கார்த்திக் படத்திற்கு புது டைட்டில் ! காளியும் இல்லையாம், கபாலியும் இல்லையாம்!

அட்டகத்தி ரஞ்சித் இயக்கும் படத்தில் நடிக்க நடிப்பு முகாமில் பங்கேற்று பயிற்சி பெற்று வருகிறார் கார்த்தி.

இந்த படத்துக்கு முதலில் காளி என பெயர் சூட்டப்பட்டது. பிறகு கபாலி என மாற்றினார்கள். இப்போது வேறு பெயர் வைக்க யோசித்து வருகிறார்கள்.


இதில் கார்த்தி ஜோடியாக கேத்ரின் தெரஸா நடிக்கிறார். படப்பிடிப்பு தொடங்கும் முன் நடிப்பு பயிற்சி முகாம் வைக்கலாம் என டைரக்டர் ரஞ்சித் சொல்லிவிட்டாராம். கடந்த சில வாரங்களாக இந்த முகாமில் துணை நடிகர்களுடன் கார்த்தியும் பங்கேற்று வருகிறார்.


இது பற்றி கார்த்தி கூறியது: படப்பிடிப்பு தொடங்கும் முன் இதுபோல் பயிற்சி முகாம் வைத்தால் அது நமக்கு தான் நல்லது. கேரக்டரை நன்றாக புரிந்துகொள்ள முடியும்.


இந்த கேரக்டர் எப்படி டயலாக் டெலிவரி செய்யும், பாடிலாங்குவேஜ் எப்படி காட்டும் என்பதை அறிய முடியும். வடசென்னையில் குப்பத்து ஏரியாவில் வசிக்கும் இளைஞன் வேடம். என்னுடன் இளைஞர்கள் சிலர் நடிக்கிறார்கள். அவர்களும் இந்த பயிற்சி முகாமில் பங்கேற¢றார்கள்.


இந்த முகாம் செம ஜாலியாகவும் அதே சமயம் எனக்கு அதிக பயனுள்ளதாகவும் அமைந்தது. இதனால் ஷூட்டிங்கில் ரீடேக் வாங்குவதை தவிர்கலாம். அதுமட்டும் அல்லாமல் படப்பிடிப்பை வேகமாக நடத்தி முடிக்கலாம்