிக்கிழமை அதிகாலை கர்நாடக முதல்வர் சித்தராமய்யா அம்பரீஷை சந்தித்து நலம் விசாரித்தார். நடிகர் ரஜினி காந்த் அம்பரீஷ் குடும்பத்தாரிடம் தொலைபேசியில் தொடர்பு கொண்டு நலம் விசாரித்தார். 

உடல் எடையை எளிதாக குறைக்க ஐஸ் கட்டி சாப்பிடுங்கள்!

ஐஸ் கட்டியை சாப்பிடுறவங்களா நீங்க? அதனால் ஒரு நன்மை இருக்கிறது. என்னவென்றால், ஐஸ் கட்டிகளை சாப்பிட்டால் உடலில் இருக்கும் அதிகமான பவுண்டுகள் குறையுமாம். அந்த ஐஸ் கட்டிகள் உடலுக்கு குளிர்ச்சியை தருவதோடு மட்டுமல்லாமல், உடல் எடையையும் குறைக்க செய்கிறது. அது எப்படியென்று படித்து தெரிந்து கொள்ளுங்களேன்...

உடல் எடை எளிதில் குறைய...

* எப்போது ஐஸ் கட்டிகளை சாப்பிடுகிறோமோ, அப்போது உடலில் இருக்கும் கலோரிகள் மற்றும் கொழுப்புகள் கரைகிறது. ஏனெனில் ஏற்கனவே நமது உடலில் சாதாரணமாக ஒரு குறிப்பிட்ட வெப்பநிலையானது இருக்கும். அதில் மேலம் இந்த ஐஸ் கட்டிகளை சாப்பிடுவதால், உடலில் வெப்பநிலை அதிகரித்து, உடலில் இருக்கும் அதிகமான கொழுப்புகள் மற்றும் கலோரியை கரைத்துவிடுகின்றது.

* ஐஸ் கட்டிகளை சாப்பிடுவதால் வேறு எந்த உணவையும் உண்ணக்கூடாது என்று கட்டுப்பாடு எல்லாம் இல்லை. எது வேண்டுமானாலும் உண்ணலாம். ஆனால் உண்டப் பின் கண்டிப்பாக ஐஸ்கட்டிகளை சாப்பிட வேண்டும். இதனால் உடல் எடை எளிதாக குறையும்.

* பசியைக் கட்டுப்படுத்தும் உணவுகளை சாப்பிட்டால் உடல் எடை குறைகிறதோ, அதேப் போல் தான் ஐஸ் கட்டிகளும் அதில் ஒன்று. ஏனெனில் கிரீன் டீ குடித்தால் என்ன நன்மை கிடைக்கிறதோ, அதே நன்மை தான் ஐஸ் கட்டிகளை சாப்பிட்டாலும் கிடைக்கும்.

* ஐஸ் கட்டியும் ஒரு பசியைத் தடுக்கும் பொருள். இதனால் உட்கொள்வதால் உடல் எடையானது விரைவில் குறையும்.

* எப்போதெல்லாம் பசி ஏற்படுகிறதோ, அப்போதெல்லாம் ஐஸ் கட்டிகளை சாப்பிட்டால் பசியானது அடங்கிவிடும். ஆகவே உடலில் கலோரிகளின் எண்ணிக்கையும் குறைவாகவே இருக்கும். அதனால் எடையும் குறையும்.

* ஐஸ் தண்ணீருடன் சிறிது ஐஸ் கட்டிகளை உடைத்து போட்டு குடிக்க வேண்டும். அது பற்களுக்கு நல்ல ஆரோக்கியத்தை தரும். ஆனால் அப்படியே ஐஸ் கட்டிகளை சாப்பிட்டால் பற்கள் வலுவை இழக்கும். ஆகவே அதனை தண்ணீராகத் தான் குடிக்க வேண்டும்.

* எப்போது எடை குறைந்தது போல் உணர்கிறீர்களோ, அப்போது அந்த ஐஸ் கட்டிகளை சாப்பிடுவதை நிறுத்திவிட வேண்டும். அளவுக்கு அதிகமாக ஐஸ் கட்டிகளை சாப்பிட்டால், அது பற்களுக்குத் தான் பாதிப்பை ஏற்படுத்தும். முக்கியமாக ஐஸ் கட்டிகளை எந்த காரணம் கொண்டும் கடித்து சாப்பிட வேண்டாம். மேலும் ஐஸ் உடலில் இருமல், தொண்டை வலி போன்றவற்றை ஏற்படுத்திவிடும். ஆகவே எடை குறைய வேண்டும் என்பதற்காக அளவுக்கு அதிகமாக சாப்பிட வேண்டாம். ஏனெனில் "அளவுக்கு மிஞ்சினால் அமிர்தம் கூட நஞ்சு தான்" என்பதை மனதில் கொண்டு எதையும் உண்ண வேண்டும்.

கண்களில் கருவளையம் ஏற்படக் காரணம் என்ன?

