பாலிவுட்டில் வெளியான கஹானி தமிழில் ‘நீ எங்கே என் அன்பே என்ற பெயரிலும் அனாமிகா என்ற பெயரில் தெலுங்கிலும் ரீமேக் செய்யப்பட்டுள்ளது. இப்படம் பற்றி இயக்குனர் சேகர் கம்முலா கூறியதாவது:
இதுவரை ரீமேக் படங்கள் இயக்கியதில்லை. இதில் நயன்தாரா நடித்தது மிக பொருத்தமாக அமைந்தது. இந்தியில் நடித்த வித்யாபாலனைவிட சிறப்பான நடிப்பை வெளியிட்டிருக்கிறார்.
வித்யாபாலனைவிட நயன்தாராவுக்கு அதிக சம்பளம் தரப்பட்டதா? என்கிறார்கள்.
அவருக்கு தரப்பட்ட சம்பளம் அவரது தகுதிக்கு பொருத்தமானதுதான். சம்பளம் எவ்வளவு கொடுத்தார் என்பது தயாரிப்பாளருக்குத்தான் தெரியும். ஆனால் நயன்தாராவின் நடிப்பு எனக்கு திருப்தி தந்தது.
இந்தி ரீமேக்காக இருந்தாலும் இப்படத்தின் திரைக்கதையை முற்றிலும் மாற்றி இருக்கிறேன். மேலும் கர்ப்பிணிபோன்ற கதாபாத்திரமும் மாற்றப்பட்டது. பெண்கள் துணிச்சலானவர்கள். எனவே கர்ப்பிணி வேடம்போட்டு அந்த கேரக்டருக்கு கருணை தேடவிரும்பவில்லை.
‘இப்படத்தின் விளம்பர நிகழ்ச்சிக்கு நயன்தாரா வராதது ஏன்? என்கிறார்கள்.
அடுத்தடுத்த நிகழ்ச்சிகளுக்கு வருவார் என்ற நம்பிக்கை இருக்கிறது. மரகத மணி இசை. விஜய் சி.குமார் ஒளிப்பதிவு.
தெலுங்கில் நான் இயக்கிய லீடர் படத்தை தமிழில் ரஜினியை பார்க்கும்படி கேட்டுக்கொண்டேன். அவர் நடித்து அப்படத்தை இயக்கவேண்டும் என்பது என் கனவு. இவ்வாறு சேகர் கம்முலா கூறினார்.
0 comments:
Post a Comment