அஜித் - போலீஸ் - கௌதம் - தீபாவளி !

அஜித்தின் 55 வது படத்தை கௌதம் இயக்குகிறார். ஏ.எம்.ரத்னம் தயாரிக்கிறார். அஜித்தின் புதிய படம் குறித்து இதற்கு மேல் அதிக தகவலில்லை.


இத்தனைக்கும் இந்த மாத இறுதிக்குள் படப்பிடிப்பு செல்கிறார்கள்.


சமீபத்தில் கசிந்த செய்தி, அஜித் இதில் இளம் போலீஸ் அதிகாரியாக நடிக்கிறார். இளம் என்பதில் கோடிட்டுக் கொள்ளுங்கள். மங்காத்தா, ஆரம்பம், வீரம் என தொடர்ந்து சால்ட் அண்ட் பெப்பர் தலையுடன் நடித்த அஜித் இதில் டை அடித்து இளமையாக மாறுகிறார்.


உடம்பை குறைக்கும் பொருட்டு உடற்பயிற்சியையும் முடுக்கிவிட்டுள்ளார்.


கௌதமின் போலீஸ் கதைகளான காக்க, காக்க, வேட்டையாடு விளையாடு இரண்டுமே ஹிட். அந்த வரிசையில் இதுவும் வெற்றிப் படமாக அமையும் என்பதில் அஜித்துக்கு முழு நம்பிக்கை. படத்துக்கு ஏ.ஆர்.ரஹ்மான் இசையமைப்பார் என தெரிகிறது.


ஹீரோயின் இன்னும் முடிவாகவில்லை.