முகத்தின் அழகைக் கெடுப்பதில் முக்கியமான ஒன்று தான் கருவளையம். அத்தகைய கருவளையம் சிலருக்கு அதிகம் இருக்கிறது. ஆனால் அது எதற்கு வருகிறது என்று பலரும் தெரியாமல் இருக்கின்றனர். மேலும் அவற்றை மறைக்க பல அழகு சாதனப் பொருட்களை பயன்படுத்துகின்றனர். கருவளையங்கள் உண்மையில் வருவதற்கு காரணம் நம்முடைய பழக்கவழக்கங்களே. அந்த ஒரு சில பழக்கவழக்கங்களால் நம் கண்களைச் சுற்றி கருப்பாக தோன்றும். அதுமட்டுமல்லாமல் ஒரு சில நோய்கள் இருந்தாலும் கருவளையமானது வரும். அந்த பழக்கவழக்கங்களை மாற்றினால் மற்றும் அது என்னென்ன நோய்கள் என்பதை தெரிந்து கொண்டு, அந்த பழக்கவழக்கங்களை செய்யாமல், நோய்களை தடுப்பதற்கேற்ற வழிமுறைகளை பின்பற்றி. நமது கண்களை பொலிவோடு அழகாக வைக்க, இதோ சில டிப்ஸ்...

நோய்கள் : அனிமியா மற்றும் சிறுநீரகக் கோளாறு போன்றவை இருந்தால், கருவளையமானது ஏற்படும். ஆகவே அத்தகைய பாதிப்பு இருப்பவர்கள், உடனடியாக மருத்துவரை அணுகி மருந்துகளை உட்கொள்ள வேண்டும். அத்தகைய மருந்துகள் நோய்களை மட்டும் குணப்படுத்துதோடு, கண்களைச் சுற்றி உள்ள கருவளையங்களையும் போக்கும்.

களைப்பு மற்றும் தூக்கம் : அளவுக்கு அதிகமான வேலை இருப்பதால், உடலிலும், மனதிலும் அழுத்தமானது அதிகமாக ஏற்படும். இந்த செயல் கண்களைச் சுற்றி ஒரு வளையம் போன்றவற்றை ஏற்படுத்திவிடும். மேலும் சரியான தூக்கம் இல்லாவிட்டாலும், கண்களில் கருவளையமானது வரும். அதிலும் தூங்கும் போது குப்புற படுத்து தூங்கக்கூடாது. அதனால் முகத்திற்கு அழுத்தம் ஏற்பட்டு, கண்களுக்கு பாதிப்பை ஏற்படுத்தும்.

நீர் குறைவு : குடிக்கும் நீரின் அளவு குறைவாக இருந்தாலும் கருவளையமானது வரும். அதிலும் குறைவான அளவு நீரானது உடலில் இருந்தால், சரியான இரத்த ஓட்டமானது இல்லாமல், கண்களுக்கு செல்லும் இரத்தத்தின் அளவு குறைந்து, கண்களில் கருவளையத்தை உண்டாக்கிவிடும். ஆகவே ஒரு நாளைக்கு குறைந்தது 5-6 லிட்டர் தண்ணீரை குடிக்க வேண்டும். அதனால் அழகான கண்களை எளிதாக பெறலாம்.

நிறமூட்டும் நிறமிகள் : சூரியக்கதிர்கள் சருமத்தில் அதிகம் படுவதால், நிறமூட்டும் நிறமிகளான மெலனின் உருவாக்கம் அதிகரிக்கிறது. எந்த இடத்தில் அதிகமான அளவு மெலனின் இருக்கிறதோ, அந்த இடம் கருப்பாக மாறிவிடும். ஆகவே வெளியே செல்லும் போது கண்களுக்கு சன்கிளாஸ் அணிந்து செல்ல வேண்டும். இதனால் கண்களில் சூரியக் கதிர்கள் படுவதைத் தடுக்கலாம்.

மேக்கப் : சென்சிடிவ் சருமம் இருப்பவர்கள், அந்த சருமத்திற்கு அதிகமாக அழகு சாதனப் பொருட்களை பயன்படுத்தக்கூடாது. ஏனெனில் அழகு சாதனப் பொருட்களில் கெமிக்கல்கள் அதிகமாக இருப்பதால், அவை சருமத்திற்கு அலர்ஜியை ஏற்படுத்திவிடும். அதிலும் அத்தகைய அழகுப் பொருட்கள் பயன்படுத்தும் போது முதலில் கண்களிலேயே, அதன் அறிகுறியான அலர்ஜி தெரியும். அந்த அலர்ஜி நாளடைவில் கருவளையமாக மாறிவிடுகிறது. ஆகவே அவ்வாறு தெரிந்தால் கண்ட அழகுப் பொருட்களை எல்லாம் வாங்கி உபயோகிக்காமல், ஹைப்போ-அலர்ஜிக் காஸ்மெடிக்ஸ்களை வாங்கி பயன்படுத்தினால், எந்த ஒரு பாதிப்பும் இருக்காது.

ஆரோக்கியமற்ற வாழ்க்கைமுறை : புகைப்பிடித்தல், மது அருந்துதல், இரவு நேரங்களில் அதிக நேரம் ஊர் சுற்றுதல் போன்றவற்றாலும் கருவளையங்கள் வரும். மேலும் உடலிலேயே மற்ற இடங்களை விட, கண்களை சுற்றிள்ள பகுதி மிகவும் மெல்லியது. ஆகவே எந்த ஒரு நிகழ்வு உடலில் நடந்தாலும், அது முதலில் நம் கண்களிலேயே தெரிந்துவிடும். ஆகவே இவற்றையெல்லாம் தவிர்க்க வேண்டும்.

ஆண்களின் தாடியில் ஏற்படும் பொடுகை போக்கும் வழிகள்!

