லோகோவிலே கலக்கறாங்க ..‘வா டீல்’ படக்குழுவினர்!

அருண்விஜய், கார்த்திகா இணைந்து நடிக்கும் புதியபடம் “வா-டீல்”. மேலும் இப்படத்தில் சதீஷ், சுஜா வாருணி, ஜெயபிரகாஷ், கல்யாண், வம்சி, ரேணுகா மற்றும் பலர் நடித்துள்ளனர். கதை, திரைக்கதை, வசனம், எழுதி இயக்குகிறார் சிவஞானம்.


 தமன் இசையமைத்திருக்கிறார். கோபி ஜெகதீஸ்வரன் ஒளிப்பதிவு செய்கிறார். இப்படத்தை பெதர் டச் எண்டர்டெயின்மெண்ட் நிறுவனம் தயாரித்து வருகிறது. இப்படத்தின் டைட்டில் லோகோவை வித்தியாசமான முறையில் வெளியிட்டுள்ளனர்.


இருங்காட்டுகோட்டையில் நடந்துகொண்டிருக்கும் கார்பந்தயம் பார்முலா-3 இல் ‘வா-டீல்’ டைட்டில் லோகோவை வெளியிட்டுயிருக்கிறார்கள். புதுமையான முறையில் லோகோவை வெளியிட்ட காரணத்தைப் பற்றி படக்குழு கூறுகையில்,


இப்படத்தில் கார், பைக் ரேஸ் போன்ற அம்சங்கள் கதைக்குள் இருப்பதாலும், ரேஸ் காரின் வேகம் போல் திரைக்கதை அமைந்திருப்பதாலும், சென்டிமென்டாக இருக்கும் என்பதற்காக வித்தியாசமான முறையில் “வா-டீல்” டைட்டில் லோகோவை வெளியிட்டிருக்கிறோம் என்று படக்குழு கூறியுள்ளது.


இந்தியாவில் வளர்ந்து வரும் கார் பந்தய வீரர் மிஹிர் தர்க்கர் ஒட்டிய கார் நம்பர் 9-இல் ‘வா-டீல்’ லோகோ பொருத்தப்பட்டது.


படப்பிடிப்பு முடிந்துள்ள இந்நிலையில் இப்படத்தின் ஆடியோ வெளியீடு மிக விரைவில் நடைபெறவுள்ளது.