துப்பாக்கி படத்திற்குப் பிறகு ரசிகர்களிடம் பெரும் எதிர்பார்ப்பைக் கிளப்பியிருக்கும் விஜய் - ஏ.ஆர்.முருகதாஸ் கூட்டணியில் உருவாகிவரும் இப்படத்தின் படப்பிடிப்புகள் கல்கத்தாவில் துவங்கின. அதன்பிறகு இரண்டாம் கட்டப் படப்பிடிப்புகள் கடந்த வாரத்தில் சென்னை விமான நிலையத்தில் பலத்த பாதுகாப்புகளுடன் நடைபெற்றன.
இப்படத்தின் படப்பிடிப்புக்களை ஐந்தே மாதத்தில் நிறைவு செய்யப் படக்குழு தீர்மானித்திருப்பதால், இதன் மூன்றாம் கட்டப் படப்பிடிப்புகள் தற்பொழுது ஹைதராபாத்தில் உள்ள ராமோஜி ராவ் பிலிம் சிட்டியில் துவங்கியுள்ளன. சுமார் ஒரு மாத காலம் ஹைதராபாத்தில் படப்பிடிப்புக்களை நடத்தவிருப்பதாகவும் கூறப்படுகிறது.
லைக்கா புரொடக்சன்ஸ் தயாரிப்பில் உருவாகிவரும் இப்படத்திற்கு அனிருத் இசையமைக்கவுள்ளார். ஜார்ஜ் வில்லியம்ஸ் ஒளிப்பதிவு செய்துவருகிறார். இப்படத்தின் தலைப்பு இன்னும் அறிவிக்கப்படாத நிலையில், “வாள்” அல்லது “ தீரன்” என்று தலைப்பிடப்படலாம் என்று கிசுகிசுக்கப்பட்டுவருகிறது. இப்படம் இளைய தளபதி நடிக்கும் 57 ஆவது திரைப்படமாகும்.
0 comments:
Post a Comment