 இன்றைய காலகட்டத்தில் அதிக அளவு சூரிய வெப்பத்தின் காரணமாக உடலில் இருக்கும் நீர்ச்சத்துக்கள் குறைந்து, உடல் விரைவில் வறட்சியாகி விடுகிறது. இதனால் தலையில் பொடுகுத் தொல்லை, கூந்தல் உதிர்தல் போன்றவை ஏற்படுகிறது, இத்தகைய தொல்லை பெண்களுக்கு மட்டும் இல்லை, ஆண்களுக்கும் தான் இருக்கிறது. அதிலும் ஆண்கள் பெரிதும் அவஸ்தைப்படுவது, பொடுகுத் தொல்லைகளாலேயே. அதுமட்டுமல்லாமல் உதடுகளில் வறட்சி, செதில் போன்று தோல் வருதல் மற்றும் தாடிகளில் தலைப் பொடுகு வருவது போன்றவைகளும் ஏற்படுகின்றன. அதனால் அவர்களுக்கு விரைவில் வயது முதிர்ந்த தோற்றமானது ஏற்படுகிறது.

அதிலும் சில ஆண்கள் தலையில் பொடுகிற்கு பயன்படுத்தும் ஆன்டி-டான்ட்ரப் ஷாம்புகளை, தாடிகளில் பொடுகு வருகிறது என்று பயன்படுத்துகின்றனர். அவ்வாறு பயன்படுத்துவதால் சருமம் தான் பாதிக்கப்படும். ஆகவே அப்போது அதனையெல்லாம் பயன்படுத்தாமல், தலையில் வரும் பொடுகு முகத்திற்கு வருவதற்கு காரணமான தலையணை உறை, பெட்சீட் போன்றவற்றை நன்றாக துவைத்து பயன்படுத்த வேண்டும். மேலும் ஒரு சில வீட்டு மருந்துகளையும் பயன்படுத்தினால், அவற்றை வராமல் தடுக்கலாம்.

தாடிகளில் உள்ள பொடுகு போவதற்கு...

* வேப்ப எண்ணெயை தலைக்கு, புருவத்திற்கு, தாடிக்கு தேய்த்து வந்தால் பொடுகு வராமல் இருப்பதோடு, சருமமும் வறட்சி அடையாமல் இருக்கும். ஏனெனில் இவை பொடுகுகளை ஏற்படுத்தும் பூஞ்சைகளை அழித்துவிடும்.

* எலுமிச்சையும் ஒரு சிறந்த எளிதான மருந்து. அதற்கு எலுமிச்சை சாற்றை பிழிந்து தாடிகளில் தேய்க்கலாம் அல்லது எலுமிச்சையின் தோலை வைத்து தாடிகளில் தேய்த்து மசாஜ் செய்யலாம். இதனால் தலைகளில், தாடிகளில், புருவத்தில் வரும் பொடுகளை தவிர்க்கலாம்.

* வெந்தயத்தை மோரில் ஊற வைத்து, அரைத்து, அந்த பேஸ்டை முகத்திற்கு, கூந்தலுக்கு தடவினால், பொடுகுத் தொல்லை வராமல் இருக்கும்.

* மற்றொரு முறை வீட்டிலேயே பொடுகிற்கான ஷாம்புகளை தயாரிக்கலாம். அதற்கு 3 டேபிள் ஸ்பூன் சீகைக்காய், 1 டீஸ்பூன் நெல்லிக்காய் பொடி, வேப்பிலைப் பொடி, ஹென்னா மற்றும் தயிர் சேர்த்து, பேஸ்ட் போல் செய்து கொள்ளவும். பின் அதனை கூந்தல், தாடி, புருவம் போன்றவற்றில் தடவி, காய வைத்து, பின் குளிர்ந்த நீரில் அலசவும்.

* பாகற்காய் பசை, மஞ்சள், கற்றாழை ஜெல் மற்றும் எலுமிச்சை ஆகியவற்றை கலந்து, முகத்திற்கு தடவினால், பொடுகு போவதுடன், சருமமும் வறட்சி இல்லாமல் இருக்கும்.

வறண்ட சருமத்திற்கு, சரும வெடிப்புக்காக கடைகளில் விற்கும் சோப்புகளை பயன்படுத்த வேண்டாம். மேலும் மூன்று நாட்களுக்கு ஒரு முறை கூந்தலை அலசினால், தலையில் பொடுகு வருவதைத் தடுக்கலாம். தலைக்கு குளிக்கும் அரை மணி நேரத்திற்கு முன், கூந்தலுக்கு எண்ணெயை தடவி ஊற வைத்து, பின் குளிக்கவும். இதனால் சருமம் வறட்சியடையாமல் இருக்கும்.

சிறந்த குரல் வளம் கிடைக்க ஏலக்காய் சாப்பிடுங்கள்!

சமையலில் வாசனைக்காக அனைத்து உணவுகளிலும் பயன்படுத்தும் ஒரு பொருள் தான் ஏலக்காய். அதிலும் இந்த ஏலக்காய் இந்திய உணவுகளிலேயே அதிகமாக பயன்படுத்தப்படும். சொல்லப்போனால், அந்த பொருள் பயன்படுத்தாத உணவுகளே இல்லை என்றே கூறலாம். மேலும் சிலர் அந்த ஏலக்காய் பிடிக்காது என்பதற்காக அதனை சேர்க்காமல் இருப்பர். ஏனெனில் மசாலா பொருளான ஏலக்காயை உணவில் சேர்ப்பதால் என்ன பயன் என்பது அவர்களுக்கு தெரியவில்வை மற்றும் பலருக்கும் தெரியாது. ஆகவே அதன் உண்மையான மருத்துவ குணம் என்னவென்று சற்று படித்து தெரிந்து கொள்ளுங்களேன்...

