இந்த மாதம் தொடங்கும் சண்முக பாண்டியனின் சகாப்தம்!

விஜயகாந்தின் இளைய மகன் சண்முக பாண்டியனின் சகாப்தம் படம் இந்த மாதம் தொடங்குகிறது.

சண்முக பாண்டியனுக்கு தந்தையைப் போல் நடிகராக வேண்டும் என்று ஆசை. மகனின் அறிமுகப் படத்துக்கு கதை தேர்வு செய்ய ஒரு குழுவை விஜயகாந்த் நியமித்தார்.


பலநூறு கதைகள் கேட்டு கடைசியில் ஒரு கதை அவர்கள் எதிர்பார்ப்பை பூர்த்தி செய்தது. அந்தக் கதையை இயக்கும் பொறுப்பை விஜயகாந்த் சந்தோஷ் குமாரிடம் ஒப்படைத்தார்.


சந்தோஷ் குமார் வல்லரசு படத்தில் பணியாற்றியிருக்கிறார். பெரிய அனுபவம் கிடையாது. தன்னையே சுற்றிக் கொண்டிருந்தவரை நம்பி இந்தப் படத்தை விஜயகாந்த் ஒப்படைத்தார். பிரமாண்டமாக படத்தொடக்கவிழாவும் நடந்தது.


இந்த மாதம் படப்பிடிப்பு தொடங்குகிறது. படத்துக்காக 85 கிலோவாக இருந்த உடம்பை 65 கிலோவாக குறைத்துள்ளார் சண்முக பாண்டியன். தொழில் மீதான ஈடுபாட்டிற்கு இந்த 20 கிலோ எடை குறைத்தல் நல்ல சான்று.


அப்பாவிடமிருந்து பேக் கிக் கற்றுக் கொள்ளுங்கள். பத்து பதினைந்து வருடங்கள் விஜயகாந்த் பீல்டில் பிடித்து நின்றது அதை வைத்துதான்.