“அங்குசம் - திரைப்படம் யாரை தாக்கி எடுக்கப்பட்டது...?

அங்குசம் திரைப்படம் யாரையும் தாக்கி எடுக்கப்பட்டது அல்ல என்று பாடலாசிரியர் திரவியன் கூறினார்.

அங்குசம் திரைப்படத்தின் பாடலாசிரியர் திரவியன், தகவல் அறியும் உரிமைச்சட்ட ஆர்வலர் சீனிவாசன் ஆகியோர் நேற்று பேட்டி அளித்தனர். அப்போது கூறியதாவது:–


அங்குசம்

அங்குசம் திரைப்படத்தை இயக்குனர் மதுக்கண்ணன் இயக்கி உள்ளார். படத்தில் ஸ்கந்தா கதாநாயகனாகவும், ஜெய்த்தி குகா கதாநாயகியாகவும் நடித்து உள்ளனர். இந்த படம் தகவல் அறியும் உரிமைச்சட்டம் குறித்து அனைத்து தரப்பு மக்களும் அறிந்து கொள்ள வேண்டும் என்ற வகையில் உருவாக்கப்பட்டு உள்ளது.

நம் நாட்டில் உள்ள பல படங்கள் வெளியில் வராமல் சென்று உள்ளன. இந்த படம் யாரையும் தாக்கி எடுக்கப்பட்ட படம் அல்ல. படம் வருகிற 21–ந் தேதி வெளியாகிறது.

விழிப்புணர்வு

படத்தின் கதை திருச்சி சீனிவாசனின் சொந்த வாழ்வில் ஏற்பட்ட தாக்கத்தை பயன்படுத்தி உருவாக்கப்பட்டு உள்ளது. தகவல் அறியும் உரிமை சட்டத்தை 4 சதவீதம் பேர் பயன்படுத்துகின்றனர். 2 சதவீதம் பேர்தான் ஆழமாக அறிந்து பயன்படுத்தி வருகின்றனர்.

இந்த சட்டத்தை அனைவரும் அறிந்து கொள்ள வேண்டும், மக்களிடம் விழிப்புணர்வு ஏற்படுத்த வேண்டும், மாற்றத்தை ஏற்படுத்த வேண்டும் என்ற வகையில் உருவாக்கப்பட்டதே அங்குசம் படம் ஆகும்.

இவ்வாறு கூறினர்.