கமல் பட வாய்ப்பை மறுத்தேன்!

கமல் படத்தில் நடிக்க வந்த வாய்ப்பை மறுத்தேன் என கூறினார் காஜல் அகர்வால்.

இளம் முன்னணி நடிகர்களுடன் நடிப்பதற்கு மட்டுமே காஜல் அகர்வால் முன்னுரிமை தருவதாக அவர்மீது விமர்சனம் இருந்தது.


இந்நிலையில் உத்தம வில்லன் படத்தில் கமல் ஜோடியாக நடிக்க அவரை அணுகினர். அந்த வாய்ப்பை காஜல் அகர்வால் ஏற்றுக் கொள்ளவில்லை. கமலுடன் நடிக்க அவர் மறுத்தார்.


இதுவரை வதந்தியாக உலவிய இந்த செய்தியை தற்போது காஜல் அகர்வாலே உறுதிப்படுத்தினார். கமல் படத்தில் அவருடன் நடிக்கக் கேட்டு தன்னை அணுகியதாகவும், கால்ஷீட் இல்லாததால் நடிக்க மறுத்ததாகவும் தெரிவித்தார்.


அதேநேரம் உதயநிதியின் நண்பேன்டா படத்தில் அவருடன் நடிக்க காஜல் அகர்வாலுக்கு விருப்பம் இருந்தது. ஆனால் கடைசி நேரத்தில் காஜலை கழற்றிவிட்டு நயன்தாராவை ஒப்பந்தம் செய்தார் உதயநிதி.


விரைவில் தமிழ், தெலுங்கில் தலா ஒரு படத்தில் நடிக்க உள்ளார் காஜல் அகர்வால்.