சவுந்தர்யாஜி.. சென்னைக்கு வர்றேன்.. லுங்கி டான்ஸ் ஆடறேன்!' - ஷாரூக்!

தன் ஒவ்வொரு படத்திலும் ஏதாவது ஒரு வகையில் ரஜினியின் பெயரை, படத்தை அல்லது காட்சியை வைப்பது ஷாரூக்கானின் சமீபத்திய வழக்கம். இதை ரஜினிக்கு தான் செலுத்தும் மரியாதை என அவர் கூறினாலும், மற்றவர்கள் அதை பப்ளிசிட்டி என்று கூறி வருகின்றனர்.



ரா ஒன்னில் ரஜினியை ஒரு காட்சியில் இடம் பெற வைத்தவர், அடுத்த படமான சென்னை எக்ஸ்பிரஸில் ரஜினிக்கு மரியாதை என்ற தலைப்பில் லுங்கி டான்ஸ் பாடலை இடம்பெற வைத்தார். அந்தப் பாடலுக்கு நாடு முழுவதுமே நல்ல வரவேற்பு கிடைத்தது.



இந்த நிலையில் ஷாரூக்கானை கோச்சடையான் இசைவெளியீட்டு விழாவுக்கு அழைத்திருந்தார் சவுந்தர்யா. தமிழகத்தில் பெரிய வரவேற்புள்ள இந்தி நடிகர்களில் முதலிடம் ஷாரூக்கானுக்குதான் என்பது குறிப்பிடத்தக்கது.



அதற்கு உடனே பதிலளித்த ஷாரூக்கான், "சவுந்தர்யா ஜி, உங்களுக்காக நிச்சயம் நான் சென்னை வருகிறேன். லுங்கி டான்ஸ் ஆடுகிறேன் ஹாஹா.. அப்பாவிடம் என் அன்பையும் விசாரிப்புகளையும் தெரிவிக்கவும்," என்று ட்விட்டரில் கூறியுள்ளார்.