கோலங்கள் தொடரில் நடித்த ஆதி ஹீரோவானார்!

கோலங்கள் தொடரில் நடித்த ஆதியை யாரும் மறந்திருக்க மாட்டீர்கள். அந்த தொடரில் தேவயானிக்கு எதிராக வில்லத்தனத்தில் மிரட்டியிருப்பவர்தான் ‘கோலங்கள் ஆதி’ என்று அழைக்கப்படும் அஜய்.


தற்போது இவர் ஆதியும் அந்தமும் படத்தின் மூலம் நாயகனாக அறிமுகமாகிறார். முற்றிலும் த்ரில்லராக உருவாகியிருக்கும் இந்தப்படத்தை கௌஷிக் இயக்கியுள்ளார். படத்திற்கு எல். வீ.கணேசன் இசையமைக்கிறார். வாசன் ஒளிப்பதிவு செய்கிறார். என்.கே கிராப்ட்-ஆர். எஸ். ஆர் ஸ்க்ரீன்ஸ் ஆகியோர் இணைந்து தயாரிக்கின்றனர்.


இந்தப்படத்தின் இறுதிக்கட்ட பணிகள் முடிவடைந்து ரிலீஸுக்கு தயாராக உள்ளது. மேலும் பபடத்துக்கு திரை அரங்கு உரிமையாளர்களிடம் கிடைத்த வரவேற்பை சொல்லி பூரிப்பு அடைகிறார் நாயகன் அஜய் .


‘எனக்கு கிடைத்த ஊக்கம் தரும் வார்த்தைகளும் , திரை அரங்கு குறித்த உத்திரவாதமும் என்னை மிகவும் பெருமைக்குரியவன் ஆக்குகிறது . திரை அரங்கு உரிமையாளர்கள் தான் முதல் ரசிகர்கள் . அவர்களின் சினிமா குறித்த அனுபவம் என்னை போன்ற புதியவர்களுக்கு மிகவும் தேவை என்று கூறினார்.