* ஏலக்காய் ஒரு மசாலாப் பொருள் என்பதால், அதை உணவில் சேர்க்கும் போது உடலில் இருக்கும் வயிற்றுத் தொல்லைகள் போன்றவற்றை சரி செய்யும். மேலும் உடலில் செரிமானமும் நன்கு நடைபெறும்.

* ஆஸ்துமாவால் பாதிக்கப்பட்டவர்கள் அல்லது மூச்சுக்குழாயில் பிரச்சனை இருப்பவர்கள், அதனை சாப்பிட்டால், சரியாகிவிடும். அதிலும் ஏலக்காயை தேனுடன் கலந்து சாப்பிட்டால் தொண்டை வலி, இருமல் போன்றவை குணமாகும்.

* ஏலக்காயின் முக்கியமான பயன் என்னவென்றால். சூரிய வெப்பத்தால், உடலில் வெப்பம் அதிகம் ஏற்படாமல் பார்த்துக் கொள்ளும். மேலும் பக்கவாதம் வராது. அதிலும் வெளியே செல்லும் போது ஏலக்காயை வாயில் போட்டு மென்று சென்றால், வெப்ப அலைகள் உடலை தாக்காமல் பார்த்துக் கொள்ளும்.

* இந்தியாவில் சில இடங்களில் ஏலக்காய் பொடி மற்றும் சந்தனப் பொடியை பேஸ்ட் போல் செய்து, தலை வலிக்கும் போது தடவுவார்கள். மேலும் சிலர் குடிக்கும் டீ-யில் ஏலக்காய் சேர்த்து கொதிக்க வைத்து குடிப்பார்கள். இதனாலும் தலை வலி குறைந்துவிடும்.

* ஆயுர்வேத கொள்கையின் படி, ஏலக்காய் உடலில் உள்ள மூன்று தோஷங்களான வாதம், பித்தம், கபம் போன்றவற்றிற்கு சிறந்தது. இவை உடலில் இந்த மூன்றையும் சமநிலையில் வைத்து, உடலை ஆரோக்கியமாக வைக்கிறது என்று சொல்லப்படுகிறது. ஆகவே இதனை உண்டால் நன்கு ஆரோக்கியமாக வாழலாம்.

மேலும் அதனை உண்பதால், நல்ல குரல் வளத்தையும் பெற முடியும். ஆகவே இனிமேலாவது ஏலக்காயை உணவில் சேர்த்துக் கொள்ளுங்கள். ஆரோக்கியத்துடன் வாழலாம்.

உணர்ச்சி… உணர்வு.. என்னங்க வித்தியாசம்..?

உணர்ச்சி… உணர்வு.. என்னங்க வித்தியாசம்..?

வெளியிலே கிளம்பறபோது ஒரு ஸ்ப்ரே எடுத்து விஷ்க்ன்னு அங்கே இங்கே அடிச்சுக் கறோமே! அது உணர்ச்சி. பூஜையறைக்குள்ள, பூக்களோட வாசனைக்கு போட்டியா, காற்றில் கை கோர்த்து கமகமன்னு வருது பாருங்க, ஊதுவத்தி வாசனை… அது உணர்வு.


அலை போல வீசுகிறது உணர்ச்சி. ஆற அமர அனுபவிக்கிறது உணர்வு. ஜெயிக்கணும்னு நினைக்கறவங்களுக்கு இது ரெண்டுலே எது வேணும்னு கேட்கிறீங்களா? இரண்டுமே வேணும்ங்க!


அலை வீச்சுலே அழகும் இருக்கு. அதே நேரம் அது ஒரு வேகத்தில் வந்து போயிடும். அந்த உணர்ச்சியின் விளைவு உங்களுக்குள்ளே தீர்க்கமான முடிவுகளை எடுக்க வைச்சா ரொம்ப நல்லதுங்க. அடிமை தேசத்திலே நம்ம தலைவர் களுக்கு ஏற்பட்டது அவமான உணர்ச்சி. அதை அவங்க சுதந்திர உணர்வா மனமாற்றம் செய்தாங்க பாருங்க…. அங்கே ஆரம்பமானதுதான் வளர்ச்சி, மலர்ச்சி, புரட்சி, எல்லாமே!!


இது தேசத்துக்கு மட்டுமில்லை! நமக்கும் பொருந்தும் வாழ்வில் ஒரு விநாடியில் வந்து போகிற உணர்ச்சி வேகம். ஒரு மௌனமான சபதத்துக்கு வழிவிட்டா நாம முன்னேறுவதா அர்த்தம். ஆத்திரத்திலே அறிவை மறைச்சா பின்னடைவுன்னு அர்த்தம்.


உணர்ச்சியை உள்வாங்கி உணர்வா மாத்திக்கத் தெரியணும். ஒரு பொருளை திருட்டிலே பறிகொடுத்ததும் வருவது ஆத்திர உணர்ச்சி. அதன் பிறகு எச்சரிக்கையா இருந்தா, அதுக்குப் பேர் விழிப்புணர்வு.


