விஷால் தனது சொந்தப் பட நிறுவனம் சார்பில், யுடிவியுடன் இணைந்து தயாரிக்கும் படம் நான் சிகப்பு மனிதன். திரு இயக்க, விஷால் ஜோடியாக லட்சுமி மேனன் நடித்து வருகிறார். தள்ளிப் போடத் திட்டமில்லை...
ஏப்ரல் 11-ல் நான் சிகப்பு மனிதன் இந்தப் படத்தின் படப்பிடிப்பு இறுதிக்கட்டத்தில் உள்ளது. கூடவே போஸ்ட் புரொடக்ஷன்ஸ் பணிகளும் நடந்து வருகின்றன. படத்தின் இசை வெளியீடு வரும் மார்ச் 13-ம் தேதி நடக்கும் என ஏற்கெனவே அறிவித்திருந்தனர்.
இதற்கிடையில், தேர்தல் அறிவிப்பு காரணமாக படத்தை ஒரு மாதம் தள்ளிப் போட வாய்ப்பிருப்பதாகக் கூறப்பட்டது. ஏற்கெனவே வெளியாகத் தயாராக இருந்த சில பெரிய படங்களும் தள்ளிப் போடப்படுவதால், இந்தப் படமும் அதே பாணியில் தள்ளிப் போகும் என்றனர்.
ஆனால் அறிவிக்கப்பட்ட தேதியில் நான் சிகப்பு மனிதன் வெளியாவது உறுதி என நான் சிகப்பு மனிதன் தரப்பிலிருந்து அறிவிக்கப்பட்டுள்ளது.
0 comments:
Post a Comment