ரஜினிகாந்த் தீபிகா படுகோனே, சரத்குமார், நாசர், ஆதி, ஜாக்கி ஷெராப், ருக்மிணி, ஷோபனா, உள்பட பலர் நடிப்பில் தயாராகி உள்ள படம் 'கோச்சடையான்'. பாடல்களை வைரமுத்து எழுத ஏ.ஆர் ரஹ்மான் இசையமைத்துள்ளார்.
தந்தை, மகன் என இரு வேடங்களில் ரஜினி வருகிறார். ரஜினியின் மகள் சௌந்தர்யா ரஜினிகாந்த் இப்படத்தினை இயக்கியிருக்கிறார்.
'கோச்சடையான்' திரைப்படம் ஏப்ரல் 11ம் தேதி வெளியாகும் என்று ஏற்கனவே அறிவித்துவிட்டார்கள். 6 ஆயிரத்திற்கும் அதிகமான திரையரங்குகளில் இப்படத்தினை வெளியிட திட்டமிட்டு இருக்கிறார்கள்.
தமிழ், இந்தி, தெலுங்கு, போஜ்புரி, மராத்தி, ஆங்கிலம் உள்ளிட்ட 10 மொழிகளில் இப்படம் வெளியாக இருக்கிறது.
பலமுறை இப்படத்தின் இசை வெளியீட்டு தேதி அறிவிக்கப்பட்டு ஒத்தி வைக்கப்பட்டு இருக்கிறது. தற்போது மார்ச் 9ம் தேதி இப்படத்தின் இசை வெளியீடு சென்னையில் நடைபெறும் என்று அறிவித்திருக்கிறார்கள்.
ஹைதராபாத்தில் 'கோச்சடையான்' படத்தின் தெலுங்கு பதிப்பான 'விக்ரமசிம்ஹா' இசை வெளியீடு மார்ச் 10ம் தேதி வெளியாகும் என்று அறிவிக்கப்பட்டு இருக்கிறது.
0 comments:
Post a Comment