ஒரு தவறு செய்து தலைகுனிய நேர்கையில் ஏற்படுவது அவமான உணர்ச்சி. அதை சரியா உள்வாங்கி நெறியா நடக்கத் தொடங்கினா, அதுக்குப்பேர் பொறுப்புணர்வு. உணர்ச்சிமயமான சூழலிலே ஒரே விஷயத்தில் கவனம் செலுத்தனாலே போதும். இந்த உணர்ச்சி உங்களை உணர்த்தப் போகுதா? வீழ்த்தப் போகுதா? உயர்த்தப் போகுதுன்னா அது அந்த உணர்ச்சியின் தாக்கம். வீழ்த்தப் போகுதுன்னா, அது அந்த உணர்ச்சியோட பாதிப்பு.


அட! உணர்ச்சி ‘ உணர்வு இரண்டும் எப்படி வேறயோ அதே போல பாதிப்பு ‘ தாக்கம் இரண்டும்கூட வேறதான். வார்த்தைகளை வெறும் வார்த்தைகளாப் பார்க்காம வாழ்க்கையா பார்க்கிற போதுதான், இன்னும் ஆழமா வாழ்வதா அர்த்தம். இன்னும் வேகமாக வளரப் போவதாகவும் அர்த்தம்.

என்னை கவர்ச்சி நாயகியாக்க கங்கனம்...!

கேடி பில்லா கில்லாடி ரங்கா, தேசிங்குராஜா படங்களின் வெற்றியை தொடர்ந்து பிந்துமாதவி தற்போது நடித்து கொண்டிருக்கும் படம் "ஒரு கன்னியும் மூணு களவாணிகளும் " இப்படத்தில் பிந்துமாதவியோடு சித்தார்த்துடன் உதயம் என்எச்4 என்ற படத்தில் நடித்த அர்ஷிதா ஷெட்டியும் இன்னொரு நாயகியாக நடிகிறாராம்.

இதையடுத்து தமிழில் வளரத் துடிக்கும் அர்ஷிதா, பிந்து மாதவியை முந்திச்சென்று விட வேண்டும் என்று நடிப்பில் கடும் போட்டிக் கோதாவில் இறங்கியதாக கூறுகிறார்கள்.

இதுபற்றி பிந்துமாதவி கூறுகையில், எந்த படமாக இருந்தாலும் இரண்டு கதாநாயகிகள் என்கிற போது, இருவருக்குள்ளும் நடிப்பில் போட்டி ஏற்படுவது சகஜமான விசயம். அப்படித்தான் இந்த படத்தில் நடிக்கும் போது எங்களுக்குள் ஏற்பட்டது..

மேலும் இந்த படம் முழுநீள காமெடி ஸ்கிரிப்ட் என்பதால் இந்த படத்திலிருந்து காமெடி நாயகியாகவும் உருவெடுத்திருக்கிறேன். ஏற்கனவே விமலுடன் நடித்த கேடி பில்லா கில்லாடி ரங்கா படத்திலேயே காமெடிக்கு பிள்ளையார் சுழி போட்ட நான், இந்த படத்தில் இன்னும் பெரிய அளவில் ஸ்கோர் பண்ணியிருக்கிறேன். அதனால், இந்த படமும் எனக்கு நடிப்பில் சவாலாகவே இருந்தது.

அதேசமயம், இதில் எனது நடிப்பைப்பார்த்து இனிமேல் காமெடி கலந்த கதாபாத்திரங்கள் என்றால் கட்டாயம் டைரக்டர்கள் என்னைத்தான் அழைப்பார்கள். அந்த அளவுக்கு எனக்குள் இருந்த காமெடி சென்ஸை வெளியே கொண்டு வந்திருக்கிறார் இயக்குனர்.

என்னை கவர்ச்சி நாயகியாக மாற்ற சில டைரக்டர்கள் தொடர்ந்து கங்கனம் கட்டிக்கொண்டு திரியும் நிலையில், காமெடி என்ற நல்லதொரு பாதுகாப்பு கவசத்தை என் மீது அணிந்து விட்டிருக்கிறார் இயக்குநர் என்கிறார் பிந்துமாதவி. 

பரபரப்பு போஸ்டர் ஒட்டிய டைரக்டர் !

தமிழில் ரம்யா என்ற பெயரில் குத்து படத்தில் அறிமுகமான குத்து ரம்யா, முதலில் இவர் கன்னட படங்களில் திவ்யாஸ் பந்தனா என்ற பெயரிலே நடித்து வந்தார்.

ரம்யா சமீபத்தில் காங்கிரஸ் கட்சியில் இணைந்து மாண்டியா தொகுதி இடைத் தேர்தலில் வெற்றி பெற்று எம்.பி ஆனார். வருகிற பாராளுமன்ற தேர்தலில் மீண்டும் அதே தொகுதியில் போட்டியிட இருக்கிறார். பிப்ரவரி 21 அன்று பெங்களூர் நகரில் பரபரப்பு போஸ்டர் ஒன்றை ஒட்டியிருந்தார் கன்னட டைரக்டர் வெங்கட் என்பவர்.

