ஊர் ஊராக சுற்றி வரும் உலகநாயகன் !!

நடிகர் ரமேஷ் அரவிந்த் இயக்கத்தில் கமல்ஹாசன் நடிக்க இயக்குனர் லிங்குசாமி தயாரிக்கும் படம் உத்தம வில்லன் இந்த படத்தின் ஷூட்டிங் இந்தியாவிலுள்ள பல்வேறு முக்கிய நகரங்களில் நடக்கிறதாம் இதற்காக அந்தந்த ஊர்களுக்கு சென்று லொகேஷன் பார்த்து வருகிறார் கமல்ஹாசன்.


 அவருடன் ரமேஷ் அரவிந்த் மற்றும் படக்குழுவினர் சென்று வருகின்றனர்.


பீகார், டெல்லி நகரங்களுக்கு சென்றவர்கள், சமீபத்தில் மத்திய பிரதேசத்துக்கு சென்று வந்தனர். இந்த படத்தில் மூன்று மகள்களுக்கு அப்பாவாக கமல் நடிக்கிறார்.


 இதில் ஒரு மகளின் வேடத்தில் நடிக்கத்தான் ஸ்ருதிஹாசனிடம் பேசப்பட்டது. ஆனால் அவர் கால்ஷீட் இல்லை என நடிக்க மறுத்துவிட்டார். படத்தில் 3 ஹீரோயின்கள் கேரக்டர்கள் இருப்பதாக சொல்லப்படுகிறது.


கமலுடன் முதல்முறையாக சந்தானம் இதில் நடிக்கிறார். இந்த படத்தில் யுவன் ஷங்கர் ராஜாதான் முதலில் இசையமைக்க இருந்தார்.


இதற்காக அவர் ஒப்பந்தம் செய்யப்பட்டார். ஆனால் திடீரென அவர் நீக்கப்பட்டுள்ளார். அவருக்கு பதிலாக தமன் அல்லது அனிரூத் இசையமைப்பார்கள் என கூறப்படுகிறது