அந்த போஸ்டரில் இருந்தது பின்வருமாறு :

“ரம்யா… என்னுடைய எண்ணங்களை ஏன் புரிந்து கொள்ளாமல் இருக்கிற. என்னுடைய காதலை ஏற்றுக் கொள்வாயா? மாட்டாயா? என்று தெரியாது. அடுத்த வாரம் உன்னை கடத்திச் சென்று பனசங்கரியில் உள்ள கோவிலில் திருமணம் செய்து கொள்வேன். இதனை யாராலும் தடுக்க முடியாது. இது படத்திற்காக எழுதப்பட்ட வசனம் அல்ல. உண்மையில் இது நடக்கும். நான் அடுத்து எடுக்கப்போகும் படத்துக்கு ஹிச்சா வெங்கட் (பைத்தியக்கார வெங்கட்) என்று பெயர் வைத்திருக்கிறேன்”

இப்படி கன்னடத்தில் குறிப்பிட்டிருந்தது அந்த போஸ்டரில். இது சினிமாவுக்கான புதுமையான விளம்பரமா? அல்ல நிஜமாகவே மிரட்டுகிறாரா என்று குழம்பிப் போனார்கள், போலீசார்,. ரம்யாவும் இதுபற்றி எந்த புகாரும் குடுக்கவில்லை. இந்த வெங்கட், 2010ம் ஆண்டு தனக்கும், ரம்யாவுக்கு திருமணம் நிச்சயதார்த்தம் நடக்க இருப்பதாக பத்திரிகை அடித்து விநியோகித்து காமெடி பண்ணியவர்தான். அதனால் சினிமா உலகத்தினரும் சீரியசாக எடுத்துக் கொள்ளவில்லை.

ஆனாலும் “தற்போது ரம்யா ஒரு பாராளுமன்ற உறுப்பினர் என்பதால் போலீசார் இதனை ஈசியாக எடுத்துக் கொள்ள முடியாததால் டைரக்டர் வெங்கட்டிடம் போலீசார் விசாரணை நடத்தி வருகிறார்கள். 

நடிகர் வீட்டு நீச்சல் குளத்தில் பிறந்து 6 நாளே ஆன குழந்தையின் உடல் கண்டுபிடிப்பு!

இந்தி நடிகர் மொனிஷ் பெஹ்லின் பங்களாவில் பிறந்து 6 நாளே ஆன குழந்தை இறந்து கிடந்தது கண்டுபிடிக்கப்பட்டுள்ளது.


இந்தி நடிகர் மொனிஷ் பெஹ்லின் அம்மாவான மறைந்த பாலிவுட் நடிகை நூதனின் பங்களா மகாராஷ்டிரா மாநிலம் தானேவில் இருக்கும் கரேகாவ்ன் பார்சிக் ஹில் பகுதியில் உள்ளது.


 இந்த பங்களாவில் உள்ள நீச்சல் குளத்தில் பிறந்து 6 நாளே ஆன பச்சிளம் குழந்தை இறந்து கிடந்தது கண்டுபிடிக்கப்பட்டுள்ளது. அந்த குழந்தை இறந்து பல நாட்கள் ஆகியதால் உடல் அழுகிவிட்டது.

நடிகர் வீட்டு நீச்சல் குளத்தில் பிறந்து 6 நாளே ஆன குழந்தையின் உடல் கண்டுபிடிப்பு


இதையடுத்து குழந்தையின் உடல் பிரேத பரிசோதனைக்காக அனுப்பி வைக்கப்பட்டுள்ளது. குழந்தையை அந்த பங்களாவில் போட்டுச் சென்றவர்களை போலீசார் தேடி வருகின்றனர்.


மொனிஷ் பெஹ்ல் அந்த பங்களாவுக்கு கடந்த சில மாதங்களாக செல்லவே இல்லை. இந்நிலையில் தான் யாரோ குழந்தையை அங்கு போட்டுள்ளனர். மொனிஷ் போலீஸ் விசாரணைக்கு ஒத்துழைப்பு அளித்து வருகிறார் என்று போலீசார் தெரிவித்தனர்

தரை துடைக்கும் வேலைமுதல் வாட்ஸ் ஆப் நிறுவனர் வரை - சோதனையை சாதனையாக்கிய கோம்!

 இளைய சமூகத்தினர் மத்தியில் மிக பிரபலமான மொபைல் அப்ளிகேஷன் வாட்ஸ்ஆப் நிறுவனத்தின் நிறுவனர்களுள் ஒருவரான ஜான் கோம் தன்னுடைய இளைய வயதில் உணவிற்காக வரிசையில் காத்திருந்தும், வறுமையுடன் போராட தரை துடைக்கும் வேலையையும் செய்தும், தற்போது மிக பெரிய வெற்றி பெற்று சோதனையை சாதனையாக மாற்றியுள்ளார்.

உக்ரைனிலிருந்து பணம் இல்லாமல் தனது தாயாரோடு அமெரிக்காவிற்கு வந்த போது ஜான் கோம்மின் வயது 16.

சாப்பாட்டுக்கு வழியி்ல்லாமல், ஒரு மளிகை கடையில் தரையை சுத்தம் செய்யும் வேலையில் சேர்ந்த கோம், ஒரு பழைய புத்தக கடையில் இருந்து கையேட்டை கடனுக்கு வாங்கி கம்யூட்டர் நெட்வர்கிங் படித்தார்.

இம்மாதம் 23 ஆம் தேதி தன்னுடைய 38வது பிறந்தநாளை கொண்டாடும் கோம், 1997 ஆம் ஆண்டு சிலிகான் வாலியில் படித்துக்கொண்டிருந்த போது படிப்புச் செலவுக்காக ஒரு கம்ப்யூட்டர் நிறுவனத்தில் பகுதி நேர வேலையிலும் சேர்ந்தார். அந்த சமயத்தில்தான் யாஹு நிறுவனத்திற்காக ஒரு வேலைக்குப் போயிருந்தபோது பிரையன் ஆக்டனுடன் நட்பு ஏற்பட்டது.

இவர்கள் இருவரும் மிகச் சிறந்த, நெருக்கமான நண்பர்களான பிறகு யாஹு நிறுவனத்திலேயே வேலையில் சேர்ந்தார் கோம்.

இந்த நிலையில் 2000 ஆம் ஆண்டில் கோமின் தாயார் புற்றுநோயால் பாதிக்கப்பட்டு உயிரிழந்தார். அதன்பிறகு, கோமின் வாழக்கைக்கு உறுதுணையாக இருந்து ஆக்டன் உதவி புரிந்துள்ளார்.

பின்னர், 2007 ஆம் ஆண்டு இருவரும் யாஹு நிறுவனத்திலிருந்து விலகினர். ஒரு வருடம் எந்த வேலையும் செய்யாமல் ரிலாஸ்க் செய்துக்கொண்டனர். பேஸ்புக் நிறுவனத்தில் வேலைக்காக விண்ணப்பித்தனர், இருவரது விண்ணப்பங்களும் நிராகரிக்கப்பட்டன.

அதன்பிறகு 2009 ஆம் ஆண்டு ஆக்டனும், கோமும் வாட்ஸ் ஆப் நிறுவனத்தை நிறுவினர். மிக எளிமையாக பயன்படுத்தக்கூடிய இந்த மொபைல் அப்ளிகேஷனை உலகம் முழுவதும் 450 மில்லியன் மக்கள் உபயோகித்தனர்.

இதையடுத்து பேஸ்புக் வாட்ஸ் ஆப் நிறுவனத்தை 19 பில்லியன் அமெரிக்க டாலர்களுக்கு வாங்கியதோடு இல்லாமல் ஜான் கோமை பேஸ்புக்கின் இயக்குனர்களுள் ஒருவராக்கியுள்ளது.

பேஸ்புக்குக்கு தனது நிறுவனத்தை விற்பது தொடர்பான ஒப்பந்தத்தில் தானும் தனது தாயும் சிறு வயதில் வறுமையுடன் வாழ்ந்து வந்த இடத்தில் வைத்துதான் கோம் கையெழுத்திட்டுள்ளார் எனவும், அந்த இடத்தில்தான் தற்போது வாட்ஸ் ஆப் நிறுவனமும் இயங்கி வருகிறது எனவும் போர்பஸ் பத்திரிகை தெரிவித்துள்ளது குறிப்பிடத்தக்கது.

விஜய்யுடன் பேசிகிட்டிருக்கேன்!

சசிகுமார் படங்களில் அணியும் காஸ்ட்யூம், காட்டுகிற ஸ்டைலும் இன்னொரு விஜய் ஆவதற்கான முயற்சியா என சந்தேகிக்க வைக்கும். இது ஒருபுறமிருக்க, விஜய்யை வைத்து படம் இயக்கும் முயற்சியையும் இன்னொரு பக்கம் நடத்திக் கொண்டிருக்கிறார்.


முருகதாஸ் இயக்கத்தில் நடித்துவரும் படம் முடிந்ததும் சிம்புதேவனின் இயக்கத்தில் நடிக்கிறார் விஜய். அதையடுத்து அட்லி தொடங்கி அரைடஜன் பேர் விஜய்யின் கால்ஷீட்டுக்கு வெயிட்டிங். இந்த காத்திருப்போர் பட்டியலில் சசிகுமாரும் இருக்கிறார்.


விஜய்யிடம் சசிகுமார் ஒரு கதை கூறியிருக்கிறார். தற்போது இருவருமே அவரவர் படங்களில் பிஸி. இரண்டு பேரும் ஃப்ரீயாகும் போது இணைந்து படம் செய்யலாம் என்று தீர்மானித்துள்ளனராம். பேச்சுவார்த்தை போய்கிட்டிருக்கு, முடிந்ததும் சொல்றேன் என்று ஆர்வத்தை ஆறப் போட்டுள்ளார் சசி.


சீக்கிரம் நல்ல சேதியா சொல்லுங்க பாஸ்.

கமல், சூர்யா, அப்புறம் விஜய் சேதுபதி!

கோடம்பாக்கத்தில் எந்த சினிமா விழா நடந்தாலும் சம்பந்தப்பட்ட படத்தின் ஹீரோ வருகிறாரோ இல்லையோ விஜய் சேதுபதி டாணென்று ஆஜராகிவிடுவார். ஏம்பா அரைடஜன் படங்கள்ல நடிக்கிறார்னு சொல்றாங்க. எங்க மீட்டிங் போட்டாலும் வந்திடுறாரே என்று பிரஸ் பீப்பிளே பிகில் ஆவதுண்டு. அவரைப் போலவே ஆல்டைம் மேடையில் இருக்கும் தயாரிப்பாளர்கள் சங்கத் தலைவர் கேயார் இதனை கவனிக்காமல் இருப்பாரா?


இந்திப் படவுலகில் ஒரு படம் வெளியாகிறது என்றால் அதில் நடித்தவர்கள் வாரக்கணக்கில் படத்தின் புரமோஷன் நிகழ்ச்சிகளில் கலந்து கொள்ள வேண்டும். அப்படியே தமிழ்நாடுக்கு வந்தால் ஹீரோயினே படத்தின் ஆடியோ பங்ஷனுக்கு ஆப்சென்டாகதான் இருப்பார். கேட்டால் அதுக்கு தனி கமிஷன் வெட்டணும் என்று பதில்வரும்.


இப்படிப்பட்டவர்களின் வாலை ஒட்ட நறுக்க சமீபத்தில்தான் படத்தின் பிரமோஷன் நிகழ்ச்சியில் கலந்து கொள்ளாதவர்களின் சம்பளத்தில் கை வைப்பது என்ற முடிவை கேயார் எடுத்தார். அதேநேரம் எந்த சின்ன பங்ஷன் என்றாலும் முறையாக அழைப்பு விடுத்தால் கமல் ஆஜராகிவிடுவார். இதனை சமீபத்தில் நடந்த விழாவில் குறிப்பிட்ட கேயார், கமல் இளம் நடிகர்களை உற்சாகப்படுத்துவதில் முன்னிலையில் இருக்கிறார்.


அவர் வருவதால் அந்தப் படத்துக்கு கிடைக்கும் பப்ளிசிட்டி கொஞ்சமில்லை. அதேபோல் சூர்யாவும் விழாக்களில் கலந்து கொள்கிறார். அவர்கள் வரிசையில் இப்போது விஜய் சேதுபதியும் கூப்பிடுகிற விழாக்களில் தவறாமல் கலந்து கொள்கிறார், அவருக்கு என்னுடைய பாராட்டுகள் என தெரிவித்தார்.

நாமும் பாராட்டுவோம்.

ஓ காட்... கடைசியில் காதலனை கண்டுப் பிடிச்சிட்டேன்!

பிபாசா பாசு ஓபன் டைப். எதை மறைக்கிறாரோ இல்லையோ, யாருடன் டேட்டிங் செய்கிறேன் என்பதை மட்டும் மறைக்கவே மாட்டார்.


ஜான் ஆபிரகாமும் இவரும் ஓருடலும் ஓருயிருமாக (தப்பா எழுதலை) இருந்தது நாடறியும். கல்யாணம் செய்து கொள்ளவில்லையே தவிர இரண்டு பேரும் சேர்ந்தே இருந்தனர்.

ஜான் ஆபிரகாம் தனது அன்பையும், காதலையும் சோசலிஸம் செய்ய ஆரம்பித்ததும் அவர்களிடையே பிரிவு உண்டாகி நிரந்தரமாக பிரிந்தனர். ஜான் இப்போது வேறொருவரை திருமணம் செய்து குடும்பஸ்தனாகிவிட்டார்.


பிபாசா பாசு சக நடிகர் ஹர்மன் பவேஜாவுடன் நெருக்கமாக பழகி வருகிறார். இருவரும் திருமணம் செய்வார்கள் என பேச்சு உள்ளது. ஆனால் சம்பந்தப்பட்ட இருவரும் எதுவும் சொல்லவில்லை.


பிபாசாதான் ஓபன் டைப் ஆயிற்றே. ஹர்மன் பவேஜாவுடன் சேர்ந்து வாழ்வது உண்மைதான். கடைசியில் - என்னை விட ஒரு நல்ல மனுஷனை கண்டு பிடித்துவிட்டேன் என்று தெரிவித்துள்ளார்.


ஜானை போல் ஹர்மனும் சோசலிஸ்ட் ஆகும் முன் திருமணத்தை முடிச்சிடுங்க.

இதுதானா பழம் நழுவி பாலில் விழுவது...?

அமலா பால் ரொம்ப அலட்டல் பண்றார் என்று திரையுலகு குற்றப்பத்திரிகை வாசித்தவேளை நிமிர்ந்து நில் படத்தில் அவரை ஒப்பந்தம் செய்தார் சமுத்திரக்கனி. அமலா பாலைப் போல ஒத்துழைப்பு தரும் நல்ல நடிகையை நான் கண்டதில்லை என சான்றிதழும் தந்தார்.


நிமிர்ந்து நில் ஒரே நேரத்தில் இரு மொழிகளில் - தமிழ், தெலுங்கு - தயாரானது. தமிழில் ஜெயம் ரவியுடன் நடித்த காட்சியை உடனேயே நானியுடன் அமலா பால் நடிக்க வேண்டும்.


இருமொழிகளிலும் ஹீரோக்கள்தான் வேறு. நாயகி ஒருவரே, அமலா பால். இப்படி ஒரே நேரத்தில் இருமொழி பேசி இரண்டுமுறை நடிப்பது சாதாரணமில்லை. சமுத்திரக்கனி அமலா பாலை பாராட்டியது இதனால்தான்.


முன்பே நாம் சொன்னது போல் நிமிர்ந்து நில்லுக்குப் பிறகு சமுத்திரக்கனி தயாரித்து இயக்கும் ஹாரர் படத்தில் அமலா பால் நடிக்கிறார். தற்போது அமலா பாலே அதனை உறுதி செய்துள்ளார்.


கிராமப்புறக் கதையான இதில் மைனாவைவிட பவர்ஃபுல்லான வேடம் எனக்கு. என்னுடைய கரியரில் இது முக்கியமான படமாக அமையும் என கூறியுள்ளார்.


கனி(பழம்) நழுவி பாலில் விழுவது இதுதானோ.